Kawhhran Kutkaih

THU HMAIHRUAI

FALAM CHRISTIAN CHURCH Dinnaksan hrampi

Thucang hril: John 14:6, Jesuh in “Keimah cu lamzin le thutak le nunnak ka si. Keimah hnen in
siar lo zohman ka Pa hnennah an thleng thei lo.
Vision (sunmang): Jesuh dungthluntu sintu dungthluntu tuah. (Making disciples who make
disciples)
Tuahmi pa 3 (Mission) : Pathian thangthat, zumtu bawibawih dungthluntu tuah, Thuthangtha
sim. (Praise, serve by making disciples, and preach the Gospel)
Man Sunglawi (Values): Thuthangtha muril (Gospel Centered), Nung Thianghlim (Holiness),
Duhdawtnak (Love), Thlacam nun (prayerfull life), Pumpek nun (Sacrificial living).
Hnatuandan (Strategy): Thlacam tlang (mass prayer), timtuah tlang (planning), Pathian
thangthat tlang (corporate worship), Thuthangtha sim (Preaching the Gospel), Pathian Thutak
zirh (teaching the Gospel), Dungthluntu tuah (Making disciples), bulpak nun kaihhruai
(coaching, mentoring), crusade and campaign, Mission feh.
Hlawhtlinnak tehfung (measurement of success): Input (khawm, sumpai thawhzat, kawhhran
program cangvaihnak), rahsuah-piangthar, rundamnak ngah zat, rawngbawltu tha suak,
missionary, pastors, zumtu pitling nun nei, le a hngawrmi rahsuah (impact result), leitlun pum
Pathian uknak karhzaiter.

FALAM CHRISTIAN CHURCH OF INDIANAPOLIS (FCCI)

Daan le Dun

2018 Version
Pawlkom Ruangzing

Jesu in “Keimah cu lamzin le thutak le nunnak ka si. Keimah hnenin siarlo zohman ka Pa

hnenah an thleng thei lo” ati (John 14:6).

A SUNGTHU PAWL

Thuhmaihruai:

Article 1. Hmin le Hmunpi
Article 2. Zumnak thuhram thuken
Article 3. Thuneihnak sangbik
Article 4. Tumtah
Article 5. Pawlkom dang thawn pehtlaih nak
Article 6. Cozah/Kumpi le thuneitu pawl pehtlaihnak
Article 7. Kawhhran titawp dan ding
Article 8. Kawhhran Sungtel sinak
Article 9. Kawhhran sungtel siat ni that ni bawm awknak
Article 10. Kawhhran sungtel sinak ihsin tawpternak
Article 11. Nunsimnak/Thunun awknak
Article 12. Kawhhran dindan le kaihhruai awkdan
Article 13. Kawhhran hnattuan-bik kaitu pawl
Article 14. Kawhhran rawngbawlnak le ttuanvo tthen pawl Article

Article 15. Kawhhran tuanvo kaitu hril awknak
Article 16: Meetings
Article 17. Kawhhran dan le dun pi rem nak

Thuhmaihruai:
Falam Christian Church of Indianapolis (FCCI) cu Indianapolis, USA ah a ummi Khrih
zumtupawl Pathian biaktlangnak, Pathian thangthat sunlohnak, thuthangtha karhzainak hrang
rawngbawl tlangnak, le khat le khat zumnak le duhdawtnakin tthanglian dingin siseh nitin
nuntu khawsak hmasawnnak hrang bawmbawi awk tawn dingin February 24 th 2008 ah dinmi
asi.

 Article 1. Hmin le hmun

I. Pawlkom hmin cu Falam Christian Church of Indianapolis (FCCI) asi ding.
II. Kawhhran hmunpi cu Indianapolis, Indiana, USA asi dingih a tuldan in rawngbawlnak
neih vivo asi ding.

 Article 2. Zumnak thuhram thuken:

Southern Baptist Convention in 2015 ih zumnak thurin le thuken (faith and massage) a ngan
vekin FCCI zumnak thurin le thuken khal asive.
I. THU HIANGHLIM (The Scriptures)
Bible Thianghlim cu milai hnenah Pathian a phuansuah awknak thupuan asi ih Pathian
thawkkhawmnak in milai ih nganmi asi. Pathian ih in zirhnak famkim ro sunglawi asi. Pathian cu
thuhram suahnak asi ih rumdannak cu a tumtahtawp si in a sungthu cu palhnak umloin thutak.
Curuangah Thuthiang hmuahhmuah cu a zaten rinsan tlak a dikmi asi. Pathian in milai parah lai
a reldan pawl in sim ruangah leilungtawp tiang a hmun dingih khrihfa pawl pumkhat sinak
thuhrampi, milai zapi ten nuntu dan milai nun thuken, biaknak lam ruahnak thuhrampi khal asi.
Thuthiang zapi ten Khrih theihpitu asi ih Pathian thupuan ih a simfiangbikmi khal asi.
Exodus 24:4; Deuteronomy 4:1-2; 17:19; Joshua 8:34; Psalms 19:7-10; 119:11,89,105,140; Isaiah
34:16; 40:8; Jeremiah 15:16; 36:1-32; Matthew 5:17-18; 22:29; Luke 21:33; 24:44-46; John 5:39;
16:13-15; 17:17; Acts 2:16ff.; 17:11; Romans 15:4; 16:25-26; 2 Timothy 3:15-17; Hebrews 1:1-2;
4:12; 1 Peter 1:25; 2 Peter 1:19-21.
II. Pathian (God)
A nungmi Pathian diktak cu pakhat lawng a um. Amah cu fimnak, thlarau, bulpak nunnak,
Sersiamtu, Rundamtu, Kilhimu, sersiammi ziangkim Uktu asi. Kilkip famkimnak ah siseh
thianhlimnak ah siseh tahthim ding um lomi asi. Pathian cu ziangkim ti thei, ziangkim thei asi;
ziangkim a theihnak cu ziangkim a huap, tuihlan thil cang zomi, hlan thu, a tu ah a cang rero
laimi, a cang lai dingmi, le a sersiammi pawlih duhhril nak in thuthluknak an tuah dingmi pawl
tiang a huap theh asi. Amah cu a sangbik duhdawtnak, upatnak le thungainak thawn sunloih
ding kan si. A sunglam thu ah thumkom Pathian asinak cu kan hnenah Pa, Fapa, le Thiang

Thlarau in a lang ih pakhat ciar in a pak sinak nei nacingin Pathian pakhat sinak, a nungmi, a
ummi sinak a thenthek ter cuan glo.
A. Pa Pathian (God the Father)
Pa Pathian in a zangfahnak hnuaiah a tumah vekin lei le van sersiammi parah siseh milai
thuanthu thleng aw rero mi parah siseh sersiammi ziangkim parah a uk in a kilveng asi. Ziangkim
ti thei cakkim, thei kim, duhdawtnak in famkim, le fimnak in a famkimmi asi. Jesuh Khrih ah
Pathian fate zapi te hrangah Pa Pathian cu thutak Pa asi. Milai zapi te parah Pa lungput neitu
asi.
Genesis 1:1; 2:7; Exodus 3:14; 6:2-3; 15:11ff.; 20:1ff.; Leviticus 22:2; Deuteronomy 6:4; 32:6; 1
Chronicles 29:10; Psalm 19:1-3; Isaiah 43:3,15; 64:8; Jeremiah 10:10; 17:13; Matthew 6:9ff.;
7:11; 23:9; 28:19; Mark 1:9-11; John 4:24; 5:26; 14:6-13; 17:1-8; Acts 1:7; Romans 8:14-15; 1
Corinthians 8:6; Galatians 4:6; Ephesians 4:6; Colossians 1:15; 1 Timothy 1:17; Hebrews 11:6;
12:9; 1 Peter 1:17; 1 John 5:7.
B. Fapa Pathian (God the Son)
Khrih cu sankhuk Pathian Fapa asi. Jesuh Khrih cu milai taksa in a rung thuam awk tikah Thiang
Thlarau hnatuannak in fala thianghlim Mary ih hrinmi asi. Jesuh ih Pathtian duhnak cu famkim
zetin a langter ih a thlun asi, milai mizia thawn taksa in a thuam aw aw ih milai lakah milai vekin
a nung, asinan sualnak a nei lo. Pathian thu thlunnak cu Pathian daan cu a parah a famkim ter
ih kross parah aiawh thih tuar nak in milai hrangah sual ihsin luatnak a tuah sak asi. Khenbet asi
hlanah milai lakah a tlangleng. A thawhsal hnu ah a tu ahcun vancung ramah Pa ih vorhlam
khapah to in, milai sinak zaahza le Pathian sinak zaahza nei in amah cu Palai umsun pakhat,
Pathian le milai karlakah remnak tuahtu asi. Huham cahnak le cawimawinak thawn a ra kirsal
dingih leitlunah thuthen in a rundamnak hnatuan famkim ter asi ding. Amah zumtu zapi te
sungah a kumkhua a nungmi si in a cencilh asi.
Genesis 18:1ff.; Psalms 2:7ff.; 110:1ff.; Isaiah 7:14; 53; Matthew 1:18-23; 3:17; 8:29; 11:27;
14:33; 16:16,27; 17:5; 27; 28:1-6,19; Mark 1:1; 3:11; Luke 1:35; 4:41; 22:70; 24:46; John 1:1-
18,29; 10:30,38; 11:25-27; 12:44-50; 14:7-11; 16:15-16,28; 17:1-5, 21-22; 20:1-20,28; Acts 1:9;
2:22-24; 7:55-56; 9:4-5,20; Romans 1:3-4; 3:23-26; 5:6-21; 8:1-3,34; 10:4; 1 Corinthians 1:30;
2:2; 8:6; 15:1-8,24-28; 2 Corinthians 5:19-21; 8:9; Galatians 4:4-5; Ephesians 1:20; 3:11; 4:7-10;
Philippians 2:5-11; Colossians 1:13-22; 2:9; 1 Thessalonians 4:14-18; 1 Timothy 2:5-6; 3:16; Titus
2:13-14; Hebrews 1:1-3; 4:14-15; 7:14-28; 9:12-15,24-28; 12:2; 13:8; 1 Peter 2:21-25; 3:22; 1
John 1:7-9; 3:2; 4:14-15; 5:9; 2 John 7-9; Revelation 1:13-16; 5:9-14; 12:10-11; 13:8; 19:16.
C. Thlarau Thianghlim Pathian (God the Holy Spirit)
Thlarau Thianghlim cu Pathian thlarau asi ih Pathian sinak famkim a nmei. Thlunghlun san lai ih
Pathian mithianghlin pawl kha Thuthiang ngan dingin a thawkkhum hai. Cencilh tahrantin
thutak thei thei dingin milai pawl a bawm. Khrih a sunlawih. Milai pawl hnenah sual, dingfelnak,

le thuthennak pawl a theihfiang ter. Rundamtu hnenah milai pawl a hruai ih hrintharnak a
neihter. Hrinthar nak thawn cawp le cilh in Khrih ih ruangpum sungah zumtu pawl cu tihnimnak
a pek. Kawhhran sungah Pathian an rian thei nak ding hrangah zumtu pawl nunah khristian
mizia a thanlenter ih zumtu pawl thazang a pek, cutin thlarau laksawng pawl famkimtern a
neihter hai. Nineta rundamnak ni hrangah zumtu pawl cu seal a khen hai. Khrihfa pawl cu Khrih
hmuihmel an ken famkim thei nak dingah a umpi ringring. Pathian riannak, thangtharnak, le
Thuthangtha karhzai ternak ah zumtu pawl mit a vangter ih huham cahnak a neihter.
Genesis 1:2; Judges 14:6; Job 26:13; Psalms 51:11; 139:7ff.; Isaiah 61:1-3; Joel 2:28-32;
Matthew 1:18; 3:16; 4:1; 12:28-32; 28:19; Mark 1:10,12; Luke 1:35; 4:1,18-19; 11:13; 12:12;
24:49; John 4:24; 14:16-17,26; 15:26; 16:7-14; Acts 1:8; 2:1-4,38; 4:31; 5:3; 6:3; 7:55; 8:17,39;
10:44; 13:2; 15:28; 16:6; 19:1-6; Romans 8:9-11,14-16,26-27; 1 Corinthians 2:10-14; 3:16; 12:3-
11,13; Galatians 4:6; Ephesians 1:13-14; 4:30; 5:18; 1 Thessalonians 5:19; 1 Timothy 3:16; 4:1; 2
Timothy 1:14; 3:16; Hebrews 9:8,14; 2 Peter 1:21; 1 John 4:13; 5:6-7; Revelation 1:10; 22:17.
III. Milai (Man)
Milai cu Pathian in a hleicu in amai hmuihmel kengin a sersiammi asi. A sersiammi parah thu
neitu dingah nunau le mipa a sersiam. Nunau mipa sinak cu Pathian ih sersiammi thatnak
pakhat asi. A hram thawk ah milai su sualnak thei dah lo asi ih Pathian in duhhril theinak a
neihter mi asi. Amai duhhrilnak cu milai cu sualnak sungah a tla lut ih cuticun milai
hmuahhmuah sualnak sungah a luhpi. Satan thlemnak ruangah milai cu Pathian dan pahbal in
sual a tuah ih a hram thawk ih mawh nei lo dinhmun ihsin sual fate ah a cang. Cuticun milai
mizia cu sual cithlah asi zo ih a umnak leitlun khal sual lam hawi ah a canglan ta. Curuangah
milai duhhril thei asinak cu daan pahbaltu ah a cang ih mawhsianak hnuai ah a thleng asi.
Pathian zangfahnak lawngin milai cu Pathian thawn a thianghlimmi pehtlaih awknak hnuai ah a
thlenpi thei ih Pathian in milai a sersiam tikah Pathian tumtah pawl khal Pathian zangfahnak
lawngin milai in a tuah famkim thei asi. Pathian in amai hmuihmel kengin a sersiam ruangah
bulpak pakhat ciar nun ah milai cu sunglawi zet sinak a nei ih milai hrangah Khrih a thihnak
ruangah milai zokhal ziang miphun asi khal le a sunglawi zetmi bulpak sinak nei in upat tlak le
khristian duhdawtnak cohlang tlak asi.
Genesis 1:26-30; 2:5,7,18-22; 3; 9:6; Psalms 1; 8:3-6; 32:1-5; 51:5; Isaiah 6:5; Jeremiah 17:5;
Matthew 16:26; Acts 17:26-31; Romans 1:19-32; 3:10-18,23; 5:6,12,19; 6:6; 7:14-25; 8:14-
18,29; 1 Corinthians 1:21-31; 15:19,21-22; Ephesians 2:1-22; Colossians 1:21-22; 3:9-11.
IV. Rundamnak (Salvation)
Rundamnak timi cu milai pumhlum rundamnak a si. Rundamnak cu amai thisen in sankhuk
hrang milai rundamnak tuansuaktu Jesus Khrih cu Lal le Rundamtu ah a cohlangtu pawl hnenah
a lakmi pek asi. Rundamnak in hrintharnak, thiamcoternak, thianternak, le cawimawinak pawl a
huap tel theh asi. Jesuh Khrih ah bulpak zumnak siar lo rundamnak lamzin dang a um lo.

A. Hrintharnak, lole piantharnak, cu Pathian zangfahnak hnatuan asi ih Jesuh Khrih ah zumtu
cu sersiamtthar a sinak asi. Thiang Thlarau hnatuannak in thinlung thlengnak asi ih sual
theihternak ihsin misual in sual sirnak le Jesuh Khrih ah zumnak thawn Pathian hnenah
kirsalnak asi.
Sir awknak cu sual ihsin Pathian hnenah kirsalnak asi. Zumnak timi cu Jesuh Khrih cu bulpak
rundamtu le Bawi ah nun pumhlum hlan in cohlannak, nun ap awknak asi.
B. Thiamcoternak cu sual sir in Jesuh Khrih a zumtu hmuahhmuah misual pawl kha Pathian in a
zangfahnak le dingfelnak in a tuansuahmi asi. Thiamcoternak in zumtu Patkhat cu Pathian
thawn remdai ten pehtlaihnak le Pathian mithmaitha cotu sinak a nei.
C. Thianternak timi cu hrintharnak ihsin a thawkmi asi ih nitin hmawhtawnmi ah Pathian
tumtah hrangah zumtu cu rethran mi asi ih Thlarau Thianghlim cencilhnak le hnatuannak in
thlarau le thinlung ken lamah pitling nun pan dingin thansoh vivo naka si. Pathian
zangfahnak hnuai ah thansohnak cu zumtu pakhat leitlun nunsung pehzawm vivo ding mi
asi.
D. Cawimawinak cu rumdanmi parah thleng awknak netabik thlawsuah famkimnak asi.
Genesis 3:15; Exodus 3:14-17; 6:2-8; Matthew 1:21; 4:17; 16:21-26; 27:22-28:6; Luke 1:68-69;
2:28-32; John 1:11-14,29; 3:3-21,36; 5:24; 10:9,28-29; 15:1-16; 17:17; Acts 2:21; 4:12; 15:11;
16:30-31; 17:30-31; 20:32; Romans 1:16-18; 2:4; 3:23-25; 4:3ff.; 5:8-10; 6:1-23; 8:1-18,29-39;
10:9-10,13; 13:11-14; 1 Corinthians 1:18,30; 6:19-20; 15:10; 2 Corinthians 5:17-20; Galatians
2:20; 3:13; 5:22-25; 6:15; Ephesians 1:7; 2:8-22; 4:11-16; Philippians 2:12-13; Colossians 1:9-22;
3:1ff.; 1 Thessalonians 5:23-24; 2 Timothy 1:12; Titus 2:11-14; Hebrews 2:1-3; 5:8-9; 9:24-28;
11:1-12:8,14; James 2:14-26; 1 Peter 1:2-23; 1 John 1:6-2:11; Revelation 3:20; 21:1-22:5.
V. Zangfahnak ah Pathian Tumtah (God's Purpose of Grace)
Pathian ih hrilmi sinak cu Pathian zangfahnak ih tumtahmi asi ih a hrilcia mi pawl cu A hrinthar
hai, thiam a co ter ih a thianter hai, cutin misual cu cawimawinak ah a thlenpi asi. Acuih thutak
cu milai duhril theinak thawn a kaih aw ih milai in a tawpnak thleng thei dingin Pathian
hmanrua pawl theihfengnak thawn a kaih aw theh asi. Pathian ih hrilmi sinak cu Pathian
mangbangza thatnak langtertu asi ih theihban lo fimnak in a khat, a thianghlim, ih thleng theih
asilo. Milai lamah porh awknak ding zianghman a suahter lo ih tangdor nun a suahter sawn asi.
Zumtu diktak pawl cun a tawptiang an tuar thlang theh asi. Khrih ah Pathian in a cohlan zo mi
pawl, Thiang Thlarau ih thiantermi pawl cu Pathian zangfahnak lenglam ah an tluse lanta dah lo
dingih a tawptiang an tuar thlang ding asi. Zumtu pakhat cu thlennak sungah daithlan ruangah
siseh an thlu se thei; cutin Thiang Thlarau an ti riahsia ih Pathian humhimnak le zangfahnak an
sun phah thei ih Khrih hrangah that lonak an suahpi in can tawite sung hremnak an tuar phah
thei asi; asinan rundamnak tlamtling hlen suak thei dingin Pathian huham cahnak in zumnak
lamzin tluan ah a kilhim hai asi.

Genesis 12:1-3; Exodus 19:5-8; 1 Samuel 8:4-7,19-22; Isaiah 5:1-7; Jeremiah 31:31ff.; Matthew
16:18-19; 21:28-45; 24:22,31; 25:34; Luke 1:68-79; 2:29-32; 19:41-44; 24:44-48; John 1:12-14;
3:16; 5:24; 6:44-45,65; 10:27-29; 15:16; 17:6,12,17-18; Acts 20:32; Romans 5:9-10; 8:28-39;
10:12-15; 11:5-7,26-36; 1 Corinthians 1:1-2; 15:24-28; Ephesians 1:4-23; 2:1-10; 3:1-11;
Colossians 1:12-14; 2 Thessalonians 2:13-14; 2 Timothy 1:12; 2:10,19; Hebrews 11:39–12:2;
James 1:12; 1 Peter 1:2-5,13; 2:4-10; 1 John 1:7-9; 2:19; 3:2.
VI. Kawhhran (The Church)
Thuthlungthar san ah Jesuh Khrih ih kawhhran cu mahte (local) kawhhran sungtel pawlin
kaihhruaimi kawhhran mibur pawlkom asi. Cutin hmundangdangah local kawhhran pawl thawn
zumnak le thuthangtha ah pawlkom awknak in a sihcih aw mi an si. Kawhhran sungah Khrih in a
tuahmi serh le sang pahnih hman asi ih Khrih ih daan tuah mi vekin thlun asi, Amai tongkam
sungah canpual le laksawng, hamthatnak pawl hman asi. Cutin leitlun deng tiang Thuthang
karhzai ter dingin a dingmi kawhhran asi. Local kawhhran pakhat ciar cu Krih ih lalnak
thuneihnak hnuai ah a cangvai mi, democracy kaihhruai awknak in hnatuan in a cangvai mi asi.
Kawhhran member pakhat ciar cu Jesuh Khrih cu Bawi le Lalpa ah nei in riantu tuanvo nei ciar
mi an si. Bible vekin kawhhran tuanvo neihmi pawl tla cu pastor le deacon an si. Pathian
rawngbawl dingin nunau siseh mipa siseh laksawng a hranhran pek an si ciar na in pastor
tuanvo cu mipa ih tuanvo bik asi.
Thlungthar in a sim vekin kawhhran, Khrih ih ruangpum timi cu sankhat hnu sankhat zumtu
pawl, miphun tinkim, tong tinkim, mibur le ram tinkim ihsin zumtu zapi a huap asi.
Matthew 16:15-19; 18:15-20; Acts 2:41-42,47; 5:11-14; 6:3-6; 13:1-3; 14:23,27; 15:1-30; 16:5;
20:28; Romans 1:7; 1 Corinthians 1:2; 3:16; 5:4-5; 7:17; 9:13-14; 12; Ephesians 1:22-23; 2:19-22;
3:8-11,21; 5:22-32; Philippians 1:1; Colossians 1:18; 1 Timothy 2:9-14; 3:1-15; 4:14; Hebrews
11:39-40; 1 Peter 5:1-4; Revelation 2-3; 21:2-3.
VII. Baptism le Bawipa Zanriah (Baptism and the Lord's Supper)
Khristian baptism cu zumtu pakhat tisungah Pa, Fapa, Thiang Thlarau hmin in hnimphimnak in
asi. Thulunnak langtertu asi ih Khrih ih thihnak, phum asinak, le a thosal Rundamtu a zumnak
langter khal asi, cutin zumtu pakhat cu sual ah a thih ih nunhlun cu phum in a um zo, Jesuh
Khrih ah thosalnak tawmpi in nunthar in a nung zo tinak asi. Mithi pawl nineta ah an thosal ding
ti a zumnak langtertu khal asi fawn. Zumtu pawl tuah hrimhrim dingmi serh le sang pakhat asi
vekin kawhhran member pitling si thei nak ah sieh Bawipa zanriah tawm ve thei dingin tuah tul
tengteng mi asi.
Bawipa zanriah cu thulunnak tuahnak in langtermi asi ih kawhhran member pakhat cu sang le
grape ti in nak in Rumdamtu cu a hrangah a thi ih a ra sal ding asi ti a zumnak a langternak asi.

Matthew 3:13-17; 26:26-30; 28:19-20; Mark 1:9-11; 14:22-26; Luke 3:21-22; 22:19-20; John
3:23; Acts 2:41-42; 8:35-39; 16:30-33; 20:7; Romans 6:3-5; 1 Corinthians 10:16,21; 11:23-29;
Colossians 2:12.
VIII. Bawipa Ni (The Lord's Day)
Zarhkhat sungah a nikhatnak cu Bawipai Ni asi. Khristian pawlin nithianghlim ah hman mi asi.
Khrih a thawhsalni asi ih bulpal le mibur in biaknak le thangthatnak thawn ulnak ni hman asi.
Bawipai Bi hman mi pohpoh Kristian siatha theihnak thiang thawn Jesuh Khrih ih lalnak
thuneihnak hnuai ah hman dingmi asi.
Exodus 20:8-11; Matthew 12:1-12; 28:1ff.; Mark 2:27-28; 16:1-7; Luke 24:1-3,33-36; John 4:21-
24; 20:1,19-28; Acts 20:7; Romans 14:5-10; I Corinthians 16:1-2; Colossians 2:16; 3:16;
Revelation 1:10.
IX. Lalram (The Kingdom)
Pathian lalram timi cun sersiammi ziangkim parah Lal le Siangpahrang asinak le Siangpahrangah
a cohlangtu bulpak nun parah a lalnak le a uknak a huap tel asi. A biktakin Pathian lalram cu mi
pakhat cu Jesuh Khrih ah zumnak in nauhak te bangin Jesuh Khrih dungthlun dingin a pum a ap
awknak, rundamnak a congahnak asi. Khristian pawl cu nasa ten thlacam ding kan si, cutisun
Pathian uknak le a duhnak leitlun ah a famkim thei nak ding hrangah. Pathian lalram famkimnak
ding cu Jesuh Khrih a rat sal tikah le san a cem tikah a thleng ding mi asi.
Genesis 1:1; Isaiah 9:6-7; Jeremiah 23:5-6; Matthew 3:2; 4:8-10,23; 12:25-28; 13:1-52; 25:31-
46; 26:29; Mark 1:14-15; 9:1; Luke 4:43; 8:1; 9:2; 12:31-32; 17:20-21; 23:42; John 3:3; 18:36;
Acts 1:6-7; 17:22-31; Romans 5:17; 8:19; 1 Corinthians 15:24-28; Colossians 1:13; Hebrews
11:10,16; 12:28; 1 Peter 2:4-10; 4:13; Revelation 1:6,9; 5:10; 11:15; 21-22.
X. San Neta Thil (Last Things)
Pathian in amai caan le lamzin vekin leitlun tawknak a thlenter leh ding. A thukam vekin Jesuh
Khrih cu mithmuh theih in bulpak in a ra kir sal dingih mithi cia pawl a kai tho ding, cule a
dingfelnak vekin mi zapi parah thu a then ding. Midingfel lo pawl cu kumkhua hremhmun hell
ramah thlak an si ding. Midingfel pawl cu thiamcoter in an um dingih an laksawng an co dingmi
cu a siat thei lo mi ruangpun thawn thuam aw in Bawipa hnenah sankhuk in an um ding.
Isaiah 2:4; 11:9; Matthew 16:27; 18:8-9; 19:28; 24:27,30,36,44; 25:31-46; 26:64; Mark 8:38;
9:43-48; Luke 12:40,48; 16:19-26; 17:22-37; 21:27-28; John 14:1-3; Acts 1:11; 17:31; Romans
14:10; 1 Corinthians 4:5; 15:24-28,35-58; 2 Corinthians 5:10; Philippians 3:20-21; Colossians 1:5;
3:4; 1 Thessalonians 4:14-18; 5:1ff.; 2 Thessalonians 1:7ff.; 2; 1 Timothy 6:14; 2 Timothy 4:1,8;
Titus 2:13; Hebrews 9:27-28; James 5:8; 2 Peter 3:7ff.; 1 John 2:28; 3:2; Jude 14; Revelation
1:18; 3:11; 20:1-22:13.

XI. Thuthangtha karhzai ter rawngbawl (Evangelism and Missions)
Miphun hmuahhhmuah Khrih dungthluntu can ter ding cu Krih dungthluntu le Jesuh Khrih ih
kawhhran zapi te ih tuanvo le cantha neihmi asi. Pathian Thlarau in milai thlarau a hrintharnak
cu midang duhdawtnak hrangah hriltharnak asi. Missionary hnatuan cu zumtu zapi te tuanvo
asizia cu hruintharmi nun neitu hranah a lotheihlo in a tulmi a sizia Khrih ih zirhnak cu fiangzetin
a sim leuhleuh mi asi. Jesuh Khrih ih leitlun miphun zakip hnenah Thuthangtha sim dingin thu in
pekmi asi. Thlarau hlo Khrih hnenah hruaisuah ding cu Pathian fate zapi te ih tuanvo asi ih
tongkam in sim in siseh nuncan ziaza in langter nak in siseh Thuthangtha thawn a kaih mi lamzin
a phunphun in tuansuah ding asi.
Genesis 12:1-3; Exodus 19:5-6; Isaiah 6:1-8; Matthew 9:37-38; 10:5-15; 13:18-30, 37-43; 16:19;
22:9-10; 24:14; 28:18-20; Luke 10:1-18; 24:46-53; John 14:11-12; 15:7-8,16; 17:15;
20:21; Acts 1:8; 2; 8:26-40; 10:42-48; 13:2-3; Romans 10:13-15; Ephesians 3:1-11; 1
Thessalonians 1:8; 2 Timothy 4:5; Hebrews 2:1-3; 11:39-12:2; 1 Peter 2:4-10; Revelation 22:17.
XII. Fimthiamnak (Education)
Khrihfa biaknak cu thiehnak mitvan termi le fimnak hrampi ah a hngat aw mi zumnak asi. Jesuh
Khrih ah fimnak le theihnak rohthil hmuahhmuah a khawlkhawm aw theh asi. Zirnak thianghlim
hmuahhmuah cu Khristian ro sunglawi asi. Hrintharnak cu milai sia tha theihnak sunglam mit
hmuahhmuah a vangter ih thieh duhnak halnak a neihter asi. Cui hlei ah zirnak ih man cu
mission hnatuannak hrangah siseh zapi hlawknak thatnak hrangah siseh a pehtlaihmi asi
ruangah kawhhran in siangzetin a bawm dingmi asi. Khrih ih milesa pawl hrangah Khristian zirh
awknak famkim, thlarau lam cangvaihnak famkim a tul hrimhrim mi asi.
Khristian fim zirnak ah zirnak lam zalennak le zirnak lam tuanvo a kawpcih tengteng a tul asi.
Zalen nak timi felfai ten milai pehtlaih awknak tuah tha tu si dingin tawpcinri a nei ringring asi.
Khristian tlawng, college le university ah zirhtu pakhat ih zalennak cu Jesuh Khrih ih umpinak,
Thuthiang in a simzat, le tlawngih a umsan sungah tawpcin a nei ringring asi.
Deuteronomy 4:1,5,9,14; 6:1-10; 31:12-13; Nehemiah 8:1-8; Job 28:28; Psalms 19:7ff.; 119:11;
Proverbs 3:13ff.; 4:1-10; 8:1-7,11; 15:14; Ecclesiastes 7:19; Matthew 5:2; 7:24ff.; 28:19-20; Luke
2:40; 1 Corinthians 1:18-31; Ephesians 4:11-16; Philippians 4:8; Colossians 2:3,8-9; 1 Timothy
1:3-7; 2 Timothy 2:15; 3:14-17; Hebrews 5:12-6:3; James 1:5; 3:17.
XIII. Thilpek kilkhawi (Stewardship)
Pathian cu thlawsuah tinkim ih hrampi asi, rei lo te hrang siseh thlarau hrang siseh; ziangkim
kan neihmi cu Pathian ta theh asi. Khristian pawl in leitlun pumpi hnenah thlarau lam leiba kan
nei asi; thuthak kawltermi kan si vekin thutak simsuah ding tuanvo kan nei asi. Curuangah
Khristian pawl cu Pathian rian ding tuanvo an nei ih an tikcu, thiammi, neihmi, cu hmuahhmuah
cu cozah ciar in Pathian hmin sunlawinak hrangah hman dingih midang bawm dingin tuanvo an

nei asi. Ca Thiang in a zirh bangin Khristian pawlin an neihmi cu siangzet, mawitawk zetin ui lo
ten, peknak tha ten pe in Rundamtu hrangah leitlun ah pek ciar ding tuanvo an nei asi.
Genesis 14:20; Leviticus 27:30-32; Deuteronomy 8:18; Malachi 3:8-12; Matthew 6:1-4,19-21;
19:21; 23:23; 25:14-29; Luke 12:16-21,42; 16:1-13; Acts 2:44-47; 5:1-11; 17:24-25; 20:35;
Romans 6:6-22; 12:1-2; 1 Corinthians 4:1-2; 6:19-20; 12; 16:1-4; 2 Corinthians 8-9; 12:15;
Philippians 4:10-19; 1 Peter 1:18-19.
XIV. Pawlkomnak (Cooperation)
Krih ih milesa pawl cu, dinhmuh ih tuldan zirin, pawlkom awk ding an si ih (association le
convention din in) Pathian uknak ih tumtahmi hrang tuansuahnak hrangah cangvaih ding an si.
Cuvek pawlkom pawl cu pakhat le pakhat parah (local church pakhat le pakhat parah) ziangvek
thuneihnak hman an nei lo asi. Mai duhhrilnak (volua ntery) in le thurawn pe aw tawn dingin
pehtlaih aw mi an si ih thazang a cakbik in hnatuan suak thei nak ding hrangah thazang bur
tawn, phorhsuak in hmuisel khat ah mipi pawl a tha bik in tuahsuah tlangnak hrang asi.
Thuthlangthar kawhhran member zumtu pawl cu Krih ih lalram karhzai nak hrangah siseh
missionary hna tuanank, fimthiamnak, le bawmbawi awknak hrangah pawlkom sihcih aw
dingmi an si. Khristian lungrualnak Thuthlungthar san ah kan hmuh mi cu thlarau ah pumkhat
sinak, mai duhhrilnak in pawlkom awknak, zapi duhtlangin tuansuahnak hrangah Khrih ih milesa
mibur pawlkom awknak asi. Pawl (denomination) dangdang lakah pawlkom awknak cu tumtah
tawpmi cu amah le mah fiang zetin a dikzia a langter aw mi asi ih zo ih zumnak khal hnaihnok
loin le Khrih ih dungthluntu sinak le A Thutak nunpi nak a hnaihnok lo tikah duh ding le neih
dingmi asi.
Exodus 17:12; 18:17ff.; Judges 7:21; Ezra 1:3-4; 2:68-69; 5:14-15; Nehemiah 4; 8:1-5; Matthew
10:5-15; 20:1-16; 22:1-10; 28:19-20; Mark 2:3; Luke 10:1ff.; Acts 1:13-14; 2:1ff.; 4:31-37; 13:2-3;
15:1-35; 1 Corinthians 1:10-17; 3:5-15; 12; 2 Corinthians 8-9; Galatians 1:6-10; Ephesians 4:1-
16; Philippians 1:15-18.
XV. Khristian le leitlun milai umtu khawsak (The Christian and the Social Order)
Khnristian zappi ten Khrih ih duhnak cu kanmah bulpak nun ah siseh society punmpi ah in uktu
thuneihtu ah ret dingin tuanvo kan nei asi. Jesuh Khrih ah Pathian zangfanak in sersiamthar
salmi sinak parah hngat aw in society thansohnak le dingfelnak dinsuah nak hrangah tuahmi le
hmanrua pawl cu man a nei ding asi. Khrih ah a nungtu pawl cun miphun thleidannak, duh
amnak, hamtamnak, mai hrang lawng ruatnak, nupa sualnak pohpoh, uiretnak, neihbang aw
sualnak, le taklawng zuk le zuknung pawl, cu pawl cu do theh dingmi asi. Nulepa nei lo, tulsam
zual, mi ih tuahmawhmi, kum upa, bawmtu neilo, mi damcak lo pawl bawm ding asi. Pumsung
naute hrangah thu simsak tu ding kan si ih ziangvek milai nunnak khal pumsung ihsin semtir
ihsin thihkel in thlan mual liam tiang humhim ding asi. Khrihfa hmuahhmuah in pursum leilawn
ei hawlnak hrang hnatuannak company pawl, cozah kumpi, society, ziangkim hi dingfelnak,
thutak, le unau duhdawtnak hnuai ah cangvai dingin canter ding tuanvo kan nei asi. Acuih
tumtahnak cangsuak ter thei dingin khristian pawl cu zovek milai khal tumtahnak tha le thiang a

14
neitu pohpoh thawn hnatuan tlang ding asi ih ziangtik lai khalah fimkhur ten duhdawtnak
thlarau in cangvai in Khrih zumnak le A Thutak nunpi nak hnaihnok lo dingin fimkhur ding asi.
Exodus 20:3-17; Leviticus 6:2-5; Deuteronomy 10:12; 27:17; Psalm 101:5; Micah 6:8; Zechariah
8:16; Matthew 5:13-16,43-48; 22:36-40; 25:35; Mark 1:29-34; 2:3ff.; 10:21; Luke 4:18-21;
10:27-37; 20:25; John 15:12; 17:15; Romans 12–14; 1Corinthians 5:9-10; 6:1-7; 7:20-24; 10:23-
11:1; Galatians 3:26-28; Ephesians 6:5-9; Colossians 3:12-17; 1 Thessalonians 3:12; Philemon;
James 1:27; 2:8.
XVI. Remdaihnak le Ral (Peace and War)
Milai zovek thawn khal remdai ten dingfelnak thuhram parah hngat aw in pehtlaih ding cu
khristian zapi te tuanvo asi. Khrih ih thlarau le zirhnak thawn kaih aw in an ti thei mi sungah ral
cu tawpter dingin tuanvo an nei asi.
Ral thlarau tawpternak taktak cu kan Bawipa ih Thuthangtha asi. Leitlun in a tulbikmi cu Jesuh
Khrih ih zirhnak pom in cohlannak, milai pulpak le miphun cangvaihnak tinkim ah nunpi in
duhdawtnak dan kenkawh in asi. Khristian zapi ten leitlun huap in Remdaihnak Siangpahrang ih
lelnak hrang ah thlacam cio ding asi.
Isaiah 2:4; Matthew 5:9,38-48; 6:33; 26:52; Luke 22:36,38; Romans 12:18-19; 13:1-7; 14:19;
Hebrews 12:14; James 4:1-2.
XVII. Biaknak Zalennak (Religious Liberty)
Pathian lawng hi milai sia tha theihnak parah lang asi. Pathian thutak thawn a kalh aw mi le a
sungah a um lo mi milai thuken pawl lak ihsin zalen in Pathian in a retmi asi. Kawhhran le cozah
cu a dang ten thenhnih aw ding mi asi. Cozah cun kawhhran cu humhim ding tuanvo leiba a nei
ih thlarau lam cangvaihnak ah zalennak tawp a nei asi. Cutin zalennak pek tikah pawlkom
pakhatkhat cu a dang hnakin duhsakbik um lo dingmi asi. Cozah cu Pathian ih khawikhih mi asi
vekin Pathian thu thawn a kalh awk lo poh ahcun khristian pawl in cozah thu thlun theh ding asi.
Kawhran in a tumtah mi tuansuaknak hrangah cozah thuneihnak hmang ding khal asilo. Khrih ih
thuthangtha cun a tumtahtawp tuansuahnak hrangah thlarau lam hmanrua pawl lawng a arua
hmanmi asi. Cozah in biaknak zumnak ziangvek khal hrem theinak thuneihnak a nei lo. Cozah in
biaknak pakhatkhat bawmnak hrang ah ziangvek khal tax mipi hnen ihsin lak thei nak
thuneihnak a nei lo. Khristian ih hmuitinmi cu a zalen mi cozah, a zalenmi kawhhran asi. A umzia
cu zo khalin hnaihnok um lo ten zalen zetin Pathian biak pawh theinak, zalen zetin pawlkom din
thei nak, zumnak ausuahpi theinak, cozah thuneihnak hnaihnok lo in zalenak asi.
Genesis 1:27; 2:7; Matthew 6:6-7,24; 16:26; 22:21; John 8:36; Acts 4:19-20; Romans 6:1-2; 13:1-
7; Galatians 5:1,13; Philippians 3:20; 1 Timothy 2:1-2; James 4:12; 1 Peter 2:12-17; 3:11-17;
4:12-19.
XVIII. Insang (The Family)

15
Pathian in insang cu milai pawlkom society ih hram ah a retmi asi. Insang sungah nupi pasal
neih awknak, thisen, le cawmmi insang milesa pawl an tel asi.
Thit umnak cu nunau pakhat le mipa pakhat damsung umtlang dingin tiamkam awknak in neih
awknak asi. Thit umnak cu Pathian in a danglam hleice laksawng pekmi asi ih Khrih le Kawhhran
karlah pehtlaih awknak langtertu khal asi. Nupi pasal thih um awknak in bulpak in neihniam
zetin pehtlaih awknak nunau le mipa karlakah a neih ter ih Bible in a zirh vekin nupa pawl
awknak in pehtlaih awknak le milai hrin thlaihzainak hrangah asi.
Pathian hmuihmel kengin sersiammi an si veve vekin pasal le nupi cu Pathian hmai ah an man a
bangrep asi. Nupi pasal pehtlaih awknak cu Pathian in a sersiammi milai pawl a pehtlaihdan
thawn khaikhin theih asi. Khrih in a kawhhran a duhdawt vekin pasal in a nupi duhdawt ding asi.
Pasal in a insang cawm ding, kilhim ding, kaihruai ding Pathian pekmi tuanvo a nei asi.
Kawhhran cu Khrih hnuai ah a tuhlut awk vekin nupi cun a pasal ih siathlawh hruaitu nun hnuai
ah lungawi sopar ten tuhlut aw ding asi. Nupi cu, a pasal vekin tho tho in Pathian hmuihmel
keng in sersiammi a si vekin a pasal upat ding, bawmtu tha vekin riantu tuan ding, insang rian in
tefa kilkhawi ding Pathian tuanvo pekmi asi.
Nauhak cu, pumsung ah a semtir ihsin, Pathian thlawsuah an si. Nulepa in fale hnenah Pathian
ih khaukhih mi nupi pasal umtu dan langter ding an si. Nulepa in fale pawl cu zirh ding an si,
thlarau le lungput thiang nei dingin siseh nuncan ziaza mawi le duhdawtnak in nunsimnak
thawn Bible thutak vekin thiltha hril thiam dingin zirh ding an si. Nauhak pawl cu an nulepa thu
ngai in upatnak pe ding an si.
Genesis 1:26-28; 2:15-25; 3:1-20; Exodus 20:12; Deuteronomy 6:4-9; Joshua 24:15; 1 Samuel
1:26-28; Psalms 51:5; 78:1-8; 127; 128; 139:13-16; Proverbs 1:8; 5:15-20; 6:20-22; 12:4; 13:24;
14:1; 17:6; 18:22; 22:6,15; 23:13-14; 24:3; 29:15,17; 31:10-31; Ecclesiastes 4:9-12; 9:9; Malachi
2:14-16; Matthew 5:31-32; 18:2-5; 19:3-9; Mark 10:6-12; Romans 1:18-32; 1 Corinthians 7:1-16;
Ephesians 5:21-33; 6:1-4; Colossians 3:18-21; 1 Timothy 5:8,14; 2 Timothy 1:3-5; Titus 2:3-5;
Hebrews 13:4; 1 Peter 3:1-7.

Article 3. Thuneihnak sangbik:

Kawhhran sungah thu neihnak sangbik neitu cu Pathian asi. Pathian hriakthih mi kawhhran
hruaitu pawlin Pathian Thlarau Thianghlim theihternak le kaihhruainak vekin kawhhran le mipi
cu Pathian hmin sunlawinak hrangah kaih hruai ding asi.

 Article 4. Tumtah:

I.Pathian biaknak, Pathian thangtthatnak, le Pathian sunlawihnak (Mtt. 22:36-40);

II. Kawhhran milesa tundinnak: Thlarau nun harhdam le hmasawnak hrang sawm dawl aw
tawn in Khrih dungthlun tu tha, nun thianghlim nei tu si dingin kaihhhruai le zirh awknak, (Mtt.
22:36-40; Mtt. 28:18-20);
III. Thuthangtha karhzai ternak: Mi hmuahhmuah in Thuthangtha an theih ih rundam an si
theinak ding hrangah leitlun khua zakipah Thuthangtha karhzai ter in Khrih Dungthluntu si ter
vivo dingin rawnngbawlnak. (Mtt.28: 18-20).

 Article 5. Pawlkom dang thawn pehtlaih nak:

Southern Baptist Convention pehzawmtu kawhhran asi. FCCI Zumnak le tumtahnak vek nei ve
tu pawlkom dang pawl thawn a tuldan vekin, Pathian hmin sunlawinak hrangah kawhhran
hruaitu/mipi pawl ih remtinak vekin pehtlaih awknak neih asi ding.

 Article 6. Cozah/Kumpi le thuneitu pawl pehtlaihnak:

Bible sungih ngan vekin Pathian thutak thawn a kalh awk lo poh ahcun, cozah Kumpi le dan
dinglai dokalh le pahbal in FCCI in zianghman a tuah lo dingih kumpi dinglai le senpi vangtlang
tthatnak, thansohnak hrangah thei tawk suah in a zuam sawn ding.

 Article 7. Kawhhran titawp dan ding:

I.     Dinhmun in a zir nawn lo tikah kawhhran board member zaah sawm sarih panga (75%) le
mipi 75% lungkimnak vekin kawhhran cu titawp theih asi ding.
II.   Kawhhran titawp lo theihlo dinhmun a thlen tikah kawhhran ttuanreltu (E.C.) in thlakhat
damkhan in meeting a ko dingih rem a ti hnu ah thlakhat damkhan in senpi tawn khawm
awknak meeting ko in kawhhran sungtel (75%) lungkimnak vekin titawp asi ding.
III.Kawhhran titawp asi tikah, kawhhran thilri neihmi, le sumpai tanglai mi hmuahhmuah cu
kawhhran tumtah, dinsan, le rawngbawlnak vek tumtahnak le tuannak a nei mi khristian
pawlkom, IRS department hnuai ah 501©3 dinhmun anei mi pawlkom hnenah peksuah asi
ding.

Article 8. Kawhhran Sungtel sinak:

I.     Sungtel lak lut dan: Mi zokhal Kawhhran sungtel si dingin a dil tikah kum 18 (hleiriat) tlun
lam cun sungtel sinak form a ap ding; pastor lole kawhhran upa thlacamnak in sungtel laklut
asi ding.
II.   Naute suak thar cu nulepa in siseh kum 18 kimlo nauhak cu kilkhawitu in in siseh biak inn
ah thlacamnak in sungtel sinakah ap asi ding.
III. Sinak tulmi: FCCI daan hrampi, thuken, tumtah, le dinsan a pom ih Bible thurin pawl zumtu
zokhal sungtel si theih asi ding.

IV.                    Kawhhran sungtel zo khal sungtel thupom, kawhhran thuken le tumtah mi le
Bible thuhram pawl zirh le lungkimnak a nei hrimhrim ding.
V.  Associate members:
i)       Kawhhran sungtel cia Indiana state lenglamah thla 3 a zawnzawn in an um hnu ah, an
umnakah kawhhran dang hnenah sungtel sinak an neih lo ahcun associate member sitheinak
an nei ding.
ii)     FCCI ah kawhhran sungtel sinak la loin FCCI ah pawlkomnak a neitu pawl, kawhhran
dangah sungtel sinak nei lotu pawl cu associate member ah pom an si ding.
iii)   Associate cu full member vekin kawhhran sungtel sinak canvo le canpual an nei lo.
iv)    Associate member pawl cu siatni thatni ah a tuldan vekin kawhhran laireltu pawl lairelnak
vekin bawmbawi, zohkhen awknak neih asi ding.
VI.                    Sungtel sinak in canvo/canpual le hlawknak:
i)     Sungtel zo khalin siatni thatni tawn tikah kawhhran upa lungkimnak vekin kawhhran ih
khawhar tohpi nak le bawmnak a co ding.
ii)    Sungtel kum 18 tlun poh cun kawhhran thuthluknak hrang vote thlak a tul tikah vote a thla
thei ding.
iii)   Sungtel zokhal in Pathian thlarau laksawng dawn mi vekin Pathian hmin sunlawinak hrang,
kawhhran rawngbawlnak ah ttuan, tel le cangvaih theinak a nei ding.
iv)   Sungtel zokhal sungtel sinak rualran canvo/canpual a nei ve ding.
VII.                  Tuanvo le mawhphurhnak:
i)     Sungtel zo khal kawhhran ah thenhra tthenkhat thawhhlawm pe cio dingin ruat asi.
ii)    Kawhhran kaihhruainak thu hnuaiah a tuhlut aw ding.
iii)   Kawhhran program le thuken thawn kalh aw in a cangvai lo ding.
VIII.               Nuntu mizia:
i)     Sungtel zo khalin, kawhhran thuken, Baibal thurin thawn a milaw in a nungin a cangvai
ding.
ii)    Bulpak nun: Mimal nunah kawhhran thuken le Baibal thurin pawl dodal, kalh zawngin a
nung lo ding.
iii)   Insang: Insang kaihhruai awkdan le nuntu khawsak danah kawhhran thurin le Baibal
thuken pawl zulhpeh in a nung ding.
iv)   Mipi le leitlun ah: Mipi le senpi vangtlang thatnak siatsuah, dal, le hnaihnawk tu asi lo
dingih Baibal thuken vekin senpi vangtlang tthatnak duhtu, le Baibal in a simmi Khristian
nunmawi kenkawhtu asi ding.
IX.       Kawhhran sungtel si kawp:
FCCI sungtel pakhat cu kawhhran dangah sungtel asi kawp thei lo ding. Asinan, sungtel zokhal
khualkhua va sinak hmunah a tuldan ih zirin pawlkom dang sungtel si theih asi ding.

Article 9. Kawhhran sungtel siat ni that ni bawm awknak

I.         Lungawi Ni
i) Nupi pasal neih awk tikah:
Kawhhran member lak ihsin kawhhran dan thianghlim in nupi pasal nei aw an um asile
kawhhran in lungawipi nak a pe ding.

Betmi: Kawhhran daan thianghlim thit umnak timi cu Bible in in zirh vekin nunau pakaht le
mipa pakhat, a um tlang hrih lo mi, nun thiangthlim in a nungmi, kawhhran in soiselnak um
lomi, thit umnak asi.
FCCI pastor cun kawhhran lenglam khalah FCCI constitution le zumnak thawn kalh in nupi
pasal thit umnak siseh, cangvaih siseh sian asilo.

ii) Nauthar nei:
Kawhhran sungtel zokhal nauthar nei an um tikah kawhhran in naute zoh, lungawipinak a nei
ding. Kawhhran member naute thar kawhhran pastor in Pathian hnenah kut hngat in ap asi
dingih kawhhran in membership certificate a pek ding.
iii)Hlawhtlinnak le lungawi hleice nak a tawngtu an um asile kawhhran upa remrelnak vekin
lungawipinak langter asi ding.
II.              Siattawn tikah
i)     Thihhloh tawn tikah
Indianapolis ah a ummi FCCI member pakhatkhat siat tawn tikah siseh hmundang
ah a ummi, nu le pa, nupi pasal, fate, unau siat tawn tikah siseh kawhhran in a toh pi ding.
ii)    Dam lo vehnak
Damlo ruangah sizung um asile kawhhran in a veh ding.

 Article 10. Kawhhran sungtel sinak ihsin tawpternak:

I.    Taksa thihnak: Zokhal, taksa thihnak tawn tikah a kawhhran sungtel sinak cu a tawp asi.
II.  Mai duhhrilnak in hnukdawk aw: Mi zokhalin mai duhthlannak in kawhhran sungtel sinak
ihsin hnuk dawk awk theih asi ih kawhhran sungtel sinak canpual/canvo hmuahhmuah tanta in
kawhhran suahsan theih asi ding.
III.    Kawhhran in sungtel sinak ihsin a tawpter mi: Sungtel zo khal tikcu thlathum rei hnu tiang
kawhhran ah zianghman thu hla theihter loin, biak inn pan nawn loin le kawhhran
rawngbawlnak ah pehtlaih nawn loin a um tikah pastor le kawhhran upa pawlin an ngaihven
hnu ah a tuldan vekin an thu relsak asi ding.
IV.    Sungtel sinak ihsin ban/dawisuak/tawpter: Kawhhran sungtel zo khal kawhhran thuken,
lungrualnak le hnattuannak dal zawngin a cangvai tikah siseh kawhhran misa sungtel nuncan
ziaza thuken pahbal in, Bible thurin lenglamah a nun tikah kawhhran upa le pastor in a tuldan
vekin hma a la dingih kawhhran sungtel sinak ihsin tawpter theih asi ding.
V.  Sungtel laklut sal: Kawhhran a suahsan tu mi pakhatkhat kawhhran sungtel si dingin a dil sal
tikah mithar vekin sungtel sinak form pe in laklut sal asi ding.

 Article 11. Nunsimnak/Thunun awknak;

kawhhran sungtel mi pakhatkhat kawhhran thurin le Bible thuken kalh in a nun tikah, a
hnuailam vekin thunun asi ding.
I.      Theihternak: Nunsim tul khawp in sualnak a tuah, nunpi tu cu kawhhran pastor/kawhhran
upa in kawhhran dan le dun, Bible thurin kalh in a nunnak thu cu theihter hmaisa asi ding.

19
II.      Nun remnak: Kawhhran thuken le Bible thurin thawn a mil aw lo mi nuntu mizia,
cangvaihnak pawl cu theihter asi hnu ah a thleng cuang lo asile, nun sim asi ding.
III.     Kawhhran mipi hmaiah theihternak: Nunsimnak a duh lo ih a thleng aw cuang lo asile
kawhhran mipi hmaiah thu theihter asi ding.
IV.      Sungtel sinak ihsin cawlhternak: Kawhhran rorelnak in a tul a ti vekin a tlun lamih hmalak
tul mi pawl a tuah hnu ah a thleng aw cuang lo asile kawhhran sungtel sinak ihsin cawlhter
theih asi ding.

Article 12. Kawhhran dindan le kaihhruai awkdan

I.      FCCI kawhhran ih lu cu Khrih asi ih thuneihnak sangbik nei tu cu Pathian asi.
II.    FCCI cu mahte a tungding aw mi (local church) kawhhran asi ding.
III.  Pawlkom le ttuanvo tthendan: Mipi, Church Board, Kawhhran upa (deacon), Evangelism
and Mission, Sunday school, Mino, le Nubu tiah tthen asi ding.
IV.  Kawhhran rawngbawlnak nei dingin hrilmi pastor, deacon, nubu, mino, le sub-committee
pawl khal sungtel sinak, kawhhran kaihhruai awknak, rawngbawlnak orientation (training)
kimtin a kai tengteng ding.
V.     Mipi: Kawhhran sungtel zapi cu mipi an si. Kawhhran mipi thuneihnak cu kawhhran
rorelnak sangbik asi ding.
VI.  Kawhhran Board: Board Meeting ih a kaitu ding pawl tla cu EC, le subcommittee zate, E &M,
CE, Media, Mino, Building, Welfare, le Nubu, sub-committee dang pawl tla an si. Church board
meeting tuahthei quorum kimnak ding hrangah hrilmi EC, Nubu, le Mino 12 ciar ihsin mi 36 le
pastor ihsin a hrek hnakih tam an tel asile meeting tuah theih asi ding.
i)     Kawhhran board cu kawhhran rorel tu, mipi hnen thu thlen tu, kawhhran budget
laireltu, le pastor rawngbawlnak lairel tu asi ding.
ii)   Kawhhran board meeting ah pastor in chairman a tuan ding.
iii) Kawhhran board meeting cu thla 3 (thum) voikhat tuah asi ding.
VII.        Kawhhran Upa /Deacon
i)    Kawhhran upa kawhhran ttuanrel kommittee asi ding.
ii)  Kawhhran upa sungtel zat cu a ttul dan ih zir in kawhhran board in a ruat ding.
iii)            Kawhhran upa meeting thlakhat voikhat neih asi ding.
iv) Kawhhran upa cu kawhhran hnattuan le sumpai thu lairel tu asi ding.
VIII. Kawhhran rawngbawltu dingin hrilmi le tuanvo pekmi cu:
i)              Bulpak in Jesuh Khrih cu i rundamtu asi tiah pomtu asi ding.
ii)             Kawhhran doctrine pomtu asiding.
iii)           Kawhhran kaihhruai awknak pomtu asi ding.
iv)           Kawhhran ih tuanvo pekmi tuansuak dingin pumpe aw tu asi ding.

 Article 13. Kawhhran hnattuan-bik kaitu pawl:

I.          Pastor
i)          Pastor sinak le dinhmun:
a) Pastor cu kawhhran rawngbawlnak zate parah kaihruaitu, tuanvo neitu bik asi ding.

20
b) FCCI Pastor tuan hmaisabik cu tluksiat rilhbahnak a um lo asile a tuan thei sung, damsung
tuan ding a si.
c) EC rorel nakah meeting  a kai ve peiih Ex-officio asi ding. President le Vice president pawlin
an ttuanvo an tuan peh thei nawn lo tikah chairman tuanvo a la pei.
d) Kawhhran general meeting, board meetingah chairman tuanvo kaitu asi ding.

ii)           Pastor laklut dan:
a)   Kawhhran in pastor a tul tikah le kawhhran member lak ihsin pastor rawngbawlnak ah
lak, tuanvo pek asi ding tikah siseh a hnuailam vekin asi ding.
b) Kawhhran in pastor a laklut zik tikah a hlankhan in thlakhat duh in dil theinak thu a than
ding.
c)    Kawhhran pastor tuan tu ding cu FCCI thurin kenkawh tu, Bible thurin pawl zumtu,
nunpi tu le Pathian rawngbawlnak ah pumpe aw tu, mipi pawmrem thei mi asi ding.
d) Associate pastor, youth pastor lak ding tikah senior pastor ho in EC in a zoh hnu ah board
in a pulut ding.
e) Dilnak thehlut mi cu hmaiton thusutnak le a tulmi thuhla zingzawi hnu ah board member
75% lungkimnak vekin mipi hnenah thu a pulut ding.
f) Pastor cu church board members 75 % lungkim hnu ah mipi 75% lungkim nak vekin
hnatuan laklut asi ding.
Pastor lak lut ding thu rel tikah siseh mipi vote thlak tikah siseh, pastor laklut
ding mi ih nupi/pasal, unau, le insang milesa pawl an tel lo ding. (Insang milesa timi cu a inn
sungsang ah a khawsa mi pohpoh tinak asi).
iii)          Pastor hlawhman
a) Fultime Pastor cu rawngbawlnak hrangah hlawhman pek asi dingih a tikcu ah EC in a
ruat dingih church board in lungkimnak a tuah ding.
iv)          Fultime/Part time/volunteer/visiting pastor:
a)        Fultime pastor cu kawhhran in hlawhman pek in a rawih mi asi dingih
hnadang ttuankawp awih asi lo ding.
b)        Fultime pastor hrangah benefit dang pawl cu kawhhran in a tlin tawk in
ruat vivo asi ding.
b) Part time/volunteer/visiting/honarary pastor cu hlawhman pek asi lo dingih tuldan zoh
in laksawng kawhhran board in lawmman a pe ding.
iv) Pastoral rawngbawlnak zohsalnak
a) Kawhhran upa in kumtin November thla ah pastoral rawngbawlnak zohsalnak neih asi
dingih kawhhran rawngbawlnak pastor thawn ruat tlang tulmi ruat tlangnak neih asi
ding.
b) Pastor hlawhman siseh kawhhran in pastor a zohkhendan siseh kumtin Novermber
thla ah zoh asi dingih a tuldan in hlawhman le pastor zohkhennak ti danglam asi ding.
II.          Kawhhran Upa /deacon
i)    Kawhhran upa cu kawhhran roreltu a si ding.
ii)  Kawhhran upa cu Baibal in a simmi ( I Tim.3:1-7; Tit.1:6-9) upa sinak a nei mi a si ding.

iii) FCCI kawhhran in a ruat mi upa tuanvo, rawngbawlnak ah tel dingin le thlunding dan pawl
thlun dingin lungkimnak nei tu asi ding.
iv) Meeting le tuanvo zem mi pawl zuam zetin tuantu asi ding.
v)   Kawhhran upa ttuanvo kai tu pawl cu kumhnih voikhat hril asi ding.
vi) Kawhhran upa zat cu kawhhran board in a ruat ding.
vii)                   Kawhhran upa pawl cu mipi tawnkhawm nakah vote thlak in hril asi ding.
viii)                 Kawhhran upa lak ihsin chairman, secretary, finance secretary an hril aw ding.
ix) KU sungtel pawl cu kawhhran sungah hnatuan ttul le sungtel pawl sawmdawltu le
kawhhran cangvaihnak ah ttuanvo nei tu an si ding.
x)   KU tuanvo kaitu si dingin kawhhran sungtel a si ding.
xi) KU sungtel pakhatkhat cu kawhhran board, EC hnenah thu theihter loin EC meeting a
zawnzawn voithum a pelh asile a thu relsak asi dingih Kawhhran board thurelsaknak vekin KU
sungtel sinak ihsin tawpter theih asi ding.
xiii.                  Upa hril tikah mipi in an vote dingih kawhhran board in a ruat cia vekin vote tam
bik ihsin upa ttulzat tiang upa ah hril tlin an si ding.
III.          President:
i)    President cu EC hotu, EC meeting chairman tuantu asi ding.
ii)  Kawhhran le tuanrelnak hotu asi ding.
iii) President cu EC member lak ihsin anmah ten an hril aw ding.
iv) President term cu kumkhat asi dingih kawhhran in tul a ti asile hril peh theih asi ding.
v)   Pastor a um lo tikah siseh, pastor in a tuanvo a tuan peh thei nawn lo tikah siseh, President
cu kawhhran rawngbawlnakah tuanvo nei tu bik asi ding.

IV.          Vice President
i.          Vice President cu president bawmtu asi dingih chairman um lotikah aiawh asi
ding.
ii.          Vice President cu EC hrilmi pawlin kumtin an hril ding.
V.          Secretary:
i)    Sceretary cu EC lak ihsin anmah te an hril ding.
ii)  Kumkhat voikhat hril a si ding
iii)                    President thu suak vekin kawhhran board le EC meeting ko tu asi ding.
iv) Kawhhran cazin, bungrua kai tu asi ding
v)   Kawhhran thupuan tul pumkhawm nak ah puang tu asi ding
vi) Kawhrran tuanvo a hranhran pawl, kawhhran pum huap in kawhhran board thurel cat mi
pawl tuansuak dingin bawmtu, zohkhen tu asi ding.
VI.          Assistance Secretary:
i)          Assistance secretary cu EC hril thar mi pawl in kumtin an hril ding.
ii)          Secretary bawmtu asi dingih secretary a um lotikah a aiawh tu asi ding.
VII.          Finance secretary:

i)    Finance secretary cu kawhhran upa in kumkhat voikhat a hril ding
ii)  Kawhhran sum cazin kai tu asi ding
iii)       Treasurer thawn bank account an ong dingih pakhat sangsang in sumpai suah thei
dingin account on asi ding.
iv)Kawhhran sumsuak hmuahhmuah cu treasurer kut ihsin a suak ding, asinan kawhhran
ttuanrel lungkimnak vekin, a ttul can ah le treasurer rem can lo tikah finance secretary in
sumsuah theinak a nei ding.
v)  Thlatin Sumpai report, board ah sumpai report pe tu, cazin cekfel tu asi ding.
vi)Sumsuak sumlut record a ret dingih pawlpi ah a tuldan vekin report a pe ding.
vii)           Pawlpi sumpai tulsam mi ah siseh sum tipunnak ah siseh tuanvo nei tu asi ding.
viii)        Finance secretary in kawhhran hrangah sumpai  $ 500(dollar zanga) tiang hman suah
theinak a nei ding.
VIII.          Treasurer
i)    Treasurer cu EC in kumkhat voikhat a hril ding
ii)  Finance secretary thawn kawhhran bank account an ong ding.
iii)           Sumlut sumsuak cazin kaitu, kawhhran sumkil asi ding.
IX.          Auditors:
i)    Kawhhran sumpai kumkhat voihnih, thlaruk voikhat audit tuah asi ding
ii) EC in auditor pathum a hril ding. EC in tul a ti dan ih zirin a duh zah a ruat bet thei.
ii)  Kawhhran sumpai audit tuah tikah treasurer cazin le finance secretary cazin an
zohfel(check)dingih bank account an cek hnu ah finance report an pe ding.
iii)                       Kawhhran board ah le kawhhran mipi hnenah sumpai thuthan (report) an pe
ding.

X.          Kawhhran bungrua kai tu:
Kawhhran bungrua, thilleri cazin pawl cu kawhhran Secretary in a kai dingih a tuldan ih zirin
thilri fingkhawi tu ret asi ding.

 Article 14. Kawhhran rawngbawlnak le ttuanvo tthen pawl:

Kawhhran rawngbawlnak cu Pulpit, E & M, Sunday School, mino, le nubu tiah tthenbik neih asi
ding. A tuldan in kawhhran in sub-committee din asi ding.
I. Pulipit Rawngbawlnak: Kawhhran khawm can ih can hmangtu ding pawl rak ruatcia tu
dingah dinmi a si. Tuanvo neitu ding pawl tla  cu pastor, office bearers (OB) zaten, mino aiawh
pakhat le nubu aiawh pakhat an tel ding.
II. Kawhhran sung rawngbawlnak: Kawhhran in baptisma peknak, nupi pasal neih awknak,
bawipa zanriah, mithi vuinak le thlawsuah peknak pawl hman asi ding. Bawipa zanriah,
baptisma, nupi pasal neih awknak, mithi vui, le thlawsuah peknak pawl cu pastor tuanvo asi
dingih a tuldan in hman asi ding.

i)      Baptism:
a)     Kawhhran in zumtu piangthar, Khrih ah nunhar nei tu pawl tihnimnak pek asi ding.
b)     Kawhhran in baptism a pek tikah hnimphim asi ding.
c)     Baptisma la tu ding pawl cu kawhhran pastor in training pek asi ding.
d)     Baptism la tu pawl cu kawhhran in Baptism Certificate a pe ding.
ii)              Nupi pasal neih awkdan:
a)     Kawhhran dan thianghlim, dan khatnak in neih awknak nei thei tu cu fala tlangval sinak ah
kawhhran zumnak kenkawh tu kawhhran lungkimpi mi a si ding.
b)     Kawhhran ah neih awknak dil tu pawl cu pastor in neih awknak counseling a tuah ding.
c)     Kawhhran in neih awknak tuahsak dingin kawhhran sungah thu a than ihsin zarhkhat
sungah dankhatnak vekin neih awknak thianglim nei thei lo ding thu a um asile sawisel theih
asi ding.
d)     Kawhhran sungtel zokhal neih awknak neih duh tu pawl cu ca thawn kawhhran chairman,
secy, pastor hnenah a dil ding.
e)     Kawhhran in nunau., mipa thuanthu a hliakhlai hnu ah felten kawhhran dankhatnak in nei
awk nak tuahsak thei le thei lo a rel ding.
f)      Kawhhran in dankhatnak in neih awknak a tuah sak tikah kutsihtu, kutsihnak biak inn,
kutsihdan, le hmanrua bungrua pawl a tawlrel sak ding.
g)     Sungtel pahnih nei aw asile, US $ 200, le kawhhran member in midang a neih asile US 100
pek asi ding.
h)     Nupi/pasal nei aw tu in pastor midang kutsittu ah a sawm duh asile kawhhran ah a
theihter dingih kawhhran theihpi , lungkim pi vekin tuah asi ding.
i)      Nupi pasal neih awk hlanah, um tlang hmaisa, nupi pasal then tu, cozah dan thawn kalh
aw mi neih awknak, hi pawl dinhmun thawn nupi pasal nei awknak a dil tu pawl cu dankhatnak
vekin Biak inn ah neih awknak tuahsak theih asi lo ding.
j)      Kawhhran dan in neih awknak tuahtu pawl cu neih awknak ca (marriage certificate) pek
suah asi ding.
iii)             Sunday School:
a)   Sunday school tlawngta thendan cu kawhhran CE department in a tuldan in a then ding.
b)   Sunday school zirhtu cu kawhhran board ah meeting a kai ve ding.
c)   Sunday School zirhtu pawl cu kumkhat voikhat tuanvo pek an si ding.
iv)             Mino (Youth)
i.     Kawhhran mino pawlkom a hranten din asi ding. EC kaihhruainak hnuaiah mino hruaitu a
hran ten ret asi ding.
ii.   Kawhhran rawngbawlnakah, hla in siseh cangvaihnak a phunphun thawn an tel ve ding.
iii. Kumkhat voikhat pastor kaihhruainak hnuaiah mino hruaitu hril awknak neih asi ding.
iv. Mino cangvaihnak hmuhhmuah kawhhran board in a theihpi le lungkim pi mi a si ding.
v.   Mino committee member pawl cu kawhhran board meeting an kai ve ding.
v)               Nubu
a)     Kawhhran nubu pawlkom a hranten din asi ding. EC kaihhruainak hnuaiah nubu hruaitu a
hran ten ret asi ding.

24
b)     Kawhhran rawngbawlnakah cangvaihnak a phunphun in rawngbawlnak an nei ding.
c)     Kumkhat voikhat pastor kaihhruainak hnuaiah nubu hruaitu hril awknak neih asi theu
ding.
d)     Nubu cangvaihnak hmuhhmuah kawhhran board in a theihpi le lungkim pi mi a si ding.
e)     Nubu committee member pawl cu kawhhran board meeting an kai ve ding.
vi)             Evangelism & Mission (E & M)
a)               Evangelism and mission cu kawhhran upa remrelnak vekin din asi ding.
b)               E & M board cu pastor in a hoha ding.
c)               E & M board ditector cu kumkhat hrang nemhgnet asi ding.
d)               E & M fund cu kumtin kawhhran in a ruat ding.
e)               E & M board in sumpai kaitu, treasurer a hranten nei ding.

Article 15. Kawhhran tuanvo kaitu hril awknak

I.       Kawhhran upa hril awknak tuanvo neitu election commission tuah asi ding.
II.     Election commission cu kawhhran upa in a ruat ding.
III.   Election commission ah pastor in a ho dingih kawhhran chairman, secretary le midang
pa 3 hril bet an si ding.
IV.    Kawhhran upa hril ding zat cu kawhhran board in kumtin a relcat ding.
V. Election Commission in nominate a tuah ding:
i) EC tuancia, Deacon, Nubu, Mino committee ah EC tuancia pawl cu nominate cia
an si ding. Vote dingin hmin ngan tikah hmin alphabetical order in norminate
pawl hmin ngan hmaisak an si ding.
ii) Election Commission in mi 5 nominate a tuah dingih nominee pawl thuanthu a
hluak hlai dingih kawhhran rawngbawlnak ah anmai duhhrilnak in an tel duh, an
pumpek thei dingin thu an fiah hmaisa ding.
iii) Mipi hril dingmi pawl cu Deacon (E.C.) 12, Mino E.C. 12, Nubu E.E. 12, le Youth
ministry director tla an si ding (Youth pastor a um asile youth ministry director
hril a tul lo ding).
iv) Mino Hruaitu hrilnak
Youth Ministry Director in mino cangvaihnak a ho ding. Youth Pastor neih tikah Youth Ministry
director asi cih ding. Youth Pastor a um lo asile youth ministry director cu hril awk ni ah hril cih
asi ding. Mino bur 3 ah then in burkhat ah hruaitu 4 ciar hril asi ding. Mino mibur then pawl tla
cu Collegiate ministry (post high school, College kai thei um cin pawl), students (High/Middle
students), le thalai (high school tlunlam, tlawng kai nawn lo pawl) ti in phunthum in then asi
ding. Hril awk ni ah mino hruaitu 12 hril an si dingih youth ministry director in a hruai ding.
VI.  EC hril mi lakah tuanvo tuan sunzawm thei lo an um asile, pastor le EC in aiawh tul le
tul lo a ruat hnu ah mipi nemngetter asi ding.
VII.           Kum 18 kum cin, kawhhran sungtel pawl vote an thla ding.
VIII.        Hril ding pawl cu vote thup in mipi in an vote ding.
IX.  Kawhhran hril awk nak ding thu thlakhat duh in mipi hnenah than cia asi ding.
X.    Kumtin kumcem hlanah hmaikum hrang hruaitu ding hril asi ding.
XI.  Kumtin zarh hmaisa bik zarhkhat sungah tuanvo neitu pawl upnak le tuanvo hlan
awknak neih asi ding.

XII.          Nubu le Mino pawl hril awknak khal kawhhran upa pawl hril awkni nikhat sungah
hril awknak tuah asi ding.
XIII.        Mino le nubu tuanvo neitu hril thar mi pawl khal upa pawl thawn nikhat ni ah
upnak neih asi ding.
XIV.       Kawhhran upa kawmiti member si dingin FCCI kawhhran member asi ding.

Article 16: Meetings:

I.       Senpi Meeting
i)          Senpi tawn khawm awknak (general meeting) cu kumkhat voikhat, December thla
ah tuah asi ding.
ii)          Senpi meeting cu thlakhat duh ihsin kawhhran ah thuthan cia asi ding
iii)          Kawhhran sungtel 60% an tel asile quorum a kim ah ruat asi ding.
iv)          Tul pawimawh a um tikah chairman, pastor, le secretary lungkimnak vekin mipi
pumkhawmnak kawh theih asi ding.
v)          Senpi meeting ah pastor in chairman tuanvo a lak  ding.
vi)       Member mipi lak ihsin thubur a suahpitu an um tikah  meeting kaitu mipi zapi ih
hrek(50%) ih lungkimmi asi lawngah relkhawm peh ding asi ding.

II.     Board Meeting
i)    Kawhhran board meeting cu thla 3 (thum) voikhat tuah asi ding.
ii)  Kawhhran upa, pastor, mino EC , le nubu EC, Sunday School zirhtu, le sub-committee
sungtel pawl meeting an kai ding.
iii)                    Kawhhran board meeting ah pastor in chairman tuanvo a lak ding.
iv)Kawhhran secretary in meeting a ko ding.
v)  Church board meeting quorum hrangah E.C., Nubu, Mino, le pastor pawl lak ihsin a hrek
hnak tam kim tikah quorum kim, meeting tuah theih asi ding.
vi)EC le subcommittee dangdang pawlin agenda lungkimih tuahciami lawng relkhawm theih asi
ding.

III.  EC meeting:
i)    EC meeting thlakhat voikhat tuah asi ding.
ii)  EC 60%, a hrek hnakih tam kim asile meeting tuah theih asi ding.
iii)            EC Pawimawh (emergency) meeting cu pastor, chairman, secretary le upa dang
pakhat thawn a ttuldan in tuah theih asi ding.
IV.  Emergency Meeting:
Emergency meeting a tul tikah Chairman, Secretary le pastor lungkimnak in tuah theih asi ding

 Article 17. Kawhhran dan le dun pi rem nak :

Kawhhran upa thurel cat vekin kawhhran dan le dun cu mipi pum khawmnak ah thu putlut asi
dingih mipi lungkimnak vekin rem/bet le thleng theih asi ding.
i) Himi Dan le Dun cu December 28, 2008 ah nemhnget asi.
ii) Daan le Dun cu Jan 3rd, 2010 ah a voi 2 nak rem/bet ih nemhnget asi.
iii) Daan le dun cu January 06th, 2011 ah a voi 3 nak  rem/bet ih nemhnget asi.
iv) Daanbu cu December 18th, 2012 ah a voi 4 nak rem/bet le nemhnget asi.
Ahmun: Falam Christian Church of Indianapolis,
At, Calvary Baptist Church, 200 Sunset Blvd, Greenwood, Indiana, USA.
v) Dan le Dun cu August 24 th 2014 ah FCCI biak inn ah a voi 5 nak bet le nemhngetnak neih
asi.
vi) Dan le Dun cu December 20 th 2015 ah FCCI Biak inn ah a voi 6 nak rem in nemhnget asi.
vii) kawhhran Daan le Dun cu December 16 TH , 2017 ah FCCI biak inn ah a voi 7 nak rem asi.
viii) Daan le dun cu December 15, 2018 General meetingah a voi 8 nak rem asi.

FCCI CHURCH POLICY
(For review) 2020
I. Decision making policy (Meeting thutlukdan dawtdawt)
II. Ministry covenant
III. Pastoral roles (Senior pastor, associate pastor, youth pastor)
IV. Deacons roles
V. Department roles
VI. Pulpit policy
VII. Media policy
VIII. Finance policy
IX. Church admin things
X. Biblical Principles for ministry teams
KAWHHRAN TUMTAH: Pathian thangthat, Midang riantu, Thuthangtha sim
JESUH dinmi, JESUH ta, Amah ih cawmmi le hruaimi (Matha. 16:18) Kawhhran asi
vekin Kawhhran tlunih lal, thu neitu, uktu cu JESUH asi. Thiang Thlarau lamhruainak in Thiang
Thlarau ukmi hruaimi hmanmi Kawhhran asi. Curuangah Kawhhran lairelnak le kaihhruainakah
a teltu hmuahhmuah a lo theih lo in sinak neih tul mi cu hrintharmi (John 3:3), Thiang Thlarau ih
hruaimi (Rome 8:14), Thlarau ih khatmi (Tirh 6:3; Ephe. 5:18) asi atul. Thiang Thlarau in zumtu
pawl in hruai tikah Pathian Thutak sungah in hruai (2 Tim 3:16). Ziangkim lairelnak cu
duhdawtnak in (John 13:35) Bawi JESUH thu pek (Mathai 28:18-20) tuansuahnak hrangah asi.
Kawhhran laireltu hruaitu pawl cu uktu silo in riantu (Mark 10:45) an si theh ih kawhhran
rawngbawlnak sungah riantu tuan in telnak nei theh tu an si. Ziangkim Pathian hmin sunlawinak
liolio ah Kawhhran neihmi, sinak, le cangvaihnak hmuah hmuah asi dingmi asi (1 Kör.10:31).
I. Thuthluknak DawtDawt (Decision making process) policy:
Meetings
Kawhhran thuthluknak dawtdawt (decision making process) ah dawt 4 in a um. Team le
department tuanvo neitu pawl, Deacon/EC, church board, le general meeting ih an zaten church
constitution le bylaws sungah a ummi le church policy vekin lairel asi.
Meeting le rawngbawldan dawtdawt
Kawhhran laireltu meeting cu milai duhtlangmi hawlsuahnak asilo ih Pathian duhmi
tuansuah tlangnak asi vekin mi zocio khal bulpak thlacamnak nun nei in Pathian aw theitu pawl
lawng kawhhran lairelnak a telmi an si.
FCCI in mipi hrilmi committee pa 3, deacon, nubu, mino a um ih 12 ciar si in a zaten
mipi hrilmi committee member 36 an um. Committee 3 siseh department pawl thu lairelmi le
hnatuandan pawl cu ca in ngankhum (record) asi ih church board meeting ah zohfel in remtul,
nemhnget tul, thleng tul, lairel asi. Church board ih thurelmi pawl cu general meetingah a tuldan
vekin ti danglam theih, bet le rem theih asi. Mipi hrilmi committee pa 3 hlei ah rawgbawlnak

hrang a tuldan vekin sub-committee pawl tuah bet asi. Kawhhran sungah meeting dawt 5 a um: i)
team/group meeting, ii) sub-committee meeting, iii) deacon/EC meeting, iv) church board
meeting, le v) general meeting asi. Meeting tin ah minute 15 a malbik thlacamnak nei in meeting
thok ding asi.
1. Team/group:
Team/group cu committee pakhatkhat in a tuldan in dinmi asi vekin tuanvo pekmi
rawngbawlnak ah a tuldan in meeting tuah asi. Budget pek ciami, tuanvo pek cia mi le tumtahnak
committee in a ruatsak cia mi parah a tuldan in meeting neih asi. Team/group cu sub-committee
lole EC/deacon in a tuldan in din vivo theih asi. A hnatuan tumtah, cangcaihnak le tuansuah
report cu tlunlam tuanvo neitu hnenah a tikcuah ca thawn ngan in theihternak report a pek theu
ding. A tufang FCCI in team neihmi pawl tla cu bus mawngtu, ngakil (fisheries), bungrua
kilkhawitu, community palai, auditors, sport team, pawl tla an si. Team meeting thusuak pawl le
hnatuan dan pawl cu a tuldan in tlunlam committee in danglam ter theih asi.

2. Sub-committee/department:
Sub-committees hmuahhmuah cu EC/Deacon kaihhruainak in dinmi asi vekin tuanvo le
tumtah thuneihnak budget bikhiah cia vekin meeting a ko in rawngbawlnak ah a cangvai ding
asi. Sub-committee in thuthluknak cangvaihnak pawlin tlun lam Kawhhran pi cangvaihnak pawl
a hnaihnok lo dingih tumtahmi le tuanvo pek cia mi sungah a cangvai ding. Sub-committee
meeting tikah agenda, meeting hmun le can, minutes pawl pastor le EC hnenah copy a kuat
ringring ding. Sub-committee pawlin meeting tinte pastor sawm asi ding. Meeting agenda harsa a
um asile pastor le EC hnenah an theihter hmaisa ding.  Sub-committee meeting le rawngbawlnak
pawl cu tlunlam ah report a pek dingih a tuldan in ti danglam, thleng, bet theih asi ringring.
A tufang sub-committee, department neihmi palw tla cu: Pulpit, E&M, Building, Mino, Nubu,
Media, Welfare, C.E, Pastor Suport team, Cleaning group, pawl tla an si.
3. Deacon/EC meeting:
Deacon hrilmi pawl cu EC Kawhhran lairelnak tuanvo pek an si vekin thlatin voikhat
meeting tikcu khiahcia vekin tuah asi ding. Meeting hlanah pastor, president, le secretary
relkhawm in agenda tuah hmaisak theu asi ding. Pastor in thlacamnak in (minutes 15) a kaihruai
ding: Kawhhran mipi dinhmun, ministry update, deacon rawngbawlnak theihtul zir tul tete
(minutes 15) zohtlang in thlacamnak neih asi ding. Church president/pastor thu suak vekin
meeting secretary in tikcu lamkhan in meeting a ko dingih agenda, meeting nak hmun, can pawl
kimcang ten a kuat cia ding. President in meeting a kai hruai ding. Deacon meeting ah pastor cu
ex-officio in meeting a kai ding. Meeting can khiahcia mi a kim tikah minung an kim lo asile 5
minute hngak awk tul a um asile a hngak aw dingih meeting hram thoh asi ding. Meetign quorum
cu deacon a hrek hnak tam asi ding. Minute 15 tiang hnak awk hnu ah quorum kim lo asile EC
meeting cancel asi dingih tul zual a lotheihlo in rel tul mi pawl cu OB thurel in thu fehpi asi ding.
EC thurelcat mi pawl board ah report peknak ah a telh cih ringring ding. Meeting can cu a rei
lam 2 hours sungah theh tum asi ding. Meeting hram thawh nak ah thlacam nak in siseh Bible

siar in meeting hram thawh meeting khar asi ding. Meeting hmaisa bik ah netabik ih meeting
minute record pawl zohfel lungkimnak tuah asi ding. Meeting agenda pawl lungkimnak tuah asi
ding, bettul remtul rem theih asi ding ih meeting theh tikah meeting sung minute record siarnak
neih asi ding. Hmailam ah kawhhran thuthluknak tha sinsin nei thei dingin meeting tha sinsin
tuah theidan reviewnak 5-minute neih theu asi ding.
4. Church board meeting:
Church board meeting cu thla 4 voikhat meeting tuah asi ih pastor, hrilmi committee 3,
sub-committee le ministry team member hmuahhmuah meeting ah an tel ding. Danbu in quorum
cu hriltlin mi committee 3 le pastor lak ihsin a hrek hnak tam asi ih quarum kim lawngin
thuthluknak tuah theih asi ding. Church board meeting hlan ah mah le committee ciar in board
meeting agenda ding ruatcia hnu ah board meetingah committee lawng in agenda a thun thei
dingih bulpak thu ken mi relsak asilo ding. Board meeting ah pastor, committee le department
hmuahhmuah in siseh Kawhhran rawngbawlnak zaten ca ngan in report pek theh asi ding.
Church board meeting ah pastor in chair a kai ding. Meeting rei lam cu 3 hour sungah theh tum
asi ding. Meeting sungah department hmuahhmuah ministry report zohfel in remtulmi rem,
nemhnget tul nemhnget in pommi hnu ah committee in agenda suah mi pawl relkhawm asi ding.
Church board meeting thu rel cat mi pawl cu general merting ah mipi tam sawn duhnak in ti
danglam theih asi ding. Church board in mipi reltulmi, kawhhran thu pawl cu general meetingah
agenda a suahpi ding.
5. General meeting :
General meeting cu kum 1 voikhat, kumtin December zarhhnihnak Sunday ah tuah asi
ding. Damkhan, amal bik zarhkhat duh ah tuan ten meeting tikcu a hmun le agenda pawl thancia
asi ding. General meeting ah pastor in a kai hruai ding. General meeting ah committee pawl
suahpi mi agenda lawng rel asi ding. Kawhhran kum khat sung rawngbawlnak department le
tuanvo neitu zaten ca ngan in report peknak a nei ding. Kawhhran report remtul pawl rem zoh
hnu ah mipi lungkimnak in record khum asi ding.

II. Ministry covenant
FCCI kawhhran ah rawngbawlnak teltu, suntel pawl cu kawhhran thurin (church
doctrine) le kawhhran kaihhruainak (church admin) policy pawl lungkimtu asi ding.
1. Kawhhran rawngbawltu zapi lungkimnak

FALAM CHRISTIAN CHURCH OF INDIANAPOLIS (FCCI)
KAWHHRAN RAWNGBAWLNAK TELTU PAWL LUNGKIMNAK

(Church Ministry Covenant)
PRAISE, SERVE, PREACH

FCCI Kawhhran rawngbawlnak ah telin Pathian riantu tuanvo kai dingin a hnuailam vekin ka
lungkim asi.
1) Keimah cu Jesuh Khrih ah rundammi, Pathian fate ka si vekin Bible Pathian thu zirh vekin a
nungmi a cangvaimi zumtu ka si.

2) Bible cu Pathian thawkkhummi Thuthianghlim asi vekin milai nun ziangkim kaihhruaitu
thuhrampi asi.
3) Keimah cu Bible siar, thlacam nun nei in Khrih dungthluntu nun zohthimtlak in nunpi tu ka
si.
4) Kawhhran doctrine ngan khummi pawl ka pom ih ka zum, ka thlun ding asi.
5) Kawhhran kaihhruainak constitution & bylaws ah ngan khum le kawhhran rawngbawlnak
kaihruainak ngan khum vekin ka thlun ding asi.
6) Kawhhran tuanvo ka kaihmi pawl ka ti thei tawk Pathian tihzahnak in ka tuan dingih ka tlin
lo mi a um asile tuanvo neitu hnenah ka theihter ringring ding.
7) Khrih ih ruangpum asimi kawhhran lungrual tertu ka si dingih thentheknak le lungrual lo
nak, buainak suahtertu ka si dah lo ding.
8) Bible in a zirh vekin le thenhra thenkhat siseh a dang kawhhran lungkim tlang vekin
kawhhran rawngbawlnak ah peknak in ka tel ve ding asi.
9) Kawhhran cu Jesuh Khrih ta asi vekin Khrih thupek ropi, kawhhran mission hnatuannak ah
Pathian in i pekzatin ka tel ve ding, bawmtu ka si ve ding asi.
10) In ko tu, kan renmi Pathian cu a thiaghlim Pathian asivekin nun thianghlim nung ding ka
zuam ve ding.
Kawhhran in tuanvo in pekmi cu Pathian ih tuanvo pekmi vekin ka ruat ih milai ka rian ti ah ruat
loin Pathian ka rian ti ah ruat in thinlung, ruahnak, cahnak zapi ten lungawi sopar ten ka tuanvo
ka tuan ding asi.
Signature: …………………………………………………
Hmin: …………………………………………………
Date: …………………………………………………
Bible sirhsan: John 3:3-6; Matt. 16;18, 28:18-20, Acts 1:8; Tirh 6:3-6; Titus 2:7; Phi. 2:5; 14;
Kol. 3:23; 1 Kor. 10:31.

BE A DISCIPLE & MAKE DISCIPLES

2. C.E. teachers
FCCI C.E. Zirhtu pawl lungkimnak (C.E. Teacher Covenant)
A.   Pumpak Khristian nun
1.    Keimah cu pianghtar, Jesuh Khrih cu Pathian Fapa asi ih keimah bulpak rundam
dingah a thi ih a thosal, i rundamtu  asi tiah ka pomtu asi.
2.    Keimah te Bible siar, thlacam nun nei in pumpak Pathian thawn pehtlaihtu ka si.
3.    Bible in a zirh vekin nunthianghlim nun nei tu si ka zuam ding: zu, kuak, rit theih,
tabacco ka hmang lo ding. Nunau mipa sinak ah thianghlim ten Bible zirh vekin nauhak
pawl zohthimtlak nunmawi ka nunpi ding.
4.    Pathian in a thisen in a rundammi, a tlenmi nauhak pawl Pathian thutak ah kaihruai le
zirh dingin Pathian kawhnak ka co asi tiah ka zum vekin tuanvo ka la asi.
5.    Sunday School nauhak pawl zohthimtlak in Khrih hmuihmel langtertu nun ka zuam
ding.
B.   Kawhhran thawn pehpar in
6.    FCCI kawhhran cu Khrih thisen in leimi Khrih ih kawhhran, Khrih ih ruangpum asi
ih kawhhran doctrine le tumtahmi pawl ka zum in ka pom asi.
7.    Kawhhran ah khawm ah siseh mino cangvaihnak, Bible study ah teltu zi ka zuam
ding.
C.   C.E. Leadership

8.    Pastor le CE director kaihhruainak hnuai ah a cangvaimi C.E. teacher pawlin tuah
ding timi pawl tangdor ten thulunnak nun nei in tuah ka zuam ve ding.
9.    C.E. director ih kaihhruainak hnuai ah tangdor ten tuanvo in pekmi tuan suah ka
zuam dingih C.E. teacher meeting kimten kai thei ka zuam ding.
10. C.E. teacher dang pawl thawn siseh kawhhran member dang pawl thawn siseh
Pathian tihzahnak in duhdawtnak in rualrem ten pehtlaih thei ka zuam ringring ding.
11. C.E. teacher lakah siseh nulepa thawn siseh kawhhran sungah rem awklonak,
harsatnak a um asile pastor lole C.E. Director hnenah a rang thei bik in theihter ka zuam
ringring dingih Khrih ah duhdawtnak in ziangkim thansohpi ka tum ding.
12. C.E. training, conference, zirhnak, le program dang pawlah thei tawk in pumpek nun
nei in tel thei ka zuam ding.
13. C.E. program, zirhnak le cangvaihnak cu kawhhranpi kaihhruainak kalh zawngin
siseh remtipi lomi asi dah lo ding.
D.   Nauhak thawn pehpar in
14. Nauhak pawl Pathian thu zirh tikah Jesuh Khrih cu bulpak rundamtu asi tiah an pom
ding, piangthar an si ding thupi bik ah ka ret ding ih Khrih dungthluntu tha si ter
tumtahnak in thinlung tak in ka zirh ding.
15. Nauhak pawl cu Pathian fate an si vekin duhdawtnak taktak in ka zirh dingih class
lenglam khalah duhdawtnak in ka ngaihven ding.
16. Nauhak pawl nunsim tul an um tikah duhdawtnak in Bible in in zirh vekin nun ka sim
hai ding.
E. Professionalism
17. Ka tuanvo cu Khrih hrangah ka tuan tiah ruatin a fel thei bikin tuansuah ka zuam
ding.
18. Ka zirh dingmi pawl thlacamnak thawn ka timtuah cia ding.
19. A tikcu hman ten biak inn ah thlen thei ka zuam ding (15 minutes before class start)
ih tikcu dikten tuanvo theh thei ka zuam ding.
20.  Pelhpengnak a um asile C.E. Director hnenah amal bik ni 2 duh ah ka sim cia ding.
20. Classroom thiangfai ten ka tuah ringring ding.
21. Tangdor ten zirh theihmi nun nei in keimah pumpak thansohnak hrang bulpak in siseh
kawhhran program sungah siseh ka zir vivo ding.
22.  C.E. zirhtu tuanvo tuan sunzawm vivo dingin ……..(date)…….(month)…….(year)
tiang pumpek ka tum. Ka zirh peh thei nawn lo ding asile amal bik thlakhat duh ihsin
C.E. director lole pastor hnenah thu ka theihter cia ding.
A tlunih thu pawl ka siar ih Pathian hnenah thlacamnak thawn nunpi thei ka zuam ding asi.
Hmin: ……
Date: ……….
Theihpitu: ………………
C.E. Director: ………………
Pastor: ……………………..

III. Pastoral hnatuan
1. Senior pastor
Senior pastor cu local church kaihruaitu, thlarau lam lamzin khihhmuhtu, Pathian thu
zirhnak, doctrine, zumnak lamzin hruaitu, staff dang pawl le kawhhran member Pathian
rawngbawlnak hrang hruaitu asi. Kawhhran ih zumnak thurin pawl pom, nunpi le zirh tu asi.
Kawhhran tumtahmi, vision le mission pawl cu rawngbawldan (strategy) thatha hawlin pitlin
dingin hruaitu asi. Church pastoral le staff pawl thawn kawhhran Pathian thu sim, zirhtu, le
evangelism, and mission hnatuannak ah tuanvo neitu bik asi. Cozah le lenglam pawlkom
pehtlaihnak khalah tuanvo neitu bik asi. Senior pastor in kawhhran sung kaihhruainak,
kaihhruaidan, thutak zirhnak, le hmanmi policy pawl cu Bible thutak vek si ringring dingin
tuanvo a nei asi.
Senior pastor hnatuan tlangpi pawl:
1. Kawhhran harhdam dingin
Kawhhran harhdam dingin Pathian sim le zirhnak, dungthluntu tuah, mipi pehtlaihnak, le
pawlkomnak pawl felfai ten um ringring ding. Mibur Pathian biaknak, rawngbawlnak, ah siseh
bulpak le insang thazang pek awknak, zirnak lam ah siseh zumtu harhdam ding in tuanvo lak in
kaihhruai.
2. Bulpak nun ah Khrih nunmawi zohthimtlak
Pastor cun zumtu pawl zohthim dingin nunthianghlim, pumpeknak nun, le duhdawtnak in
church member thawn pehtlaihnak nei in zumtu dang pawl pehtlaihnak tha nei dingin kaihhruai
ding.
• Bulpak nitin Pathian thawn caan fianhrial, Bible siar le thlacam nun
• Kawhhran program pawl tel, kaihhruai in zumtu pawl tel dingin forhfial
• Nuncan ziaza nun thianghlim zohthimtlak nun nunpi
• Pathian thuthangtha simnak ah kawhhran sung leng ah hruaitu
• Peknak ah 10% siseh kawhhran pi lungnak in pek ding timi zohthimtlak in peknak nun
• Kawhhran hnatuantu staff pawl kaihhruai, thazang pek, thutak lamzin zirh, thansohnak
lamzin sial in hruai
• Kawhhran thawn pehtlaihmi kawhhran lenglam, pawlkom, community, le cozah pawl
felfai ten pehtlaih
3. kawhhran rawngbawldan, tuangtim in kaihhruai (Strategic Leadership and Planning)
Kawhhran ih vision le mission, values pawl mah rori in nunpi in kawhhran kaihhruai ding.
Kawhhran hmailam tumtahmi strategic planning, tuangtimnak, ruangzingnak, le tuansuaknak ah
kawhhran kaihhruaitu asi. Kawhhran kaihhruainak rawngbawlnak thleng tul mi thansohter
tulmi pawl hruaitu dang pawl thawn tuan tlang in thansohnak, thleng tulmi thleng in kawhhran
rawngbawl ruangzingtu asi.

• Kawhhran meeting pawl timtuah in thurelcat tul pawl a tikcu ah a reltu dingin felfai
ten kawhhran tumtah mi tuansuak thei dingin thuthluknak tuah dingin tuangtim
• Kawhhran meeting pawl tulnak poh ah telkim
• Kawhhran ih vision, mission, values, hnatuandan pawl hruaitu pawl hnenah fiang ter
ringring
• Associate pastor, youth pastor, staff le tuanvo neitu dang pawl an tuanvo zem, bawm,
kaihhruai
• Tuanvo neitu pawlin anmah le tuanvo cio an tuansuah nak ding bawm, kaihhruai,
thazang pek tlunah, an tuansuak maw ti cekfel in kawhhran board ah report pek tul pek
• Kawhhran budget pawl kawhhran sumpai ih zir in kawhhran tumtahmi hrang
hmansuah asi maw, cekfel in remtul, thleng tul, leadership thawn zoh tlang in tuah.
4. Pulpit hnatuan
Senior pastor in pulpit thusimmi tuanvo a nei. Ziang Bible thu sim, zirh asi ding, zo in
ziangtikah ziangtin kawhhran hrang tulmi Pathian thu, thlarau thutak sim, zirh asi ding thu ah
tuanvo neitu asi. Pathian biaknak, praise and worship, Sunday school pawl Bible vekin Pathian
thangthatnak nei ding. Pulpit ihsin thusuak, thuthan, thusimmi felfai ten kilkhawi, timtuah, in
thansohter ding.
• Pathian thutak Bible sim le zirh
• Tuanvo neitu pawl kaihruai, bawm
• Bawipa Zanriah tuanvo la
• Pulpit thiltul pawl leitul, remtul pawl hruaitu dang pawl thawn fiah in felfai ten ret,
kilkhawi
• Pulpit hmannak ah Bible vekin thianghlim ten upatnak thawn ziangtik khalah hmangin
mipi Pathian biaknak hrang timtuah cia ringring in ret
5. Kawhhran rawngbawltu pawl kaihhruai
 Pastor dang le hantuantu lak ding tikah siseh an hnatuannak zohfiahtu bawmtu
bik asi.
 Discipleship nun zohtim dingin siseh an tuanvo ciar tuansuak dingin zirhtu,
kaihhruaitu le cekfeltu asi.
 Staff lak tul tikahsiseh an hnatuandan board ah simfiang tu le hnatuan colhter tul
tik khalah church leadership team thawn zohtlangtu asi.
 Kawhhran hnatuantu (Staff) member dang pawl hnenah coach, mentor,
supervisor asi.
 E& M, evangelism and mission
 Senior pastor cu E&M ah team lead asi dingih a tul asile tuanvo staff dang a fial ding.
Pathian Thlarau in laksawng a pek vekin zumtu zapi ten Pathian riantu tha an suak
theinak ding hrangah zumtu tundin, hantuan zem, kai hruai in Pathian
rawngbawlnak ah bawmtu, lamzin hmuhtu, kaihruaitu asi.
6. Kawhhran lenglam pehtlaih tu

Kawhhran in a pehtlaihmi kawhhran pawlkom dang, cozah le community, cozah si lo
pawlkom hnenah siseh tuanvo neitu bik, pehtlaihtu bik asi. A tuldan in hruaitu dang pawl thawn
lenglam pehtlaihmi pehtlaihtu tuanvo keitu tuanvo pek asi ding.

2. Associate pastor
Associate pastor cu Pathian rian in kawhhran rawngbawlnak ah senior pastor bawmtu
asi. Senior pastor kaihhruainak le tuanvo thiah vekin kawhhran rawngbawltu, kawhhran
tumtahmi tuansuak dingin kaihhruainak, Thuthangtha sim, Bible zirh, le kawhhran members
fingkhawi in rawngbawltu asi. Pastoral team rawngbawltu asivekin hnatuanmi pastoral team
lead, senior pastor hnenah report a pek ding.
Associate pastor cu Bible (1 Tim.3:1-7) in a simmi rawngbawltu mizia le thlaraumi sinak
nei in pumpe in Pathian rian in kawhhran rawngbawltu asi.
Sinak le hnatuan tulmi:
 Khrih ah Thlarau ih hrinthar mi, Khrih hrangah nungin Pathian ih kawhmi le tuanvo
pekmi
 Kawhhran ih zumnak thurin (doctrine) pomtu zumtu
 Kawhhran constitution & bylaws vekin rawngbawltu
 Kawhhran kaihruainak (church admin) policy vekin rawngbawltu
 Thlarau hlo ngaina in siseh zumtu nun tuahtha dingin Kawhhran tundinnak hnatuan un
Thuthangtha sim in Bible zirh, zumtu rian
 Kawhhran programs ah telkim in kawhhran tungdingtu
 Kawhhran members pawl duhdawtnak in pehtlaih in riantu
 Khrih dungthlun in dungthluntu tuahsintu
 Khrih lungput nei in tangdawrnak, thu-awi nun nei in rawngbawlnak ah thangso vivo in
zirh theihmi
 Pastoral team le kawhhran leadership team thawn duhdawtnak, lungrualnak in tangdor
ten kawhhran tumtah tuansuak dingin Pathian riantu
 Peknak ah 10% siseh kawhhran pi lungkim tlaangmi vek in pek ding timi zohthimtlak in
peknak nun
Tuanvobik pawl
 Kawhhran tungding dingin rawngbawlnak vision le tumtah tuansuak dingin timtuahnak,
tuansuahnak ah senior pastor bawmtu
 Kawhhran leadership team pawl an tuanvo ciar tuansuak dingin bawm, kaihhruai, zirhtu
 Kawhhran program, biak inn khawm, homecell, committee meetingah tel
 Senior pastor kaihhruainakin dungthluntu tuah, small group, home crusade, Bible zirh,
training, counseling, tvp. ah tuanvo la in rawngbawltu
 Nitin Bible siar, thlacam, bukpak in siseh pastoral team thawn siseh kawhhran program
ah siseh tel in kaihruai
 Kawhhran meeting, general, board, deacon meeting le department meeting ah tuanvo
pek vekin meeting kai
 Pathian hmin sunlawinak hrang nun thianghlim in nungin peknak nun nei

 Kawhhran member home visit siseh dam lo vehvaih, thazang pek tul bawmbawi in
rawngbawl
 Biak inn thilri le kawhhran bungrua pawl fingkhawinakah tuanvo neitu pawl bawm in
kaihhruai
3. Youth pastor
Senior pastor kaihhruainak hnuaiah kawhhran youth ministry mino rawngbawlnak
tuanvo neitu asi; kawhhran tumtahmi tuansuak dingin kaihhruainak, Thuthangtha sim, Bible
zirh, dungthluntu tuah, le kawhhran members fingkhawi in rawngbawltu asi. Pastoral
rawngbawltu asivekin hnatuanmi senior pastor hnenah report a pek ding.
Youth pastor cu Bible (1 Tim.3:1-7) in a simmi rawngbawltu mizia le thlaraumi sinak nei in
pumpe in Pathian rian in kawhhran rawngbawltu asi.
Sinak le hnatuan tulmi:
 Khrih ah Thlarau ih hrinthar mi, Khrih hrangah nungin Pathian ih kawhmi le tuanvo
pekmi
 Kawhhran ih zumnak thurin (doctrine) pomtu zumtu
 Kawhhran constitution & bylaws vekin rawngbawltu
 Kawhhran kaihhruainak (church admin) policu thlun in rawngbawltu
 Senior pastor kaihhruainak in pastoral team thawn rawngbawl
 Thlarau hlo rundamnak, zumtu nun tuahtha dingin Thuthangtha sim in Bible zirh, zumtu
kaihhruai
 Kawhhran programs ah telkim in kawhhran tungdingtu
 Kawhhran members pawl duhdawtnak in pehtlaih in riantu
 Khrih dungthlun in dungthluntu tuahsintu
 Khrih lungput nei in tangdawrnak, thu-awi nun nei in rawngbawlnak ah thangso vivo in
zir rero
 kawhhran leadership team thawn duhdawtnak, lungrualnak in tangdor ten kawhhran
tumtah tuansuak dingin Pathian riantu
 • Peknak ah 10% siseh kawhhran pi lungkimtlaangmi vekin pek ding timi zohthimtlak in
peknak nun
Tuanvobik pawl
 Senior pastor kaihhruainak in Kawhhran tungding dingin rawngbawlnak vision le tumtah
tuansuak dingin timtuahnak, tuansuahnak ah youth ministry tuanvo neitu asi.
 Mino leadership team pawl an tuanvo ciar tuansuak dingin bawm, kaihhruai, zirhtu
 Kawhhran program, biak inn khawm, homecell, committee meeting ah tel
 Mino pawl dungthluntu tuah, dungthluntu tuahsin dingin kaihruai. small group, disciple
group, student group Bible zirnak le cangvaihnak kaihruai
 Nitin Bible siar, thlacam, bulpak nitin nunah mino pawl zohthimtlak nun
 Kawhhran meeting, general, board, deacon meeting le departmeng meeting ah tuanvo
pek vekin meeting kai
 Pathian hmin sunlawinak hrang nun thianghlim nun nei

 Biak inn thilri le kawhhran bungrua pawl, music & sound system, media, thilri pawl
fingkhawinakah tuanvo neitu pawl bawm in kaihhruai in Kawhhran tulnak ah remcang
ter
 Youth ministry thu senior pastor hnenan rerport pe
4. Local pastor zohdan
Mathai 10: 40-42, “Nanmah tlun-inn a lo ontu cu keimah tlun-inn ontu a si ve; keimah
tlun-inn i ontu cun keimah thlahtu khal a on ve a si. Pathian thusimtu tlun-inn a ontu cu Pathian
thuphurtu tlun-inn a on ruangah a thusimmi ṭhatman a ṭawm ve ding. Miṭha pakhat kha mi ṭha a
si ruangih tlun-inn a ontu cu cuih miṭhapa ih ṭhatman a ṭawm ve ding. Fiangte in ka lo sim: ka
dungthluntu pawl lakih nauta bik kha ka dungthluntu a si ruangih tidai khuat khat a petu cu
ṭhatman a ngah tengteng ding,” tiah a ti.
1. Pastor cu Pathian riantu asi. Pathian Thlarau ih tuanvo pekmi asi.
Tirh. 20:28, Cuti a si ruangah nanmah le nanmah kilkhawi awk thiam uhla Thlarau Thianghlim
in tuurual kilkhawitu dingih a lo ret vekin nan tuurual kha òha tein kilkhawi uh. Pathian in a
Fapa thisen thawn amah ih ta ih a tuah zomi a kawhhran khaaltu va si uh!
2. Tuan man let hnih ngahtlak asi.
1 Tim. 5:17, Kawhhran hruaitu hnatuan tha a tuantu cu tuan man a let hnih in ngah tlak an si.
Cuih hruaitu lakah thusimnak le thuzirhnak ih a zuam zet pawl cun ngah tlak an si cuang.
3. Thlarau lam ruaitu upat aw.
1 The. 5: 12-13, Ka u le ka nau tla, Khristian nitin nan nunnak ah a lo hotu le a lo zirhtu pawl,
nan lakah hna a òuantu pawl kha upat hmaizahnak pe uh, tiah kan lo forh. Nan hrangih hna an
òuan ruangah hmaizahnak a sang bik le duhdawtnak pe hai uh. Nanmah lakah daite le remawte
in um uh. Paul & Galatian zohthim tlak: Gal. 5: 15b, A cang theimi sisehla nan mitmu hman
phorh tahrat in in pe siang ding ti cu keimah rori in ka sim ngammi a rak si.
4. Khrihfa local church ah kawhhran members pawlin an pastor an zohdan:
A. Inn (housing): kawhhran tampi In pastor umnak inn (quarter) an nei, America ram
ahcun housing allowance in evangelical kawhhran hrekkhat in inn an pe. Inn bill
peksak, utilities bill pek sak, tvp In bawm thei tawk kawhhran in an bawm theu.
Kawhhran in a hranten housing allowance pek asi lo tikah Pastor pay sung ihsin
housing allowance pay in then theih asi.
B. Vaksukso nak (transportation): kawhhran rawngbawlnak vak suksonak a tum thei
asile pastoral rawngbawlnak hrang a tum sak ding. Motor leisak lole thlatin gas man
peksak tla asi thei. An vak sukso nak, Khrih rian in zumtu an rian nak ah sumpai thu
ruangah anhai in an um lo nak ding hrangah kawhhran in khua an khansak theu asi.
C. Hlawnman. Local church in thu lairel vekin pastor (fulltime), part time, volunteer
(laksawng) in then in sumpai pek asi.
5. Insang bulpak thlacam saknak , pastor thlacam an sawm, pastor in a tuahsak ding:
A. Thatlam: nau thar ap, inn thar, motor thar, hna thar, zirnak le danglam
hlawhtlinnak
B. Siatlam: thih hloh, dam lo, riahsiatnak dang
C. Thansohnak: Pathian thu zirnak, thu khirhkhan khawkhan lairel tulmi hrang
thlacam, thupi hlapi Pathian hnen thurawn, umnak hmun cer/thawn, tvp ah pastor in
zumtu nuntu khawsak bawmbawi theitawk thlacamnak thawn a zuampi ding.
6. Pastor hnenah laksawng pek theu nak can rem cang

Kawhhran in remti dan in laksawng pek asi. Khrismas, kumthar ah siseh pastor
appreciation day ah siseh kawhhran in siseh bulpak in lungawinak lang ter duhduh laksawng pek
theih asi. Hanghnah hangrah thlaithar pek duh pek theih. Thlarau lam hruaitu, Pathian palai
Pathian siahhlawh parah zumtu in kan tuahmi Amah Pathian kan duhdawt ruangah asi
sawn. Kumthar & Christmas, baby dedication, thlaithar, lungawini, Amah pastor insang ih Ni
sunglawi, birthday, special can pawl ah a duhduh in laksawng pek theih asi.
7. Pastor Appreciation day
Kumtin October thla zarhkhatnak ah Pathian parah lungawinak cu Pathian palai, tuukhal
pastor appreciation day, pastor parah lungawinak langternak program neih theu asi ding.
8. Pastor support team.
Kawhhran in pastor support team tuah in pastor insang ah siseh rawngbawlnak ah siseh
ziangvek harsat lungawinak a um, ziangtin lungawi sopar ten Pathian an rian thei ding tiah
bawmtu, thlacampitu, nai zetin ngaihventu an si. Mikhual zohbawm tu, pastor khual tlawn sukso
tikah bawmtul mi bawm, thlah, hmuak in siseh a insang lamah bawmtul um le bawm, ei in
sumpai an harsa maw, hnaikhnoktu ziangvek an tong, ti ah pastor bawmtu, dinpitu, thlacampi an
si.
Mathai 25:40, Siangpahrang in, ‘Thungai in ka lo sim: hi ka unau pawl lakah nauta bik parih nan
tuahmi cu ka parah nan tuah a si,’ a ti ding.

5. Tuanvo bik kaitu pawl
Pastor
Pastor cu kawhhran hruaitu bik asi. Church board le general meeting ah meeting hruaitu,
chair kaittu asi. Sub-committee ah Pulpit committee le E & M committee ah chair, in-charge
tuanvo kaitu asi. Pathian Thuthangtha sim, Bible zirhnak hmuahhmuah tuanvo kaitu asi.
Kawhhran pawnlam pehtlaihnak ah tuanvo neitu bik asi. Kawhhran sung committee
hmuahhmuah, kawhhran pi cangvaihnak tinkim ah hruaitu bik asi. Kawhhran mipi pawl pakhat
ciar in Thlarau laksawng an co zat ciar in Pathian rawng an bawl ih Pathian tiantu tha an si thei
nak ding hrangah lamzin hmuhtu zirhtu, kaihhruaitu, le anmah le tawk zawn ciar ah tuanvo an
lak ciar theinak ding hrangah EC/Deacon le subcommittee dangdang pawl thawn tuanvo la in
kaihruaitu asi. Bawipa zanriah, siat ni thatni, le kawhhran sungthu pawl tuanvo neitu bik asi.
Pathian Thlarau lamhruainak in Kawhhran doctrine kilhim in kawhhran dan le dun vekin
kawhhran a cangvaih theinak ding khal fingkhawitu asi.
President
Church president cun kawhhran deacon meeting a hruai ding. Committee sung tuanvo
pekmi pawl anmah le hnatuan ciar tuansuak thei dingin lamhmuhtu, kaihhruaitu, thazang petu, le
bawmtu asi. Pastor thawn tangtlang in committee hmuahhmuah hruaitu asi. Kawhhran meeting
kawh tul tikah pastor thawn agenda tuah hmaisa in meeting ko dingin secretary hnenah theihter

in meeting cangsuak dingin timlamtu, meeting kaihhruaitu asi. Kawhhran dan le dun kaihhruai
awkdan vekin kawhhran a feh a cangvaih theinak hrang pastor bawmtu hruaitu asi.
Secretary:
Secretary cun president hnen ihsin thusuak vekin meeting ko tu asi. Pastor le president
thawn meeting agenda tuah in meeting hrang timtuah cia tulmi timtuah cia in meeting thurel
catmi pawl cangsuak dingin tawlreltu asi. Meeting ah record cangan khumtu asi. A tul asile
secretary bawmtu cangantu ah fial theih asi. Kawhhran thusuak pawl cangsuak dingin pastor le
president thawn tangtlang in tuanvo neitu pawl forhfialtu, kilkhawitu, bawmtu, lamzin hmuhtu
asi. Pastor le president thawn kawhhran khaikhawmtu, fingkhawitu an si. Kawhhran sung tuanvo
neitu pawlin an tuanvo ciar an tuansuah theinak ding hrangah kilkhawi, sawmdawl in bawmtu,
report petu asi.
Treasurer Kawhhran sumpai kiltu asi.
Kawhhran sumlut sumsuak kilkhawitu asi. Kawhhran meeting, EC/Church/general
meeting ah sumpai report petu asi. Kawhhran bank account ah sumlut hmuahhmuah a thun theh
ding. Sumlut sumsuak cazin felfai ten a ret ringring ding.
Committee members:
Committee member pawl cu kawhhran sung rawngbawlnakah a teltu, meeting pelh lo ten
kaitu an si. Mah le kawhhran sung rawngbawlnak ciar committee ah suahpi in kawhhran
thansohnak hrang Pathian rian in mipi riantu an si.

6. Department roles
1. FCCI committee member cu kawhhran danbu sungah ngankhum vekin kawhhran
doctrine pomtu asi ding.
2. Kawhhran danbu sungah ngan khawm vekin kawhhran kaihhruai awknak lungkimtu asi
ding.
3. Kawhhran danbu sungah ngan khum vekin kawhhran admin training a kai tengteng ding.
4. Kawhhran danbu sungah ngan khum vekin kawhhran ah rin um ten peknak in siseh
tuannak in siseh rawngbawlnak ah teltu asi ding.
5. Meeting a kai ringring ding ih kai thei lo asile mai telnak committee ah thu theihter asi
ding. Voi 3 tiang committee ah theihter lo in meeting a pelh asile a telnak committee in
thu hla hliakhlai in a tul asile committee a telnak ihsin tawpter theih asi ding.
6. Kawhhran sung lungrualnak suahtertu, duhdawtnak in riantu asi ding.
7. Tuanvo pekmi tuan sunzawm thei nawn lo tikah a rangbik in pehtlaihmi committee
hnenah thu theihter asi ding.
Department hmauhhmuah in church constitution le bylaws in a siansak mi hleiah church board in
tuansuah dingin a ruatsak mi pawl tuan ding asi. Church in budget a tuahsak cia mi hlei ah
fundraising tuah theinak an nei ciar ih budget tul betmi a um asile church ah dilbet ding asi.
a) Pulpit
Pulpit committee cu pulpit hmandan zohfeltu, board ah report petu asi.

b) E&M
E&M in foreign mission, home mission, evangelism outreach, homecell pawl tuanvo a
kai. Chuch in budget a tuahcia mi vekin rawngbawlnak hna a tuan dingih budget tuahcia
mi hman theinak a nei. A tuldan in training le fundraising, mission trip, camp pawl a ruat
in a tuah ding. E&M in kawhhran rawngbawlnak ah video, photo, website, social media,
le print media khal rawngbawltu pawl in thlintawk in rawngbawl ding asi.
c) Welfare
Welfare team in kawhhran sung le leng, harsa bawmbawi tul pawl a bawm ding.
Kawhhran in budget a tuahcia mi hlei ah thlatin Bawipa zanriah a hlu cu welfare ah a lut.
Church in budget a tuah cia mi in a daih lo asile fundraising a tuah thei, budget a dil bet
thei.
d) Building
Building committee cu church building fundraising hrang tuanvo a nei. Kawhhran
member hnatuan pakat ciar in pek ding timi siseh fundraising siseh a tuah thei. Cui hlei
ah building compound hrang tul a timi volunteer hna a tuan ding. Building fund pawl cu
building fund bank account ah a hranten a um ding. Building committee ah in-charge, in-
charge bawmtu le sumkil le committee members pawl an um.
e) Property manager
Kawhhran in thil ri neihmi hmuahhmiah cazin felten kaitu, record tuahtu le report pe tu
asi. Kawhhran thilri leitu khal asi. Khawhhran thilri hman nawn lo mi a um tik khalah
ziangtin tuah ding, zuar ding maw, tvp. Ruattu asi.
f) Media
Meida team cu church in media a neihmi video/photo camera le computer pawl, network
system pawl tuanvo kaitu asi. Video, photo, print media in tlin tawkin rawngbawlnak
neih asi ding.
g) C.E. Children Education department cu pastor kaihruainak hnuaiah CE. Director ho in
nauhak pawl zirhtu an si. Sunday tinte zirhtu an si hlei ah a tuldan in nauhak pawl Pathian
thutak an thangsoh theinak ding hrangah camp, vbs nei in zirhtu a si. Church in budget a
tuahsak mi a hmang thei ih a tulbet asile church ah a dil bet thei.
7. Pulpit policy
a) Pulpit committee tuangtimnak vekin pulpit hmandan timtuah asi. Bulletin ngancia diam
in caan hmandan pawl tuah asi. Sermon, Thuthangtha sim cu pastor tuanvo ah ret asi.
Bible zirhtu cu pastor hohanak in ruatcia mi pawlin pastor ih timtuahmi Bible zirnak neih
asi. Pulpit ah caan hmangtu ding hmuahhmuah pulpit committee lole pastor hnenah
damkan in thu hla theihter cia hnu ah bulletin ah ngan khum cia in hman asi. Khawm
chair kaitu cu deacon lak ihsin asi. Bible siar sawn le solo -mino, a hlu hla hrang thlacam-
Nubu, zapi thlacam deacon lole upa deuhdeuh lak ihsin thlacam theithei, caan khiahcia
vekin hman asi.
b) Khawm Can Hmandan
1. Khawm chair: deacon upa pawl in tuanvo lak asi ding, a tuldan in upa dang tuanvo pek
asi ding.
2. Bible siar sawn: Mino in Bible siar sawn hmin list bulletin pek cia ding.

3. Testimony: Pathian hnen lungawithu sim duh an um asile pulpit committee hnenah sim
cia dingih program dang hnaihnok lo asile colhni voikhat ah mi pakhat, 10 tiang can
pek asi ding.
4. Pulpit kaitu ding, zovek khal rit theih, zuu, kuak, sahdah rimnam kai sian asilo.
5. Solo: Mino in hmin bulletin ngantu hnenah kuat asi ding. Colhni voikhat ah solo, le
Special hla 2 tiang can pek theih asi ding.
6. A hlu aptu: a hlu aptu nubu in hmin list pek asi ding. A hlu khawng tu cu deacon in
hmin pek cia vekin asi ding.
7. Bulletin cu paper zem asi ding nan screen ah ppt, in langter asi ding.
8. Mikhual speaker neih tikah khawmhruai, chairman in speaker hmuaknak a tuah theu.
9. Dress code: Cawlhni sun pulpit kaitu ding, sermon, chair, thlacam tu, hla hruai, music
tum, le praise and worship pawl zapi ten Jean pen hruh lo, kawr si le color um, skirt
asile khuk hup, zoh mawi thei bik in hruh ding.
10. Thuthan ding: cellphone off, nauhak tap awn ai le vak culci um lo dingin zuam ding,
bulletin tohkham parah tanta lo ding, biak inn sungah gum ei lo ding, nauhak ballpen
hmang ter lo ding, mai tonak ciar thianghlim ten tanta ding. Khawm lai ah thlacam lai
ah zohman suak le thawmvang um lo kan zuam cio ding.
11. Pulpit can hmang dingin can pek mi pawlin mai can an hmang thei lo ding asile
midang pek sawng loin pulpit committee hnenah theihter asi ding. Midang kian duh mi
a um khal asile pulpit committee hnenah a theihter hmaisa hnu ah lungkimpinak thawn
can pek asi ding,
12. Pulpit committee thla 4 voikhat meeting a um ding.
13. Can neitu hmuahhmuah khawm khelh in tuan ten biak inn thlen zuam ding, can hmang
thei lo ding asile pulpit committee hnenah tuan ten thu theihter tengteng asi ding.
14. Upa pawl kaihmi: khual hmuak, thawhhlawm khawn, chairman,
15. Hlahruai, praise and worship, music pawl mino in tuanvo lak asi.
16. Pulpi caan hmangtu ding pawl khawm hlan minute 15 duh ah thlacam khawmnak neih
asi ding.
17. Mikhual thusimtu um tikah local pastor in khawm a hruai ding.
c) Mikhual caan hmangtu ih thlun ding:
FCCI ah Thuthangtha simtu pawl fimkhur dingmi 10
1. local church in dilmi a neih asile a dilmi thu parah Thuthangtha sim ding.
2. Local church in dilmi a neih lo asile kawhhran tungndingtu, Thiang Thlarau in
theihter mi asi tiah zumnak thawn Thuthangtha sim ding.
3. Pulpit par ihsin local church admin thu soisel lo ding; sim duhmi a um asile pastor Le
kawhhran hruaitu hnenah theihter ding.
4. Zumtu pawl thinlung thenthek tertu zumnak thurin (controversial issues) pulpit par
ihsin sim lo ding.
5. Local church pastor siseh kawhhran hruaitu siseh kawhhran member bulpak soiselnak
thu pulpit par ihsin sim lo ding.
6. Pulpit par ihsin political party lole politician pakhatkhat siseh public figure
pakhatkhat dodal nak siseh cawimawi nak siseh sim lo ding.
7. Hrinhnam, pawlkom, mibur dodalnak, thleidan nak, hmuhsual awk, thusia karhzai
tertu sim lo ding.

8. Mah le mah, milai pakhatkhat, miphun Le pawlkom cawimawinak siseh namthlaknak
dodalnak thu sim lo ding.
9. Local church sung thu buai pakhatkhat ah lamtanbul nei in hrawlh aw lo ding.
10. Mah rawl petu, lunggawiten rak co hlangtu, Thuthangtha sim hnu ah local church
pakhat a suahsan hnu ah local church ih tlaksamnak hmundang ah thangsiattu silo
ding.

8. Media policy
Kawhhran sung thu theihter awknak
1) Pulpit par ihsin thu mipi hmai thanmi

i. Pulpit par ihsin kawhhran thuthan tulmi lawng a thantu in than ding asi.
ii. Kawhhran thuthan tikah dept. hranhran le mimal tulmi pawl cu secretary hnenah
theihter in church secretary than ding asi.
iii. Bulpak thu (mipi hnen sawmnak, theihter duhmi) pawl a um asile kawhhran
pastor le president, secretary hnenah dil hmaisak hnu lawngah siannak pek asile
thuthan theih asi ding.
iv. Kawhhran pawnlam ihsin pulpit parah thu than duh a um asile kawhhran
secretary/pastor hnenah dil in secretary in thuthan sak asi ding.
v. Kawhhran pawnlam mi in pulpit par ihsin thuthan ding a a dil asile kawhhran
hruaitu (pastor/EC) lungkimnak lawng in thuthan siansak asi ding.
vi. Pulpit par ihsin ziangtik hmanah lungawi lonak, thusia lam thansian asi lo.
vii. Pulpit par ihsin zohman in thuthan ah siseh tettikhan, thusim ah siseh kawhhran
kaihhruainak thu, bulpak, pawkom soisel awknak simsian asilo.

2) Kawhhran mibur hmanmi media
A) Googlegroup.
i. falamchristian@googlegroups.com cu FCCI kawhhran hmanmi kawhhran ta asi.
ii. Moderator cu pastor, secretary le Media dept ihsin a tuldan in bet asi ding.
iii. Kawhhran group mail sungah kawhhran thu, kawhhran member pawl theih tulmi
pawl lawng than asi ding.
iv. Kawhhran lenglam thu than duh asile kawhhran member pawl hlawkpi ding,
thathnempi dingmi, zohman dokalhnak a um lomi, thazang pek awknak, zir
awknak thutha, pawl than sian asi ding.
v. Kawhhran tlang cabawm sungah thu el awknak, mi pakhat lole mibur pawlkom
pakhatkhat hrinhnam kalhki awknak, huat awknak, le mipi theihthiam lo ding thu
pawl thlahsian asilo.
vi. Kawhhran thu le bulpak thu pawl theihfiang duh a um asile tlang cabawm ah
siloin bulpak in sut awk asi ding ih senpi theihtulmi lawng senpi hmanmi group
mail ah thlah asi ding.
B) Viber group
i. Kawhhran viber group cu pastor/secretary/media team in moderator kaih asi ding.
ii. Viber group sung khalah google groups vek thotho in hmandan asi ding.
iii. Kawhhran mipi theihtul thu, zuk, video clip le ca pawl lawng thlah asi ding.
iv. E-group ah siseh viber group ah siseh a hlei in mipi nin um dingin zianghman
thlah asi lo ding.

C) Facebook
FB cu media team kilkhawi ding tuanvo asi ih kawhhran cangvaihnak, zuk, ca, video
siseh thazang pek awknak pawl thlah sian asi ding. FB ah friend list siseh accessibility
pawl strict zetin ret asi dingih zohmawi lo ca/zuk/video pawl restricted in tuah asi ding.
3) Photo: Kawhhran cangvaihnak zuk pawl media team pawl in tuanvo la in a cang thei
tawk in record ret asi ding. Hard drive in siseh digital copy online album ah edit tulmi
edit in ret asi ding. Photo zuk pawl cu a sezawng in hmansian asi lo ding.
4) Video: Church sermon, cangvaihnak video zuk pawl khal photo vek thotho in online,
digital copy, ret asi ding. Media team remtinak vekin record ret asi ding.
5) Printed Media: Media team remruatnak vekin le tuanvo lak thei zat print media neih
asi dingih FCCI kawhhran policy and tumthami thawn kaih aw mi rahsuahnak tumtah in
suahmi asi ding.
Kawhhran pawnlam ah tlangaunak, zuk, video, photo, cangan Thuthangtha karhzainak hrang
Kawhhran lenglam ah media suahpi thei mi cu online media pawl asi bik. Print media cu
media dept. hmailaknak vekin suah thei tiktikah suah zuam asi ding. Media policy pawl cu FCCI
media policy le kawhhran tumtah rahsuahter dingin suah asi ding.

9. “Code of conduct” for Awnmawi Tumtu, P & W pawl thlun ding
1) Onmawi le sound system pawl cu Pathian thangthatnak asi vekin thiangthlim ten hman
asi ding.
2) Zohmawi le nuncan ziaza mawi thawh hnipuan zohmawi in a hruh ding.
3) Biak inn ah onmawi, sound system a tul tikah siseh practice tikah siseh pumpe aw thei tu
asi ding.
4) Biak inn sung hrimhrim ah kamnam, rit theih a tuah timi theihmi in system le onmawi
tham lo ding asi.
5) Sound system le onwmawi lam tuanvo neitu (in-charge) hruaitu pawl thu thlun/ngaitu asi
ding.
6) Onmawi committee, hruaitu, tuanvo neitu pawl siarnak tello in onmawi thilri biak inn
lenglam ah kensuah asi lo ding.
7) Onmawi tumtu pawl cu mipi zohmawi thuam mawi hruh asi ding.
8) Bulpak nun thianhlimnak: rit theih si, zu, le ziangpoh khal tham lomi, nun thianghlim in a
nungtu asi ding.
9) Hla le music practice tikah can pe in pumpe aw thei tu asi ding.
10) Team hruaitu pawl thu thlun, thu ngaitu asi ding.
11) Bulpak Pathian thawn pawlkomnak, Bible siar le thlacam nun neitu asi ding.
12) Biak inn ah siseh biak in lenglam, kawhhran lenglamah siseh zohmawi nuncan ziaza
mawi in a nungtu asi ding.
13) Kawhhran member pawl thawn rem aw ten a nungtu asi ding.
14) Kawhhran lenglam, khuitawk hmun khalah midang thawn pehpar in buainak nei tu asi lo
ding.

9. Finance policy
1. Sumkil: Kawhrhan sumpai cu sumkil kut sung a lutih record hnu lawngah hman theih asi.
Kawhhran sumkil pawlin thlatin EC/Deacon meeting, thla 4 voikhat church board
meeting, le kumkhat voi 1 general meeting ah financial statement/report an pek tengteng
ding.
2. Budget: Kawhhran budget cu EC in a ruat hnu ah Church Board in nem hngetnak a nei
ding. Budget nemhnget zomi pawl cu department in hman theihnak an nei ih sumpai
hmansuahnak pawl report, EC, church board meeting ah pek asi. Department pawlin
anmah te sumpai hawl theinak an nei.
3. Audit: Kawhhran in auditors amal bik mi pa 3 a ruat dingih kumkhat voi 2 audit tuah asi
ding.

Biblical Principles for mInistry Team members

1. Pathian hmin sunglawinak: 1 Kor. 10:31, Curuangah nan ei ah siseh, nan in ah siseh,
ziangthil nan tuahmi kipah Pathian sunlawinak hrangah tuah uh.
2. Pathian Thlarau ih hruai: Tirhthlah 20:28, Cuti a si ruangah nanmah le nanmah kilkhawi awk
thiam uhla Thlarau Thianghlim in tuurual kilkhawitu dingih a lo ret vekin nan tuurual kha
òha tein kilkhawi uh. Pathian in a Fapa thisen thawn amah ih ta ih a tuah zomi a kawhhran
khaaltu va si uh! Rome 8:14,  Pathian Thlarau ih hruaimi pawl cu Pathian ih fa an si.
3. Mah rori zohthimtlak: Titus 2:7, Ziang hmuahhmuah ah nangmah rori zohòhim tlak in um
aw. Rin tlak mifel si awla thu na zirh tikah thungaithlak in zirh aw.
4. Thianghlim mi: Heb. 12:14, Mi hmuahhmuah thawn rualremte in um zuam uhla nunnak
thiangin nun tum uh, ziangahtile nunnak thiang neih locun zohman in Pathian an hmu thei lo
ding.
5. Rinsan tlak hnatuan dan. Tim. 2:2, Khrih Jesuh ih rinsan tlak ralkap na si bangtukin tuar ding
na covo cu tuar ve aw.
6. Langhngan : Luke 8:17, “A thup teih thuhmi hmuahhmuah cu langter thluhsal a si dingih
khuhmi thil hmuahhmuah cu khawtleu ah suahtersal òheh an si ding. Thufim 10:9, 10Thudik
a thuptu cun harnak a suahter, Asinain langhngan in a kawktu cun daihnak a suahter.
7. Pathian ih cohlan tlak: 2 Tim. 2:15,  A hnaòuan a zahpi lotu le Pathian thutak Thuthangòha
cu dik zet ih a simfiangtu si dingah Pathian lungkimnak ngah dingin zuam aw.
8. A dingfelmi: 2 Kor. 8:21, Kan tumtahmi cu Bawipa ih mithmuh lawngah si lo in milai
mithmuh khalah thildik tuah ding kha a si. Thufim 11:3,  Miòha cu dingnak in lam a hruai,
Zum awk tlak lomi pawl cu anmah ih’ ding lonak in a siatsuah. Heb. 6:10, Pathian in mi a
thleidang lo. Nan hnaòuanmi siseh, Pathian nan duhdawtnak langter tahrat in nan Khristian
rualpi pawl nan rak bomnak le atu khalah nan bom reronak pawl hi siseh, Pathian in a ciing
ringring ding.
9. Thuphan tello. Kol. 3:9,  Nan nun hlun nuncan ziaza cu nan phuak zo ruangah pakhat le
pakhat bum aw nawn hlah uh. Thufim 12:17: Thudik na simnak in felnak a langter; Asinan
thuphan in fel lonak lamah a hruai. Thufim 12:22,  Bawipa in thuphanpertu pawl a hua;
Asinan miding rin tlak pawl cu a lawm. Thufim 21:3, Dingnak le a dikmi tuah cu thawinak
hnakin Bawipa in a duh sawn.
10. Dai zetin hnatuanmi (peaceful): James 3:17, Sikhalsehla van ihsin a rami fimnak cu ziang
dang hnakin a thiangmi fimnak a si; cuih tlunah daihnak in a khat, a lung a nem ih pawlkom
a thiam. Zangfah thinpemnak a nei ih hnaòuan òha ih rah a suahter. Thleidannak a nei lo ih
titerawknak khal a nei lo.
11. Duhdawtnak In riantu hnatuannak: Gal. 5:13b, Cuhnakin duhdawtnak thawn pakhat le pakhat
rian aw in bawm aw ton uh.
12. Siahhlawh riantu: Mark 10:45, Ziangahtile Milai Fapa hman hi rianmi si lo in miriantu si
dingah le mi tampi tlen dingah a nunnak pe dingin a ra a si,” tiah a ti.
13. Tuanvo kim ten tuan: 2 Tim, 4:5b, Cule Pathian hnaòuantu na si vekin na òuanvo kha kim
tein òuan thluh aw.
14. Rualrannak, thleidannak um lo: James 2:9, Sikhalsehla a lenglamih hmuhnak in mi na
thleidang a si ahcun na sual a si. Daan in daan buartu ah a lo hmu.Rome 2:11, Ziangahtile
Pathian cun zozo khal bangrep in mi thu a òhen a si. Zohman a thleidang lo

15. Khat le khat upat awk tawn nak: 1 Peter 2:17,  Mi hmuahhmuah upat uh, zumtu unau pawl
duhdaw uh; Pathian òihzah uhla Siangpahrang cu upat hmaizahnak pe uh.
16. Pehtlaihnak tha: Sam 37: 30, 0 Miòha pawl ih kaa in fimnak a suak; An lei in dingnak a sim.
17. Ephesians. 4:29, Nan biak awk tikah òongkam hrang hmang hlah uh; nan òong a theitu pawl
in òhathnemnak an ngah theinak dingin òongòha le òongmawi hmang uh.
18. Remten hnatuan: I Kor. 14: 33 ziangahtile Pathian cu buainak le hnahnawhnak Pathian a si
lo; remnak le daihnak Pathian a si.
19. Leitlun Zohthimtlak: 1 Kor. 6:2 Pathian mi mithiang pawl in leilung ih thu hi an òhen leh
ding tihi nan thei lo maw? Cutiin leilung thuòhentu nan si ding ruangah cun nanmah lakih
thunepnawi, thuterek tete cu nanmah tein nan relcat thei lo maw? 3 Vancungmi pawl hman
an thu kan òhen leh ding tihi nan thei lo maw si? Cuti a si ruangah hi leilung kan nunnak ih
thu pawl cu kan rel thei a òul a si

KAWHHRAN MEMBER KA SI

Ngantu: Dr. Thom S. Rainer, An American writer, researcher, speaker, and current president and
CEO of LifeWay Christian Resources,an entity of the Southern Baptist Convention in Nashville,
Tennessee.
Thom S. Rainer ih nganmi “Keimah cu kawhhran member ka si” (I am a church member)
timi hi miring tong ih nganmi laitong in lehmi asi ih rak siar cio uhla, group study, mibur Bible
zirnak ah tla rakhmang cio hram uh. Santhar kawhhran member sinak hi mi tampi leitlun
pawlkom dang sungtelnak thawn kan cawhpolh tikah voi tampi cu Bible in in zirhmi, Bawipa
in kawhhran ah in retnak san pawh lo in leitliun pawlkom vekin fehpi, sungtel sinak kan rak ruat
sual tikah Pathian in in hman duhzat le kawhhran ah thathnemnak kan suahpi dingzat kan suahpi
lo theu asi. Bible in in zirh vekin kan umnak hawhhran tinah sungtel kan sinak poh ah kan
umnak kawhhran in ziang in tuahsak ding, ziang ka hlawk pi ding timi siseh ziangvek thuneihnak
le upatnak ka co ding timi siseh ruat lo in Bawipa in a lak in in rundam ih kawhhran sungtel
sinak in pek, in neither mi par ah lungawi ringring in thiltha suahpi tu, lungawinak duhdawtnak
tipungtu, remdaihnak tipungtu, Pathian Thlarau hmanrua tha kan si cio nak ding hrangah a
hnualam pawl kawhhran sungtel cio ih lungput le tuanvo pawl hi zir, nunpi cio ding hi a
lotheihlo asi.
Kawhhran 557 dinhmun (2004-2010) an hliakhlai tikah 9/10 kawhhran pawl
cu member an tumsuk sinsin. America ramah 1946 hlanaha suaktupawl lakah 2/3 cu
khrihfa an si theh. Asinan kum 1980-2000 karlakah a suakmi American minung lakah 15%
lawng Khrihfa an si. Riahsiatza asi. Zo kan mawhthluk ding? Santhar milai fimnak, satan maw,
zo kan mawhsiat ding? Culai lakah kawhhransungtel pawl mahlemah cek aw fel sal
uhsi. Kawhhran member pakhat in kan umnak kawhhran parah lungput kan neihmi kan thleng tik
lawngah kan kiangkap tla kan thleng thei dingin kawhhran thuanthu khal a thleng aw ding asi.
Bible in a zirhmi kawhhran member pakhat sinak lungput zoh hnik uhsi.
1.     Keimah cu a cangvaimi, hnatuantu kawhhran member ka si.
Country club member lut tikah membership fee a umih member pawl hlawknak a
um. Member pawlin hlawknak an ngahmi an lungawi tawk lo tikah an suahsan ih an duhnak
vekin hlawknak a pe theitu club ah member an lut theu. Kawhhran member sinak cu
clubmember sinak thawn a bang aw lo.
Kawhhran member zapi ten a pehzawm aw mi taksa ruangpum pakhat ih peng kan si.
Paul in I Korin 12-14 sungah kawhhran cu taksa ruangpum thawn tahthim in thu a sim. A
umzia cu taksa ruangpum pakhat ah taksa peng pakhat a cangvai lo asile a ruangpumpi tiang a
hnoksak in cangvai thei lo in a tuah thei tinak asi. A harhdammi ruangpum sithei dingin taksa
peng zapi ten ruantlang zetin a cangvaih thei a tul tinak asi.
I Kor. 12:27-28, “Nan zatein Khrih ih ruangpi nan si ih pumpak ciarin a taksa ṭhen
nan si fingfing. Cuhrangah Pathian inKawhhran sungah minung cu an sinak ding hmun ciarah a
ret: a hmaisa bikah a tirhthlah pawl a ret; a pahnihnak ah profet pawl, a pathumnak ah zirhtu
pawl, cule mangbangza tuahtu pawl, a saangtu-ah damter theinak pek a si mi pawl, a si lole
midang bom theinak pek a si mi pawl, a si lole mi hoha thiamnak pek a si mi pawl, a si lole theih
lo ṭong in ṭong theinak pek a si mi pawl an si.”
Kawhhran member sinak ih umzia cu ziangkim nun, tong, le tuahnak ah duhdawtnak
thurampi parah hngat aw in tuah asi.

I Kor. 13 ah duhdawtnak cu ziang asi ti famkim zet in in sim. Ahih duhdawtnak hi milai in
anmai hrang thatnak ah an ruahmi pawl parah an duhdawtnak vek asile Pathian ih duhdawtnak
“agape” duhdawtnak asi.
I Kor. 13:4-5, “Duhdawtnak cu a thin a sau ih mi zaangfah a thiam; duhdawtnak cu mi a
iksiik lo, tluang a khawng lo ih a puarthau fawn lo. Duhdawtnak cu nun hel-hlong in a nung lo,
amah ih zawn lawng a ruat lo, a thin a tawi lo, cule tisual mi parah thinciin a nei lo.” Pathian
duhdawtnak kan sungah a um tikah midang in kan parah thiltha an tuahnak ruangah siseh kamah
in thiltha kan hlawkphah ding ruangah siloin Pathian hmin sunlawinak hrangah midang hrang
thatnak ruat ih awmsung suak duhdawtnak asi.
Kawhhran member sinak cu a nungmi, a cangvaimi member sinak asi.
Khrismass le kumthar lawng ah khawm aw khalin kawhhran member sitheih asi thei men.
Asinan Bible in a simmi kawhhran membersinak cu a nungmi, catbanglo in a
cangvaimi member sinak asi. Kawhhran su member pakhat hnakin a tam komkhawm in din asi
vekin taksa ruangpum vek asi ih (I Kor. 12:12-26), peng tampi a um: ke, kut, hna, mit, hnar, tvp
taksa ruangpi ah a um vekin kawhhran sungah tuanvo le dinhmun dangdang nei in Pathian in a
ret khawmmi kan si. Ke in a hnatuan ding a tuan lo ahcun taksa ruangpi cu a feh thei lo ding.
Taksa peng pakhat ih a tuanvo ciar an tuan ih an dinhmun ciar ihsin an cangvai tikahkawhhran
cu a harhdam, a cak ih Pathian tumtah mi tuansuah asi.
Tiamkamnak 1. Kawhhran member ka si.
Kawhhran member ka sinak cu taksa ruangpum sungah taksa peng pakhat vekin dinhmun le
tuanvo nei in Pathian in i retnak hmun ihsin Khrih ih taksa ruangpum hrangah ka tuan
in ka cangvai ve ding. Mit ka sile mit hnatuan ka tuan dingih ke ka sile ke hnatuan katuan ding.
Taksa ruangpum ah taksa peng pakhat a nat tikah taksa ruangpum in a tuar asi ti ka thei ringring
dingih taksa peng pakhatkhat cawimawi asile lungawi sopar ten ka lungawpi ve ding.
Bible ka zir ding, midang riantu ka si ding, Thuthangtha karhzai tertuka si ding. (I Kor. 12:26-
27).
Sign and Date:

2.     Keimah cu Kawhhran lungrual tertu member ka si.
“Pakhat le pakhat tlunah duhdawtnak nan neih ahcun zokhal in keimah ih dungthluntu
nan si kha an lo thei ding a si,” tiah a ti. John 13:35. Pai duhdawtnak nei
lotu kawhhran member pawl hi kawhhran rem awklonak satan
hmanrua an si theu. Kawhhran thurel khawmnak ah zohmawi lo zet na hmu in na thei theu
maw? Kawhhran sungah khat le khat relsiat simsiat awknak na thei theu maw? Nan pastor pai
mailbox sungah ziangvek casia a lu theu ti ah sut aw la a lo sim ding. Kawhhran member na
sinak poh ah Pathian in remnak tuahtu siter a lo duh asi.
“Bawi Jesuh nan zumnak le Pathian minung parih duhdawtnak nan neih zia ka theih thok
vete ihsin, 16nanmah ruangah Pathian hnenih lungawi thusim ka cawl dah lo. Ka thlacamnak
in ka lo ciing ringring” Eph. 1:15-16. Paul in kawhhran sungtelpawl duhdawtnakan neih parah
lungawithu a sim. Eph. 4:2-6) “Thinlung neemnak nei uh; tangdor le thinsau in um uh.
Duhdawtnak nan neihmi kha pakhat le pakhat nan zawi-eet thei awknak in langter uh. Thlarau in
a lo pekmi pumkhat sinak kha ṭunghmun dingah hmun khatih a lo ṭemkhawmtu ih remnak in
hmunter uh. Pathian in a lo kawh tikah a lo kawh sanmi ruahsannak cu pakhat a si vekin
ruangpum pakhat a um ih Thlarau khal pakhat a um. Bawi pakhat a um, rinnak pakhat a um,
baptisma pakhat a um. Pathian pakhat a um ih mi hmuahhmuah ih Pa a si. Amah cu ziang
hmuahhmuah ih tlunah Bawi a si; ziang hmuahhmuah sungin hna a ṭuan ih ziang hmuahhmuah

sungah a um.”Kol. 3:14,” Cule hibangtuk ziaza ṭha nan neihmi tlunah duhdawtnak beetcih uh;
ziangah tile duhdawtnak cu ziangtinkim famkim zetih a finkhawmtu le rem ṭhepṭhep ih a tuahtu
a si.”
Kawhhran member pakhat, Khrihfa diktak cun remdaihnak, rualremnak, duhdawtnak tipungtu
asi.
Relsiat thangsiat, lungawi lonak
Leitlunmi pawl nundan cu Paul in fiangtuk in a ngan, “Annih cu siatnak le ṭhat lonak a
phunphun, hamṭamnak le sualralnak a phunphun in an khat; nahsiiknak, mithahnak, sualawknak,
mi bumnak le depdet hrokhrawlnak tla in an khat. An kaa a tam ih, pakhat le pakhat an relsia aw.
Pathian mitkem zawng in an nung, an hngal, an puarthau, anmah le anmah an porh aw, ṭhat lonak
tuah dingah lamzin a phunphun an hawl, an nu le an pa thu an ngai lo; 31a ṭha le a sia thleidan
thiamnak thinlung an nei lo, an thukam mi an thlun dah lo ih midang hrang zaangfahnak le
zawnruahnak zianghman an nei lo.” ( Rome 1:29-31).  Kawhhran sung milesa lakah thangsiat
relsiat awknak hi Pathian in a zawi thei lo mi sualnak asi.
“Cuih meici bangtuk cu lei hi a si. Lei cu a ṭha lomi a si ih kan taksa sungah umnak hmun
a rak nei ih cutawk ihsin ṭhat lonak cun kan ruangpum zate-ah a hrawh thluh. Kan nunnak hri le
hram tiangin meisa in a ur ih cuih meisa cu hell hmun ihsin a thomi a si,” James 3:6.
Cuti asile ziangtin kan tuah ding? Pakhatnakah nangmah kha mi relsiat thangsiattu
va si dah hlah aw. A pahnihnakah, mi pakhatkhat in na hna theih ah midang a relsiat thangsiat
tikah napin kawk aw. Voksa bazar um dingin voksa leitu le voksa zuartu antuldan a bang aw asi.
Curuangah thangsiat relsiat awknak na ngaisak asile a reltu thawn nan danglam cuang lo.
I Peter. 3:10, “Thianghlim sungah,  “Nunnom a duhtu le caan ṭha a duhtu cun ṭongsia ih ṭong sup
sehla thuphan per nawn hlah seh” tiah a ti.
Nungsau thlawsuahmi siin  ning sunglawi leitlun ah hman na duh asile duhdawtnak in nung aw,
mi va relse hlah, na lei kha kilkhawi tha aw. Thusia tipungtu, huat awknak, rinhlelh awknak
tipungtu va si dah hlah. Remdaihnak tuahtu si aw. Lungrualnak suahtertu va siringring aw.
Ngaidamnak le Lungrualnak
Kawhhran sungah khat le khat ngaidam awk tawnnak um lo sehla kawhhran hi a dingcang thei lo
ding.
“Nan parah sualnak a tuahtu pawl nan ngaidam a si ahcun vancungih a ummi nan Pa in a
lo ngaidam ve ding. Sikhalsehla midang sualnak nan ngaidam lo a si ahcun nan sualnak cu nan
Pa in a lo ngaidam ve lo ding, (Mathai. 6:14-15). Kawhhran zapi ten a famkim lomi member le
pastor pawl hmangin Pathian in a dinmi asi. Khat le khat ngaidam awk tawnnak um loin
ziang kawhhran hman rei a daih thei lo ding. Kol.  3:12-14, “Nannih cu Pathian ih minung
nan si; a lo duhdawt hai ih amah ih hrangah a lo hriilmi nan si. Curuangah zawnruahnak,
zaangfah thinpemnak, tangdornak, thinlung nemnak le thinsaunak pawl cu hnipuan bangtuk in
hruk uh. Pakhat le pakhat karah thinlung hmuh-awk lonak le phunzainak a um ahcun pakhat le
pakhat zawi-awk theinak le ngaidamnak nei uh. Bawipa in a lo ngaidam vekin nannih tla pakhat
le pakhat ngaidam aw ve uh. Cule hibangtuk ziaza ṭha nan neihmi tlunah duhdawtnak beetcih uh;
ziangah tile duhdawtnak cu ziangtinkim famkim zetih a finkhawmtu le rem ṭhepṭhep ih a tuahtu
a si,”
Tiamkam 2.  Keimah cu kawhhran member ka si.
Keimah cu kawhhran rualrem tertu, lungrualnak tipungtu ka si ding. A famkim
pastor, kawhhran upa, member zohman an um lo ih keimah khal ka famkim lo asi. Relsiat
thangsiatnak ih hrampi, thusia phurtu, huat awknak, hmuhthiam awk lonak, rinhlelh awknak
tipungtu ka si lo ding. Ka tuah thei mi thupibik cu ka ti thei tawk, Pathian in i thlawsuah zatin

Thuthangtha ruangah ka thei tawk suah inka zuam
dingih kawhhran tungdingtu, kawhhran lungrual tertu ka si ding.
Sing and Date:
3.     Ka Kawhhran cu Keimai bulpak duhnak, ruahdan, pomdan, ngaiihdan in
umter ka tum dah lo ding.
Nauhak te pawl khi an kiangkap ziangkim cu anmai duhdan in umter an tum ringring.
Zumtu tampi cu cuvek an si theu.Kawhhran member na si ve ten nangmai duhnak, duhdan,
ruahdan, pomdan pawl cu na tanta zo. Midang rian dingin kawhhran memberna sinak asi. Zisu in
“Zokhal sisehla i thlun duh ahcun mah zawnruahnak kha tlansan sehla nitinte a thinglamtah phur
in i thlun she” Luke 9:23. Zisu dungthluntu pawl lakah zo a tumbik ding timi thu ah an rak buai
dah.  “Jesuh cu a to ih dungthluntu hleihnih a ko ih anhnenah, “A tum bik si a duhtu cu mi nauta
bik a si hmaisa ding ih mi hmuahhmuah riantu a si pei,” tiah a ti, Mark 9:35.
Siahhlawh lungput
Thuthlungthar sungah “siahhlawh” “Servant” timi tongfang voi 57 hman asi ih “rian”
“serve” timi tongfang voi 58 hman asi. Bible in in zirhmi cu khrihfa zapi ten “siahhlah” “sal”
kan si. Khrihfa lungput cu midang in ziang in tuahsak ding, upatnak in pek ding timi ruahnak a
tel lo, midang hrangah ziang ka tuah thei mi a um, Pathian in keimah hmangin zo hrangah
thatnak a tuah duh, midang hlawknak, thatnak, lungawinak cu mai lungawinak, duhdan, ruahdan,
le pomdan hnakin thupi sawn ah ret in nitin nun asi.
Eph. 3:7 ah Paul in “Thuthangtha sal (siahhlawh) ah tuah ka si” ati.
Khrihfa kawhhran member lungput diktak Bible in in zirhmi cu siahhlawh lungput, midang
lungawiter tu lungput asi.
Hliakhlainak ah hmuhsuahmi kawhhran member  pawl lungput dik lo hi zoh hnik!
Kawhhran tampi hliakhlai hnu ah mai hrang lawng a ruattu kawhhran sungah lungput
hmuhsuahmi pawl tla cu:
1. Pathian biakdan ah raal do aw aw (Worship war)
Pathian an biaknak ah an hmanmi hlabu, hla, music, hlarua dan, hlahruaitu, aw key, tvp, anmai
duhdan le nuam tidan in Patian biakdan neih ding thupibik ah an ruahmi asi. Pathian Thlarau
pawlkomnak in Pathian biaknak hnakin atlunlam thu pawlah an buai ringring.
2.     Meeting rei (Prolonged meetings)
Pathian Thuthangtha karhzai ter dingin evangelism, thlacamnak, rawngbawlnak ah tel ve
nak thu pawl an rel dah lo. Tuktak tete thu ah rei zetzet an el aw aw ih zo ih thu a lal sawn, atlang
sawn timi ah an buai ringring.
3.     Biak inn bungrua le thilri buaipi (facility focus)
Kawhhran sumpai tamsawn cu biak inn, biak inn sung bungrua, thilri le hmanrua pawl
ah an hmang.
4.     Program thupitter tuk (Program driven)
Program pawl hi hmanrua an si ti ah ruat loin program a hlawhtlinnak hi kawhrhan
rawngbawlnak hlawhtlinnak tawp ah an ruat.
5.     Mai sunglawngah sumpai hmang (inward focus budget)
Kawhhran lenglam ah sumpai an hmang mal tuk ih kawhhran sung kilkhawi awknak
hrangah kawhhran sumpaian hmang.
6.     Pastor hnenah lungkim dah lo phutmi nei ringring
Tul poimawh ah pastor cu hnemtu le thlacamsaktu ding asi. Asinan kawhhran sungtel
hrekkhat cun thu tenau khalah pastor an phut ringring ih ziangtik hmanah pastor parah

lungkim diriam ti an nei dah lo, phunzainak an nei ringring. Kawhhrain tul pawimawh
ngaisak hlehle mi si ding an duh.
7.     Ka covo asi ti lungput
Kawhhran member sinak cu mai covo vekin ruat tahratin kawhhran hnen ihsin nah ding, co
ding, hlawknak le upatnak ngah lo tikah phunzai ringring.
8.     Khrih Thuthangtha karhzainak hnakin ngai pawimawh mi nei ringring
Khrih Thuthangtha karhzainak, kawhhran milesa thutakah an thansohnak hnakin thudang
thupi sawn ah retin ngai pawimawh ringring.
9.     Huat awknak le thinhengnnak
Kawhhran member pawl ziangtik lai khalah phunzainak an nei ringring. Khat le khat rem
awk lonak, huatnak annei ih an ngiar aw ringring.
10.  Thuthangtha simsuaklo.
Mi malte lawngin an zumnak le rundamnak an comi thu midang hnenah an simsuak. Leitlun
le community ah Thuthangtha karhzainak hnakin anmai tulhai, pawimawh cu thupi sawn
ah an ret ringring.
Bible in in zirhmi kawhhran member sinak cu siahhlawh, midang riantu asi. Pek awknak
asi. Midang kha pakhat nak, thupisawn ah ret ringring lungput asi.
Khrih ih lungput:
Khrih member pawl lungput diktak cu Phi 2:5-11 ah in sim. “Nan lungputdan cu Khrih ih
lungput vek siseh” tiah in zirh.
Khrih cun:
      Pathian sinak nei nacingin amai hrang hlawknak hminthatnak ruatin amahle mah
Pathian thawn bang aw ah a ret aw dah lo;
      Amah le mah a lawng aw ter ih sal dinhmun in a rungpiang
      Tang a dor
      Thihtiang thu a lung.
Philipian bung 2 nak ah nganmi pawl hi zumtu, khrihfa, kawhhran member pawl lungput a ngan
mi asi.
Tiamkam 3: Kawhhran member ka si.
Ka kawhhran cu keimah bulpak duhdan, ngaidan, ruahdan, hlawknak hrangah ka ruat dah lo
ding. Cuvek lungput cu mai hrang ruat asi.Kawhhran member ka sinak cu Khrih rian in midang
rian ding in ka si. Keimah run dingah Zisu cu Kross parah thihnak a tuar. Kaduhdan, ruahdan,
ngaihdan asi lo mi kawhhran sungah thilcang mi pawl cu lungawi sopar ten
Khrih ka duhdawtnak ruangah ka pomrem thei asi.
Sign/Date.
4.     Kawhhran Hruaitu Hrangah Thla Ka Cam ding.
Voikhat cu Tlawngkai ni zinglam asi. Pastor Mike cu cawlhni hrang sermon timtuah
dingin cabuai parah a to ih thla a cam. Cule veten phone  a on, kawhhran upa pakhat le a insang
accident an tawng ti asi. Cabuai parah a Bible le Ballpen cu ten in accident nak hmun afeh.
Accident ah pastor pa ih rualpi tha bik a thi. Sizungah a dasun a fehpi hai ih thla a camsak, nahzi
3 sung an rei hnu ah a fehsan ih office ah a fehsal. Lamzin parah fast-food lei phah in motor
sungah a ei phah. Office ah mi pahnih in an rak hngak. Pakhat cu music leader asi ih ministry ah
harsatnak ruangah a cawlhsan ding thu a sim. Nahzi pahnih sung a thu a ngaisak hnu ah thaten
thazang a pekta. A dang pakhat cu kawhhran upa pakhat asi. A nupi thawn

buainak an nei, an nupi in ngaizawng a nei. Thinna zetin a sim. Tikcu reizet a thu a ngaisak ih
thla a camsak. Zanlan nahzi 5 asi zo. Inn ah tlungin cabuai parah cawlhni sermon ding cu zoh sal
dingin a timtuah. Email a ong tikah mail thar a lut. Kawhhran member pakhat in email thawn ca
a kuatih lungawilonak thu pahnih a ngan. Sizungah kan sungkhat damlo in veh lo ti asi. Pastor
Mike cu a bang tuk. Inn ihsin asuaksal ih accident tawngte a va zohsal. 7:30PM ah a tlungsal
tengteng a tul, hmundang ah feh in thlacamsak tul mi aum. Zan tlai hnu ah inn a thleng. Inn a
thlen tikah a study room sungah a lut in sangka a khar. Thla a cam ih a tap.
Churchleaders.com in asimdan vek asile thlatin pastor 1,700
in an rawngbawlnak an colhsan. The Francis Schaeffer Institute of Church Leadership
Development in a simdan vek asile 35-40% rawngbawltu pawl hi rawngbawl an thawk pek ihisin
kum 5 tiang an daih lo. 60-80 % pawl cu kum 10 hnu ah Pathian rawngbawl an sunzawm nawn
lo, ti asi.
Pastor le kawhhran hruaitu pawl hrangah thlacam
Pastor hi kawhhran hruaitu asi vekin thlarau lam ralbawi asi. Satan in hnaihnok nak a
phunphun, thanaunak, dungtawlh dingin a phunphun in a hnaihnok asi. Kawhhran member pawl
thlacamsaknak a tulbiktu asi.
A tha bik in thuthluknak tuah thiam ding, rualran ten duhdawtnak a tlaitluan in Thlarau
Thianghlim lamhruai nak hrangah Pathian hnenah thlaza camsak ding asi.
Pastor insang hrangah thlacamsak
Kawhhran tul pawimawh ruangah voi tampi pastor in a insang kilkhawi a thlahdah pang
thei. Kawhhran hruaitu cu I Tim. 3:5 vekin amai insung kilkhawi thei tu, thutak ah hruai thei tu
asi ding. Voi tampi cu kawhhran sung tulnak ruangah pastor pawlin anmai insang an ngaihthah
theu asi.
Humhimnak hrang thla camsak: I Tim 3:2-4, ah a sim vekin kawhhran hruaitu cu soisel
ding umlo ding asi. Cuvek si thei dingin Thlarau Thianghlim in a luahkhat camcin as tul asi.
Pastor cu amai insang, kawhhran mipi le kawhhran lenglam mi pawl tiangin an upat tlak mi asi
ding ( I Tim. 3) ti asi tikah cuvek milai tlingtlak an um pei maw? Satan cu milai hnakin a
caksawn. Asinan pathian cu satan hnakin a caksawn. Curuangah Pathian humhimnak hrangah
thlacamsak ringring pastor in a tul asi.
Pastor tampi an rawngbawlnak an bansan nak cu thanaunak, beidawnnak ruangah asi.
Thanau lo ten, mawhsiatnak lak le satan thlemnak a phunphun lak ihsin Bawipa Pathian duhnak
rian thei dingin
Tiamkam 4: Kawhhran member ka si.
Ka pastor hrangah nitin thla ka cam ding. Pastor hrangah hnatuan cem ti a um lo. Thanaunak le
thabang tertu a phunphun a tawng ve ringring asi. Soiseltu lak ah nung in hruaitu tha, pa tha asi
a tul. Pastor pa in amai huham caknak in ziangkim a tuah thei lo ruangah Pathian in huham
cahnak le fimnak thawn a thuam ringring theinak ding hrangah thlaza ka camsak ding asi.

Tiamkam 5. “Ka Insang cu a hardammi Kawhhran Member si dingin ka kaihruai ding
Na mit sungih thingtum hman poisa loin na unau mit sungih mithnawm fate kha ziangah
so na poisat? Na mit sungah thingtum a um nacingin ziangtinso na unau cu ‘Na mithnawm ka lo
coihsak ding,’ tiih na ti thei? Mititer aw pa! Na mit sungih thingtum kha suah hmaisata awla
cuticun na unau mit sungih mithnawm cu fiangtein na hmu thei ding ih na coihsak thei ding”
Mathai 7:3-5. Pastor famkiman um lo, kawhhran member famkim an um lo. Khrih vek cekci

bangnak nei thei zohman hi lei taksa thawn kan nei thei dah lo ding. Insang hi kawhhran sung
pehtlaih awknak tahthimnak vekin Bible sungah ngan asi.
Sing/Date

Kawhhran le insang: Eph. 5:22-26 ah nupipawl pasal thuhnuei ah tuhlut awk ding thu a
sim. Cang 32-33 ah pasal pawlin nupi a duhdawt ding thu a simih nupi pawlin pasal an upat ding
thu a sim. Eph. 6:1-4 ah fale pawlin nulepa thu an nai tulzia pawl a si. Nulepa in fale pawl
lungtawp ter lo ding thu pawl a sim. Insang a harhdam tik lawngah a
harhdammi kawhhran member si a theih asi. Insang ah thlacam in thlarau nun harhdam mi si thei
dingin nitin nunpi theitu si a thupi.
Insang in kawhhrang hrang thlacam
Insang ciar in mai umnak kawhhran hrangah thlacam ding asi.. humhimnak hrangah,
dingfelnak hrangah, Thutak simsuahnak hrangah, kawhhran insang ciar hrangah, thazang peknak
hrangah, taksa harhdamnak, kaihruai awknak ah fimnak, thleidan thiamnak hrangah thlaza
camsak ringring ding asi.

Insang in Pathian thangthat tlang
Nupi pasal, fate nei poh in mai insungsang zapi ten insang Pathian biaknak neih ringring
ding asi. Insang ah Pathian thangthatnak nei in kawhhran ah bawmtu, taunt, tungdingtu le
midang thapetu, siahhlawh tha si dingin zirh awknak, nunpi ding asi.
Khrih ih monu duh ding
Kawhhran cu Khrih ih monu asi, Khrih cu mopa asi.
Zianghman phutmi nei loin kawhhran, Khrih ih mo cu duhdawtnak asi. A dik le a fel mi
cu duhdawtnak a awl ding nan a santlai lo le a fel lo mi cu duhdawt thiam a har
theu. Kawhhran cu leitlun a um sungah famkim lonak tete a nei ringring ding. Sikhal sehla Khrih
in a duhdawt zet ih a mai thisen in a leimi kawhhran cu zumtu pakhat cu duhdawt tuk ding asi.
Cutin ka insang cu kawhhran duhdawtbiktu, tlaihsantu, tungdingtu, bawmtu
tha si dingin ka kaihruai ding asi.

Tiamkam 5. Keimah cu kawhhran member ka si.
Ka insang pawl cu kawhhran member tha si dingin ka kaihruai ding. Kan insang
in kawhhran hrangah thla kan cam ding. Biak inn ah kan insungsang zapi ten Pathian kan be
tlang ding. Kawhhran ah kan insungsang zapi ten Pathian kan rian tlang ding. Zisu Khrih in a
duhdawt ih amai nunnak thing kross parah a pek hnawhsan mi kawhhran cu duhdawt zettu si thei
dingin Pathian bawmnak kan dil ding.
Sign/Date.

6.     Kawhhran member ka si nak cu Bible ih zirh vekin peknak in langtertu ka si ding.
Kawhhran rawngbawlnak, biak inn saknak le kilkhawinak, zumtu unau pawlkomnak, Pathian
biaknak le kawhhran cangvaihnak hrang sumpai thawn kei le ka insang kan tel ve ding.
“Biakinn ah nan ṭhenhra ṭhenkhat cu kimtein rak keng uhla rawl tampi a um ding. I hniksak hnik
uh, vancung sangka pawl ka ong ding ih nan hrangah thil ṭha a phunphun ka run burh ding,’
(Malakhi 3:10). “Ṭhenhra ṭhenkhat cu nan pek ding hrimhrim a si” (Mathai 23:23). “Zozo khal a
thinlung a ṭhencat ngah hnuah pe seh; sir awknak thawn pe hlah seh; ka ṭuanvo a si, ti khalin pe
hlah seh. Lungawi aipuangte ih a petu lawng Pathian in a duh a si. 8Cule Pathian cu nan ṭulmi

hnakih hlei in a lo pe theitu a si ih nan hrangih a ṭulmi poh khopkhamin nan nei ding ih thil ṭha
nan tuahmi parah a hlei in nan ngah ding,” (2 Kor. 9:7-8).
Tiamkam 6: Keimah cu kawhhran member ka si.
Kawhhran member ka si vekin thenhra thenkhat siseh kawhhranpi in pek ding tiah lungkim
tlangmi siseh Pathian Thlarau ih hruainak vekin Pathian in i pekmi sumpaisung ihsin kawhhran
ah Pahtian uknak karhzainak hrang ka pe ding asi.
7. Kawhhran member sinak cu laksawng sunglawi vekin ka ret ding.
Tahthimnakah: johny cu amai ihnak room thianfai dingin ka fial ih hnawmbal pakhat hman
hmuh ding um loin ret ringring ah ka fial. Midang pakhat in Johny hnenah laksawng sunglawi
tha zet pakhat a rak pek. Johny in fialcawp in a tuahmi cu dan vekin a tuahmi asi. Laksawng
sunglawi a cohlang tikah dan vekin si loin lungawinak phurnak thawn a lak ding asi.
A hmaisa tathimnak vekin kawhhran member situ cun kawhhran member sinak in a phutmi pawl
cu dan vekin an tuah theu men asi. A phnihnak ah laksawng covo la tu cu lungawi sopar ten a lak
in a phur zet ding asi. Club membership pe in member asi tu pa cun club cu amai duhnak vekin
hman ding, amai duhnak ngah nak hrangah asi. Asinan
club membership vekin kawhhran member sinak neitu pawl cun kawhhran hnen
ihsin an ngahmi, an duhdan le lungawi zawng asi mi pawl parah an hngat aw. Anmah in an ngah
ding hrimhrim ahan ruat aw ih kawhhran hrangah ziang ka tuansuak mi asi ve ding timi
hnakin kawhhran in ka hrangah ziang  I pek thei ding, ziang kahlawkpi ding timi lawng an zoh
asi.
Bible in kawhhran member sinak in zirhmi le simfiang mi cu club member sinak vek asilo,
laksawng co tu sinak asi. Mi zokhal ansual theh (Rome 3:23) ih thi ding lawnglawng kan si theh
(Rome 6:23). Cutin sualnak nei lo Pathian Fapa cu kan ai awh tuar in a thih. A thihnak ruangah
rundam kan si (II Kor. 5:21). Cutin sualsir in Khrih ah kirsal ding kan si (Tirh 3:19). Cutin
Pathian zangfahnak zumnak in khrih ah rundam mi kan si (Eph. 2:8). Cutin Pathian zangfah
lainatnak laksawng kan co mi ruangah kawhhran sungtel kan si theinak asi ( I Kor. 12:27-28).
Khrih ih ruangpum pehzawm, taksa peng pakhat ka si venak cu Pathian laksawng pekmi asi.
Kawhhran hi milai le milai cawimawi awknak, mai duhnak tuah famkimnak, milai
diriamnak hawlnak hmun asilo. Pathian in amai zangfah lainatnak ruangah in rundamnak
laksawng kan comi sungah kawhhran member sinak khal a tel cihmi asi sawn.
Dungthluntu pawlin a tumbiksi an duh ih thu an el awk rero khal Zisu in a theih
tikah an lungput tenumza cu a sim fiang hai (Mat. 20:25-28). Curuangah an zatein Jesuh in a ko
khawm ih, “Nan theih vekin leilung tlunih uktu pawl cun an ukmi pawl kha an lal-hnawh hai ih
hotu pawl khal in thu an nei ngaingai. Asinain nannih lakah cun cu bangtuk cu si hlah seh.
Nanmah lakah pakhat khat in mi dang hnakih thupit a duh ahcun midang pawlih hnen-um a ṭuan
a ṭul; nanmah lakah pakhat khat in hmaisa bik si a duh a sile nan sal a sihmaisa a ṭul. 28Milai
Fapa cu rianmi si loin mi riantu si dingah le mi tampi tlen dingah a nunnak pe dingin a ra a si,”
tiah a ti.
Keimai covo asi ti ruahnak lungput neitu member pawl cun cumi khami tiah an mai
duhnak a famkim mi siseh famkim lo mi thu ah siseh an au ring zet theu asi. Cule kanmai duhdan
in thil a feh lo tikah kan phunzai, akn aihram theu. Asinan kan nunnak neitu, Khrih Zisu ah in
rundamnak, a lak in in pekmi rundamnak laksawng kan comi
ruangah kawhhran member kan si thei thuhram ihsin zoh thawk tikah lungput danglam pi a
thleng aw asi. Keimah in ka phu ve hrimhrim timi lungput  ahlo theh. A nepbik cotu,

netabik si duhnak lungput  in neither ih midang hmaisa sawn ah fehter, coter, thatter duhnak
lungput thawn midang rian duhnak thinlung in kan khat sawn asi.
Kawhhran member sinak hi kan phu lo mi Pathian pekmi laksawng sunglawi asi. Asinak vekin
urhsun zetin sunloih uhsi.
Tiamkam 6. Kawhhran member ka si.
Kawhhran member ka sinak cu laksawng asi. Alak in Pathian pekmi laksawng sunglawi
rundamnak laksawng ka co tikah Khrih ih ruangpum asimi kawhhran sungtel sinak khal ka co
cihmi asi. Local kawhhran member ka sivekin tihnimmi ka si. A tu
ahcunkawhhran member pawl lungawi sopar ten duhdawtnak in rian ding
lawng ka ruat. Kawhhran member ka sinak cu ka phu hrimhrim ruangah si loin a sunglawi tuk mi
Pathian laksawng asi ih midang rian ding ka si.
Sign/Date.

Thuhram: Thom S. Rainer, “I a church member”.
lettu: Hre Mang

DEACONS

DEACON LEADERSHIP ROLE

Kawhhran sung hantuantu, pastor, bishop, overseers, elders, le deacon, an zaten Bible thuhrampi
“Renmi siloin riantu” (Mathai 20:28) si dingah timi Bawi Jesuh amah ih thu zirhnak parah a
hngat aw mi asi. Ziangvek tuanvo le dinhmun in kawhhran sungah Pathian kan rian khal asile
kan zaten hnen-um kan tuan dingmi tuan, Pathian in in fialmi tuahtu lawng kan si ringring.
“Cuvek thotho in nanmah par khal ah a si ve: tuah uh, tiih an lo timi nan tuah ṭheh tikah ‘Kannih
cu lom tlak lo hnen-um men kan si. Kan ṭuanvo a ṭuantu lawng kan si,’ tiah ti uh,” tiah a sim,
(Luke 7:10).
I Tim. 3:8-13; Tirh 6:1-7, Phil 1:1.
Kawhhran kaihhruai awknak ah hnatuan, tuanvo zem awk lo theih asilo. Zumtu khrihfa pawl cu
bulpak in um loin pawlkom in um dingin retkhawmmi kan si fawn. Cutikah zo in ziangvek
tuanvo a nei, ziangtin tuanvo neitu hril, tuanvo pek an si, ziangvek sinak an neih a tul, tvp pawl
Bible vekin theihfeng tengteng tulmi asi. Kawhhran sungah abik takin protestant kawhhran pawl
in pastor, kawhhran upa (elders) le deacon hi kawhhran hhnatuantu laireltu ah hman an si.
Bible in a zirhmi lakah “deacon” le “elder” timi thu pahnih dinhmun asimmi mi tampi in kan
theih sual ruangah kan tuanvo le thuneihnak ah kan buai phah theu. “Elder” laitong in “kawhhran
upa” kan ti mi le “deacon” lai tongin “kawhhran upa” tiah kan kawh thotho mi hi “deacon” cu
ziang asi ih “elder” cu ziang asi, ziang an hnatuan asi, ti hi fiang ten thleidan thiam a thupi.
Deacon pawl cu elders (I Tim 3:2) pawl vekin zirhnak lamah lotheihlo in neihtul mi ah a telh lo.
Thuthlungthar sungah deacon tiah a hnuailam pawl ih hnatuan tla a ngan,Timothy (1 Thes 3:2; 1
Tm 4:6), Tychicus (Col 4:7), Epaphras (Col 1:7), Paul (1 Cor 3:5) le Jesuh Christ (Rom 15:8,
“servant”) pawl hi an tuanmi simfiangnak ah “deacon” timi tonghman hman asi. Deacon timi hi
thuneihnak asi dah lo ih hnatuan, servant siahlawh hnatuan tiah Bible sungah ngan mi asi.
Bible in “elders” le “deacon” hnatuan in fiangten a hran in a sim. “Elder” “Kawhhran upa” tiah
Bible in a sim theu mi (Tirh 20:17, 28; I Tim. 3:2, 5:17; Titus 1:9; Heb 13:17; James 5:14; Ephe.
4:11, tvp) pawl hi pastor, lole overseers, bishop dinhmun le hnatuan pawl thu a simmi asi.
Deacon thu a simnak hi Tirh 6:1-6; I Tim 3:8-13 pawl hi a sibik.
Kawhhran sungah deacon ziangzat an si ding ziangtin hril an si timi Bible in fiang puppi in a sim
lo ruangah kawhhran pawl pakhat le pakhat hmandan a bang aw lo. A fiang mi cu Tirh 6:1-7 kan
zoh asile deacon pakhat hnakih tam an si ih an hril tikah local kawhhran milesa pawl an tel ti a
fiang.
Cumi lakah kawhhran deacon hnatuan hi ziangvek ciah asi timi Bible in in zirh vekin a hnuailam
vekin zoh uhsi.

I. “DEACON” TONGKAM HMANNAK
1. Word study : Deacon, Deaconess.

“In Greek writings “deacon” described a waiter, a messenger, a steward, and a servant” Ryrie.
“Deacon” timi cu “siahhlawh” lole “riantu” “hnen-um”, hnatuantu thu simnak ah hmanmi
tongfang asi. Thuthlungthar sungah biaknak lamah siseh leiltun khawtlang nun ah siseh “deacon”
timi cu hnatuantu, siahhlawh, hnen-um, riantu hnatuan simfiang nakah hmanmi tongkam asi.
Gk. diákonos timi tongfang hi khrihfa hmaisa pawlin “servant” lole “minister” ti ah an rak
hmanmi asi ih dungthluntu pawl san ihsin “deacon” tiah an hmang lan vivo. (Matt. 20:26; 22:13;
23:11; Mark 9:35; 10:43; waiter, “cabuai thu,” “hnen-um” cf. John 2:5, 9; Acts 6:2) Paul in amai
thu asim tikah siseh Jesuh thu a sim tikah siseh an tuanmi simfiangnakah tongfang a hmang theu:
servant or minister (1 Cor. 3:5; Eph. 6:21; Col. 4:7); servant of the gospel (Eph. 3:7; Col. 1:23);
servant of the church (Col. 1:25); servant of the new covenant (2 Cor. 3:6); servant of God (6:4);
servant of Christ (11:23; Col. 1:7; cf. John 12:26; 1 Tim. 4:6); and servant of righteousness (2
Cor. 11:15). Paul in Jesuh Khrih tla “servant” tiah a kawhnak ah tongfang a hmang (Rom. 15:8;
cf. Gal. 2:17). Paul in cozah hnatuan pawl thu simnak ah tla “deacon” timi “servant” “siah
hlawh” timi tongkam a hmang (Rome 13:4).
Leitlun sakhua nak pawl khalin an rak hman tikah an puithiam pawl ih fialmi, tirhfung pawl,
sakhua puai tuah tikah hnatuantu, rawl zemtu, rawl suang, khual hmuak, cabuai le tohkham
kil/remtu pawl, hnatuantu pawl kha “deacon” tiah an kawhmi asi. Mathai 23:11 “Nan lakah a
tumbik cu nan zaten sal (siahhlawh) asi ding” tiah Jesuh in in sim vekin “deacon” cu “kawhhran
sungah siahhlawh riantu sinak tuanvo kaitu asi.

2. “Deacon” timi tongfang hman hram thoknak pawl

A hnuailam palw hi Bible sungah “Deacon” timi an rak hman hram thoknak pawl asi.
1) “Hnen-um” “cabuai kil” “waiter” (John 2:5,9) (mopuai ah Jesuh in tidai wine ah a canter
tumah hnatuantu –hnen-um); c5. A nu cun hnen-um pawl hnenah, “A lo simmi poh tuah
uh,” tiah a ti. c9. Cuih tidai cu Sabitti ah a cang ih cumi cu a tep. Khuitawkin cuih Sabitti
cu a ra ti a thei lo; tidai a suaktu hnen-um pawl cun an thei ko. Curuangah nupi ṭhitu pa
cu a ko ih,
2) siangpahrang hnen-um (Matha. 22:13); . 13Cule Siangpahrang in a hnen-um pawl kha,
‘A kutke ṭem uhla khawleng thimnak ah hlon uh. Cutawkah ṭap raak le hacang rial in a
um ding,’ a ti,” tiah a sim.
3) Satan ih hnatuantu (Satan deacon)–hnen-um (2 Kor. 11”15), 15Curuangah Satan
hnaṭuantu a hnen-um pawl khal in dingnak hnaṭuantu pawl vekin an tuah awkter a si khal
le an hrangah thil olte a si. A netnak ah cun an hnaṭuan daan vekin an tuar leh ko ding.
4) Jesuh Khrih ih hnatuantu- (2 Kor. 11:23); 23Khrih riantu an si maw? Kei hi mi aa ka
bang, a sinain thungaite in annih hnak cun Khrih riantu ṭha ka si sawn. Annih hnakin ka
hnaṭuan a khung sawn; voi tam sawn thawng thlakmi ka si; voi tam sawn vuak ka tong,
cule voi tampi thi dok nungngaan in ka tuar.

5) Hnen-um: Mathai 23:11. Nanmah lakih a tum bik mi cu nan hnen-um a si ding.
6) Siahhlawh (Tirh 6:2), 2Curuangah tirhthlah hleihnih pawl in zumtu pawl hmuahhmuah cu
hmun khatah an kokhawm ih, “Tangka thuhla tawlrelnak (to serve tables) ah Pathian
thusim kan daithlang a si ahcun a dik lo ding.
7) Pathian ih hnatuantu (2 Kor. 6:4); Thinlung sau zetin hnaihnawhnak, zinfetnak le
harsatnak a phunphun kan tuar ih cuticun Pathian riantu kan sinak kan langter a si.
8) Kawhhran ah hnatuantu (Kol. 1:24, 25). 24Nan hrangah harsatnak ka tuarmi pawl
ruangah hin lungawinak ka nei; ziangah tile ka taksa-ih ka tonmi tuarnak ruangah Khrih
in a ruangpum a si mi Kawhhran ai ah tuarnak a tonmi kha ka kimter ve a si. 25Kei cu
Pathian in Kawhhran hnaṭuantu ah i tuah zo. Hi hnaṭuan i pekmi cu nanmah ih
ṭhathnemnak dingah a si.
9) Cun cozah hnatuan pawl (Rome 13:4) , ziangah tile nangmah ih ṭhatnak tuahtu dingah
Pathian ih siahhlawh a si. Sikhalsehla a ṭha lomi na tuah ahcun thuneitu cu va ṭih aw;
ziangah tile mi hrem theinak a nei taktak a si. Amah cu Pathian ih siahhlawh a si ruangah
thil ṭha lo a tuahtu pawl parah Pathian ih hremnak a thleng suaktertu a si.
Hipawl pawl hi “deacon” tiah an kawhmi Bible sungah ngan khummi asi.

II. DEACON sinak
Deacon pawl sinak cu Bivble in (1 Tim. 3:8–10, 12–13) asim vekin bulpak sinak, zumnak
thupom, thlarau mi sinak cekfelmi, insang dinhmun pawl parah hngat in Bible in a sim. Tirh 6:1-
6, Deacon cu thlarau pitling nun nei asi ding: Thlarau Thianghlim luahkhatmi, vanlam fimnak in
a khatmi, zumnak ah rinsantlak zumnak neitu asi ding thu a sim.
1Caan malte a rei deuh tikah dungthluntu pawl an tam vivo ih Judah mi pawl le Grik ṭong in a
ṭongtu Judah mi pawl karlak ah thubuai a um. Grik ṭong a hmangtu Judah mi pawl in nitin a
ṭulmi leinak ih tangka zem tikah an nuhmei pawl in an co ding zat an co lo a si, tiah thu a
um. 2Curuangah tirhthlah hleihnih pawl in zumtu pawl hmuahhmuah cu hmun khatah an
kokhawm ih, “Tangka thuhla tawlrelnak ah Pathian thusim kan daithlang a si ahcun a dik lo
ding. 3Curuangah u le nau pawl, nanmah lakah Thlarau Thianghlim le fimnak in a khatmi mi
pasarih hriil uhla anmah pawl cu hi thuhla tawlreltu ah kan ret ding. 4Kannih cu kan tikcu zatein
thlacamnak le thusimnak ah kan hmang ding,” tiah an ti.5Tirhthlah hleihnih pawlih ruahnak an
suahpi mi parah an zatein an lung a awi ih cuticun zumnak le Thlarau Thianghlim in a khatmi
Stefen, Filip, Prokhoras, Nikanor, Timon, Parmenas, le Antiok khua ihsin Judah biaknak ih a
luttu Zentail mi Nikolaus tla an hriil. 6An pasarih in tirhthlah pawl hnenah an fehpi ih tirhthlah
pawl in an lu parah an kut an suang ih thla an cam sak.
I Tim. 3:8-13; Tirh 2:4, 6:3; Ephe. 5:18
1) Deacon cu thlarau in a khat mi (Tirh 2:4, 6:3), cutin thlarau in khat sunzawmmi (Eph.
5:18) asi ding.
2) Upat tlak ( I Tim.3:8). Deacon cu kawhhran upa vek thotho “upattlak” ( I Tim.3:2, Tirh
6;3), hminsiatnak neilo mi a si dingmi asi.

3) Lailan mi, hrawkhrawl lo (not double-tongue) (c8). Tongkam thleng hniaihniai lo mi, mi
pakhat hnenah a simmi siseh mipi hmaiah a simmi le midang bulpak hmai khalah a
simmi bang aw ringring mi, tongkam thianghlim ten tong theutu asi ding.
4) Zu rit hmang lo (c8). Zurit hmang hrimhrim cu deacon hnatuan tuanter asile Bible kalh
asi.
5) Diklo in sumpai ngahnak hmang lo (c8). Sumpai thu ah duh am asilo ding.
6) Pathian thutak hnget zetin zumtu nunpitu (c9). Thinlung thenhnih aw zetin Pathian thutak
zumnak thurin ah dinghngettu asi hrimhrim ding.
7) Soiselnak um lo mi (c10). Deacon cu tuantlak asile silo hniksak, Bible tehfung thawn teh
hmaisak mi, Bible thurin kalh zawngin a nung lo ih Bible thu vekin a nundan asi ti fiah
hmaisak hnu ah soisel ding um lo asi a tul.
8) Nupi pakhat ih pasal (c12). Nupi pakhat nei asi ding, timi thuah a neih lai mi ah nupi
pakhat lawng neimi asi ding tiah sim duhnak si in a lang.
9) Mai insang fingkhawi thei tu (c12). Mai insang Pathian thu thawn kilkhawi fingkhawitu
asi hrimhrim ding.
10) Pathian mi nupi: (c11) Pathian tihzah nupi a nei dingih a nupi cu mi relsiat hmanglo, tong
tamlo, thintawi lo, zaingkim ah mifel rin um asi ding.
I Tim. 3:8-11, 8Kawhhran Upa pawl cu ziaza ṭha a neimi le ṭong tam lo thinlung tluangtlammi
si haiseh. Zu in le tangka a duh tukmi an si lo pei. 9Pathian ih a run phuanmi thutak kha a
siaṭha thleidannak thinlung thiangte in hngette ih a pomtu an si ding. 10Upa ṭuan a duh pawl cu
hniksak hmaisa an si pei ih soiselnak um lo an si le an ṭuan pei. 11An nupi khal  *  ziaza ṭhami
an si ding ih mi relsia ih ṭong tammi an si lo pei. Zu in lomi an si ding ih ziangtinkim ah mifel
an si ding. 12Kawhhran Upa cu nupi pakhat lawng a neitu  *  a si ding ih a innsaang le a faate
pawl ṭhatein a uk theitu a si ding. 13An hnaṭuan felteih a ṭuan theitu upa cu upat an co ih Khrih
Jesuh an zumnak thu kha ralṭha zetin an phuang ngam a si.

III. DEACON HNATUAN
1. Bible thuhram. TIRH. 6:1-6 ah sim vekin Pastor (Aposltes) pawlin Pathian Thuthangtha
simnak hrangah an tikcu can an pek thei nak ding hrang ah kawhhran sung tuantul mi
hnatuantu siahhlawh an si.
1Caan malte a rei deuh tikah dungthluntu pawl an tam vivo ih Judah mi pawl le Grik ṭong in a
ṭongtu Judah mi pawl karlak ah thubuai a um. Grik ṭong a hmangtu Judah mi pawl in nitin a
ṭulmi leinak ih tangka zem tikah an nuhmei pawl in an co ding zat an co lo a si, tiah thu a
um. 2Curuangah tirhthlah hleihnih pawl in zumtu pawl hmuahhmuah cu hmun khatah an
kokhawm ih, “Tangka thuhla tawlrelnak ah Pathian thusim kan daithlang a si ahcun a dik lo
ding. 3Curuangah u le nau pawl, nanmah lakah Thlarau Thianghlim le fimnak in a khatmi mi
pasarih hriil uhla anmah pawl cu hi thuhla tawlreltu ah kan ret ding. 4Kannih cu kan tikcu zatein
thlacamnak le thusimnak ah kan hmang ding,” tiah an ti. 5Tirhthlah hleihnih pawlih ruahnak an
suahpi mi parah an zatein an lung a awi ih cuticun zumnak le Thlarau Thianghlim in a khatmi
Stefen, Filip, Prokhoras, Nikanor, Timon, Parmenas, le Antiok khua ihsin Judah biaknak ih a

luttu Zentail mi Nikolaus tla an hriil. 6An pasarih in tirhthlah pawl hnenah an fehpi ih tirhthlah
pawl in an lu parah an kut an suang ih thla an cam sak.
A tawizawngin sim asile deacon pawl cu local church ah pastor bawmtu an si.
2. Deacon hnatuan
i) Kawhhran sung rawngbawlnak ah pastor bawmtu
ii) Kawhhran tumtah tuansuak dingin riantu
iii) Zumtu zumlotu hnenah Thuthangtha karhzai nak hrang pumpe in rawngbawltu
iv) Kawhhran members le community sungah mipi pawl riantu
v) Peknak ah kawhhran in peknak thuthlung a neihvekin rin um ten pe tu
vi) Local church program pawl ah thlacamnak thapetu, tuanvo latu, teltu
vii) Kawhhran sung damlo, tulsam, le harsatnak nei pawl vehvaih in bawmtu
viii) Kawhhran mithar le lungawi riahsiat theihpi in atuldan in riantu
ix) Deacon thlatin, church board, general meeting le mah le telnak dept. meeting kai
x) Pastor in kawhhran sung hnatuan a tul timi pawl bawm dingin pumpe tu
xi) Zarhkhat sung deacon tuanvo pekmi pawl tuantu
xii) Kawhhran thilleri, biak inn bungrua fingkhawitu asi ding.
xiii) Sumpai thu ah kawhhran upa (pastor) ih fingkhawinak hnuai ah nitin hman tul pawl
tawlreltu asi ding.
xiv) Ushers: Kawhhran khawm tikah bulletin zem, khual hmuak, khawmkil, khawm le
kawhhran program ah riantu asi ding.
xv) Kawhhran pastors in Bible zirnak, Pathian thu thawn kawhhran kaihhruainak ah
deacon cu bawmtu si in pumpe aw tu asi ding.

IV. DEACON ORDINATION
Kawhhran lungkimnak in deacon hi ordain pek theih asi. Kawhhran hrek khat ahcun “ordain”
tiloin “dedication” thlacam saknak in apnak thawn deacon hnatuan tuanvo pek an si theu.
Deacon ordain pek tikah I Tim. 3:10 ah asim vekin hniksak hmaisak hnu lawngah tuah ding asi.
Deacon ordain hlanah thusutnak a san tul mi pawl:
A hnuailam thusuhnak pawl Bible vekin siseh nangmah lungput le hmuhtawnmi vekin sang aw.
1) Jesuh Khrih cu nangmah bulpak rundamtu, Bawi le Lal, Rundamtu ah na co hlang zo
maw? Hrinthar na si maw? (John 3:3-6)
2) Pathian Thu (Bible) hi ziangtin na pom? ( II Tim. 3:16, II Peter 1:20)
3) Rundamnak a hlo thei maw, thei lo? ( Eph. 2:8; John 3:16; I John 5:11-13)
4) Kawhhran ih mission, tumtah ziang asi? (Mathai 16:18; Evangelism, Mathai. 28:18-20;
ministry Eph. 4:12-13; II Kor. 5:11-21)
5) Thlarau in khat, thlarau rah timi ziangtin na thei? ( Eph. 5:18; Kal. 5:22-25)
6) Thlarau raldonak ziangtin na thei? (Eph. 6:10-18)

7) Na umnak kawhhran sungah dikten rin um ten Bible in pek ding mawi atimi, le na umnak
kawhhran in peknak in peksuah ding atimi na pe maw?
8) Na nupi in deacon tuan ding a lo lungkimpi maw?
9) Na umnak kawhhran constitution, thurin, church leadership & admin policy pawl na siar,
na thei in na pom maw?
10) Kawhhran thu thawn pehpar in na nuntu kahwsak, khawruah, lairel, Pathian rennak cu
kawhhran constitution, dan le dun vekin si dingin na co hlang maw?

Elders, Bishop, Overseers, Pastor, Deacons.
FCCI kawhhran in baptist tradition thlun in Bible in a simmi tiah kan zummi tuanvo (office)
pahnih kan hmang: Pastor le deacon asi.
Dungthluntu san lai kawhhran sungah tuanvo (office) pahnih cu fiangzet in a sim: kawhhran upa
(elders) le deacon ti in. Tuisan kawhhran sungah ziangvek tuanvo kaitu (office) a um ding timi
thu ah Scholar le theologian pawl ruahnak a bang aw theh lo. Baptist system in a hmanmi ahcun
pastor (pakhat lolepakhat hnakih tam) le deacon ti in a hmangih deacon cu pakhat hnakih tam asi
tlangpi. Presbyterian system cun “elders” “kawhhran upa” a hmangih pastor cu kawhhran upa
lakah rawngbawltu pakhat asi. Kawhhran hrek khat in “kawhhran upa” “elders” timi tlun ah
“bishop” ( 1 Peter 2:25) hnatuan (office) dinhmun pakhat an ret. Paul in kawhhran upa (elders)
pawl kha “bishop” “overseers” (Tirh. 20:17,28) tiah a ko ih an hnatuan le tuanvo cu pastor, tuu
khal an si (c28) tiah a sim. Cukhal cu Bible ih a simmi khaikhawm asile “elder” “bishop”
“overseers” timi pawl hi tongfang bangrep tuanvo bangrep dinhmun bangrep in a hmang tlangpi
in a lang. Ziangtin dinhmun hmin vuah khal asile elders, bishop, overseers pawl kawhhran
sungah an um a tulnak, an hnatuan cu kawhhran sungah lungrualnak pumkhat sinak, dungthluntu
pawl ih zirhmi zumnak kenkawh ding, Pathian zangfahnak thuthangtha simsawng vivo ding asi.
Khaikhawm asile ziangti vekin rawngbawltu hnatuan dinhmun (office) cu pahnih lawng a um:
kawhhran upa (elders, bishop, overseers, pastor) le deacon (Ryrie-Basic Theoloy).
Deacon le elders an hril tikah Tirh 6:1-7 ahcun deacon pawl kha local kawhhran pawlin an hril ti
a fiang. Paul in Titus kha Crete ah kawhhran upa (elders) appoint (Tits 1:5-7) tuah dingin tuanvo
apek.
Kawhhran sung hantuantu, pastor, bishop, overseers, elders, le deacon, an zaten Bible thuhrampi
“Renmi siloin riantu” (Mathai 20:28) si dingah timi Bawi Jesuh amah ih thu zirhnak parah a
hngat aw mi asi. Ziangvek tuanvo le dinhmun in kawhhran sungah Pathian kan rian khal asile
kan zaten hnen-um kan tuan dingmi tuan, Pathian in in fialmi tuahtu lawng kan si ringring.
“Cuvek thotho in nanmah par khal ah a si ve: tuah uh, tiih an lo timi nan tuah ṭheh tikah ‘Kannih
cu lom tlak lo hnen-um men kan si. Kan ṭuanvo a ṭuantu lawng kan si,’ tiah ti uh,” tiah a sim,
(Luke 7:10).
Thurawnmi pawl:
i)  Bible Thiang (Falam, KJV, NIV).
ii) Elwell, W. A., & Beitzel, B. J. (1988). In Baker encyclopedia of the Bible (p. 589).
Grand Rapids, MI: Baker Book House.

61
iii)  Trenchard, W. C. (2000). Deacon. In D. N. Freedman, A. C. Myers, & A. B. Beck
(Eds.), Eerdmans dictionary of the Bible (p. 325). Grand Rapids, MI: W.B. Eerdmans.
iv)  Ryrie, C. C. (1999). Basic Theology: A Popular Systematic Guide to Understanding
Biblical Truth (p. 484). Chicago, IL: Moody Press.
v) The Biblical Qualifications and Responsibilities of Deacons, 9marks.org
vi) Qualifications and responsibilities of Deacons and Trustees @ 1976 General Council
of the Assembly