DUNGTHLUNTU LAMZIN
DISCPLE JOURNEY
SESSION 1:
JESUH CU ZO ASI?
Thudik: Jesuh cu thlun tlak hirmhrim asi, ziangahtile amah bangtuk zohman an umlo. Dungthluntu Lamzin in cibai kan lo buuk! Volume 1 kan rak zir lai vek thotho in a sungthu le kan zir daan ding pawl Volume 2 khalah kan hmu sal ding asi. Pathian Tongkam kan zir tlang tikah hmunkhawm ih zir lang daan kha a cangthei tawkin rak zuamaw. Himi session ah hin Jesuh ih sinak le a hnatuan kha thuuk deuh in kan zoh tlang ding asi. A hleice in nangmah le na group in Jesuh in sinak phunhnih: “Pathian Fapa” asinak le “Milai Fapa” asinak pawl, Johan 1:35-51 sungih Jesuh ministry a rak thok laiah Tihnimtu Johan thawi’ an biakawknak ihsin kan thok ding.Bible Study group hruaitu dingah hasa zet dingin tla ruat tuk ciamco hlah aw. Nan group tonkhawmnak tikcu a thlen hlanah himi cabu siarnak le thlacamnak thawn tikcu hmangaw. Nan group member pawl tumhrim duhhrilnak thawn Jesuh thluntu an siih Jesuh thawi’ a naiaw sinsintu an si theinak dingah Pathian hnenah thlacam aw.
ZOHSALNAK
Dunthluntu Lamzin Volume2 in cibai kan lo buuk! Hi cabu ih a tumtahmi cu Jesuh dungthluntu dinhmun ih thansohnak le thanlennak karbak pawl hmuhsuak ding asi. Kan zoh vivo dingmi pawl cu Jesuh ih sinak le dungthluntu ih sinak diktak pawl asi ding. Bible ih in zirhmi Pathian, minung sinak, Khrih ih a Milai sinak le a hnatuan, Pathian uknak, Thiang Thlarau le kawhhran thu tivek pawl tla kan zoh ding. Himi session ah Jesuh cu zovek asiih ziangruangah thlun tlak asi, timi pawl theihfiangnak kan ngah ding.
