DUNGTHLUNTU LAMZIN
DISCIPLE PATH THE JOURNEY-VOL.3
SESSION 1
PATHIAN THU SUNGAH CIAH AW
Thupi: Pathian Ṭongkam sungih ciahawknak cun kan nunnak le kan sinak ih a hri-hram in theihter asi. ● Bible zohlo: Hebru 4:12 Pathian ih thu cu a nungih a cak fawn. Kap hnih hriam ralnam hnakin a hriam sawn. Nunnak le thlarau an ton awknak le hlikhlok le thlik an peh awknak tiang a suntlang thei a si. Milai thinlung ih duhnak le ruahnak tla a thei thluh a si.Tuizarh sung rongbawlnak pakhatkhat ah tel ve nak na nei thei ding asile lo telpi dingin midang pakhat rak sawmaw.
ZOHSALNAK
Dungthluntu Lamzin Volume-3 in kan lo hmuak. Hi zirnak ih a tumtahmi cu Jesuh dungthluntu sinak ah ṭhangso le pitling sinak lamzin na hmuhsuak theinak dingah asi. Kan zir peh vivo dingmi pawl cu dungthluntu pawlin Pathian Ṭongkam sungah ziangtin an ciahawk, thlacamnak thawngin Pathian thawi’ pehtlaihnak nun, zumtu dang pawl thawn pawlkomawknak pawl tla an si ding. Jesuh a dokalhtu khawvelmi lakah dungthluntu pakhat dinhmun in na nuntudan le na hnaṭuan pawl tla thuuk sinin na zir ngah ding. Himi session ah Jesuh in Ca Thianghlim cu Pathian Ṭongkam Thianghlim ah lakin ziangtin a hmangih a nun kekarnak le cangvaihnak ah a fehpi timi kan zir ding.