DUNGTHLUNTU LAMZIN
DISCIPLE PARTH THE JOURNEY-VOL.4
SESSION 1
THUTHANGTHA AH KIRSAL
RETURN TO THE GOSPEL
Key Truth: Thuthangtha cu khristian nun ih thahripi asivekin a thutak sungah kan kirsal ringring a tul.
Because the gospel is the driving force behind the Christian life, we must consistenly return to its message.
DISCIPLE PATH THE JOURNEY Vol 4: SESSION 1
ZOHSALNAK
Dungthluntu lamzin Bible zirnak ah vol 4 tiang kan thlen zo vekin thlarau nun ah pitlin vivo lam kan pan cio ding. Curualrual in Thuthangtha cu Khristian nun sungmuril, hrampi asi vekin Thuthangtha ah kan kirsal ringring a tul. Kanmah hrang lawngah si loin midang hrang ruat in thutak sungah a nung dingmi kan si. Cutin Khristian nun cu Jesuh hnenah midang hruai suak thei ding kan si. Cutin thutak sungah midang kan hruai lut ih Jesuh dungthlun in kan feh tlang vekin dungthluntu tha si ding a thupit rualrual in a thulungtu kan si ding khal a lotheihlo in a tulmi asi.
Jesuh dungthluntu sinak cu midang dungthluntu va tuah sin asi. Jesuh dungthluntu na sinak dunglam thuanthu zohsal hnik. Ziangruangah Thuthangtha sungah kirsal ringring a thupitnak? Thuthangtha sungah na lutsal ringring lo, na nung lo asi ahcun na parah ziang a thleng thei?
Thuthangtha sungah kan nunnak in Jesuh thutak “Dungthluntu tuah ding” ziangtin a tak in in bawm?
- THLACAM
- Thlacamnak in himi session hram thok uhsi. Rundamnak na sinak Thuthangtha ruangah Pathian hnenah lungawithu sim aw.
- Nitin Thuthangtha tul nawn lo, pitling zet vekin na theih awknak in thlarau lam porh awknak sungah na tlak pang lo nak ding hrangah thlacam aw.
- Thuthangtha sungah na nun vekin nitin te Pathian in Thuthangtha ih sunlawihzia tharhlam zetin a lo thlawsuahnak hrang thlacam aw.
