Ni 30 sung MI PAKHAT hrang thlacam
(A hnuailam Bible siar in blank (lawnglaknak) ah a hmin sal in thlacam aw. (a hnuai vek cekci a tul lo nan zohthim dingah nganmi asi)
Day 1: John 14: 6 Jesuh in, “Keimah cu lamzin le thutak le nunnak ka si. Keimah hnenin siar lo zohman ka Pa hnenah an thleng thei lo.
Ka Pa ka Pathian na hmin sunglawi sin seh. Jesuh Khrih lawng nunnak, thutak lamzin asi. Ka Bawipa Jesuh, nangmah lawng leitluh mi hmuahhmuah nunnak, thutak, lamzin na si vekin ka seherhmi (hmin)……………. in nangmah a lo zum ih kumkhua nunnak a neih ve theinak hrang thla ka cam. A hrangah rundammak umsun Jesuh a zum lawngah asi vekin ka Pa,……….. hi na zangfahnak zumnak co ter hram aw. Aw, Thlarau Thianghlim…….ih thinlung kaitho in a thlarau nunter hram aw. A tu ih a ton rero mi dinnmun hmang in a thinlung nangmai lamah hawiter hram aw. Raltha zetin Jesuh Khrih ah Pathian zangfahnak zummak lawng hi nuhnak, thutak, rundamnak lamzin umsun asi ti sim theinak cantha in pe hram aw. Ka duhdawtmi ka seherhmi……… hi Khrih ah rundammi si dingin Jesuh hmin in thla ka cam. Amen.
MI PAKHAT HRANG THLACAM-
Day 2: Ezekiel 11:19-20, Thinlung le ruahnak thar ka pe ding. Lungto vekih a hakmi an thinlung cu ka hlon hlo dingih thinlung neem ka pe ding. 20 Cuticun ka daan pawl cu an thlun dingih ka thupekmi pawl cu fel zet in an tuah ding. Anmah cu ka minung an si dingih keimah hi an Pathian ka si ding.
Ka pa,……… cu thinlung thar a tul asi. Nangmah lawngin lungto vekin a hak mi a thinlung na thleng sak thei ih sual sal ah a tangmi, Pathian ziang siar lo a thinlung cu na thleng sak thei asi. Na zangfahnak siar lo ka seherhmi………… in ruahsan ding zianghman a nei lo, na lam hawi kir sal in na dungthluntu tha si dingin ruahsan ding a hrangah zianghman a um lo. Ka pa, na zangfaknak a lak in in pekmi cu……….. pek hram awla nangmah cu Rundamtu Bawi le a Pathian ah lo co hlang ve dingin zangfah hram aw, ka lo ngen asi. A maksak mi na zangfah duhdawtnak ruangah……….. cu na Thlarau burkhat hram awla thinlung thar le ruahnak thar pe hram aw. Jesuh hmin in ka lo dil, thla ka cam. Amen 🙏
DAY 3: MI PAKHAT HRANG THLACAM: A HNUAILAM BIBLE SIAR IN NA SEHERHMI MI PAKHAT HRANG A HNUAILAM VEKIN THLACAM SAK AW.
“Thilrit a phurmi le zonzaih a tuartu pawl, ka hnenah ra uh, colhdamnak ka lo pe ding. Ka kawn hi phurhnik uh. Kei cu nunnem le tangdornak thinlung neimi ka si. Ka hnen ihsin zir uhla colhdamnak nan ngah ding. 30 Ziangahtile kei ih kawn phurh cu a nuam ih ka thil khal a zang a si,” tiah a ti. (MATTHEW 11:28–30)
Ka Pa, a tluse zo mi leitlun nun cu phurrit lawnglawng in a khat ti ka thei. Ka seherhmi………… khal midang vek thotho asi, a tluse zo mi leitlun sualnak lakah harsatnak, tuarnak, phurrit thawn a nung ve asi ti ka thei. Leitlun mi pawlin Bawi Jesuh pan loin thildang a phunphun ah lungawi nun diremnak an hawl. Cuvek lakah…….. khal a tel ve. Ka Pa, nangmah lawng sankhuk nun colhhahdamnak ngaingai pe thei tu na si ti ka thei. Ka sehhermi……. …….. hi na Thlarau in theihter hram aw, leitlunah lungawi hnangam daihnak hawl rero cu thli dawi rero vek fang asi ti theihter in nangmah lam hawl kir sal dingin zangfahnak hram aw ka Pa. Cuticun Khrih ah lungawi hnangam daihnak, kumkhua nunnak phur a zawngmi nun a neih theinak ding hrangah Jesuh hmin in thla ka cam. Amen.
