40 Days Devotion
Ni 40 Sung Mi Pakhat hrang thlacam ding timtuahnak
Day 1: Pathian hmin thantertu
Rome 9: 16 Curuangah ziangtinkim ahhin minung ih duhnak le tuahnak ruangah si lo in Pathian ih zangfahnak a um ruangah a si òheh a si. 17 Izipt ram Faro siangpahrang thu khalah Ca Thianghlim in, “Nangmah cu siangpahrang ah ka lo tuah ih leilung hmuahhmuah ah ka cahnak huham na langter ih ka hmin na thanternak dingah ka lo hril a si,” a ti. 18 Curuangah Pathian in a duhmi poh kha a zangfah ih a duhmi poh kha an lung a ruhter a si.
Pathian in Faro kha Amah Pathian hmin thantertu dingah siangpahrangah a canter asi. Leitlunah hna kan tuan, inn le lo, thilri hrangah tikcu cem, thabangin thinlung le ruahnak, taksa thawn hna kan tuan. Asinan Pathian duhnak kan kimter lo, a lungawi lo ahcun zianghman santlai lo, a rei hlanah a ziam ral men dingmi an si e. Asinan Pathian hmin a thantertu Pathian duhmi tuahtu hnenah a duhduh in Pathian in thlawsuah a pek asi. Ziangtin Pathian duhmi kan tuah thei, a hmin kan thanter ve ding? Zumtu pakhat cio in mi pakhat ciar hnen talah kan Bawipa Jesuh Khrih ah Pathian ih in duhdawtnak le in rundamnak thuthangtha kan simnak in Pathian hmin kan thangter thei ve asi. 2020 kum cemah dunglam na zoh sal tikah mi pakhat tal Rundamtu hnenah hruai suahmi na nei ve pei maw? Who is your one? Acuih mi pakhat Jesuh hnenah na hruai dingmi hrangah hminsal in thlacam uhsi. Pathian hmin thantertu dingah Faro hnenah Pathian in siangpahrang sinak a pek asi. Ziangkim hi leitlun mi in Pathian an theihtheinak ding hrangah a cang rero mi asi. Nunnak caan in pekmi hi Amah Pathian a hmin kan thanternak hrangah asi. Who is your one? Zo mi pakhat hnenah Pathian hmin na thangter ve ding?
Day 2: Miphun hmuahhmuah hnenah a sunllawizia aupi uh
“3 Miphun hmuahhmuah hnenah
a sunlawi zia than uhla, Mi hmuahhmuah hnenah thil a ti thei zia cu phuang uh.” Sam 96:3).
Mi zokhalin kan theihmi lak ihsin a maksak, a danglam, a mawibi, a sunglawibik mi cu midang hnenah simsin kan duh, Mi ih neih dah lo mi thiltha kan neih tikah mi in in thei hai seh ti kan duh. Cuvekin Pathian sunlawizia kan nun ij a tep, kan thlarau in Pathian Thlarau a pawlkom awk zo tikah Pathian sunlawinak kan hmuhmi cu simlo le rel loin kan um thei lo asi. Pathian thatzia, a hnatuan theizia, a duhdawt zangfah lainatnak a thukin a maksakzia, kan nun in a tep zo, kan neihmi hmuahhmuah lqkah midang hnenah simlo theih loin kan nun in a ausuapi cak bikmi cu Pathian ih sinak asi. Pail in ka simlo asi ahcun camsiatmi ka si a ti (1 Kor. 9:16).
